Ниту еден обид за заобиколување на консензусот од 2022 година за Северна Македонија нема да биде успешен. Европскиот парламент нема надлежност да изразува мислење за прашања како што се идентитетот, јазикот и слични формулации, изјави во Брисел министерот за надворешни работи на Бугарија Георг Георгиев, пренесуваат бугарските медиуми.

„Засрамени сме од фактот што политичарите предвидуваат развој на настаните во врска со извештајот, од мешањето на земја-кандидат во работата на ЕП. Нашите европратеници работат исклучително активно. Она што зависи од извршната власт и комуникациите што таа може да ги спроведува – исто така.“

Тој истакнува дека ваквите разговори како оние на Мицкоски, можат да имаат само краткорочен популистички резултат, нагласувајќи дека пристапувањето кон Европската Унија се заснова на принципи, вредности и одговорности.

„Европскиот парламент нема надлежност да изразува мислење за прашања како што се идентитетот, јазикот и слични формулации. Европските институции не треба да се користат за инструментализирање на една или друга политика. Ниту еден обид за заобиколување на консензусот од 2022 година нема да биде успешен, бидејќи ќе наиде на решителен отпор од Бугарија. Од разговорите со другите колеги, нема земја-членка на ЕУ што би отстапила од она што беше постигнато тогаш. Консензусот останува валиден. Ние ја почитуваме работата на ЕП на извештајот, но тој нема меѓународно правно обврзувачка природа. Секој кандидат мора да ги почитува условите на сите земји-членки“, објасни Георгиев.

„Сакам да ги уверам бугарските граѓани и сите заинтересирани за процесот дека го охрабруваме процесот на проширување, но тој мора да се базира на сопствените заслуги“, додаде тој.

Министерството за одбрана на Катар објави дека противвоздушните сили пресретнале ракетен напад насочен кон воздухопловната база Ал-Удеид.

„Благодарение на Бога, будноста на вооружените сили и превентивните мерки, инцидентот не доведе до губење на животи или повреди“, се вели во соопштението на министерството, како што објави „Ал Џезира“.

Катарското Министерство за одбрана потврди дека воздушниот простор и територијата на Државата Катар се безбедни и дека катарските вооружени сили се во состојба на готовност, осудувајќи го иранскиот напад кој „претставува јасно кршење на суверенитетот, воздушниот простор и меѓународното право“.

Катар, како што објавија свтеските агенции, додаде дека го задржува правото директно да одговори на начин соодветен на природата и обемот на нападот и во согласност со меѓународното право, на што Советот за национална безбедност на Иран одговори дека воените операции не претставуваат „никаква закана или опасност за нашата пријателска и сестринска земја, Катар, и нејзиниот народ“.

Претходно, сирените за опасност во воздухот се вклучија во Катар, Ирак, Бахреин, а воздушниот простор беше затворен во Обединетите Арапски Емирати.

Вечерва, Иран одлучи да ја спроведе операцијата „Башарат ал-Фат“, односно напад врз американската база Ал Удеид во Катар.

Иран лансираше ракети врз американска база во Катар и уште една ракета врз американска база во Ирак како одговор на нападите на Вашингтон врз нуклеарните постројки на земјата, објавија државните медиуми.

NOW: 🚨 Doha, Qatar. pic.twitter.com/HB6e0yQ4T3

— Iran Military ( Commentary) (@IranMilitary_ir) June 23, 2025

Како што анализираат медиумите, Катар е дом на најголемата американска воена база на Блискиот Исток.

Panic in Doha mall during Iranian missile strike on U.S. forces in Qatar. pic.twitter.com/AjkqThSGBu

— Clash Report (@clashreport) June 23, 2025

Според Стејт департментот, таму живеат близу 8.000 американски граѓани.

Видео од моментот на паника во трговскиот центар во Доха се прошири низ социјалните мрежи.

„Паника во трговскиот центар во Доха за време на иранскиот ракетен напад врз американските сили во Катар“, објави „Клеш рипорт“ на Твитер.