Контакт

Свет

Русија: нови масовни протести заради изборни измами

Објавено пред

Русија во сабота се подготвува за уште еден масовен протест во срцето на престолнината на гласачите кои се бесни поради наводните изборни нерегуларности во корист на победничката партија „Обединета Русија“ на премиерот Владимир Путин.

dobivaj vesti na viber

Русија во сабота се подготвува за уште еден масовен протест во срцето на престолнината на гласачите кои се бесни поради наводните изборни нерегуларности во корист на победничката партија „Обединета Русија“ на премиерот Владимир Путин. Десетици илјади луѓе на блоговите и на социјалните мрежи ги повикуваат Московјани, но и жителите на други градови, што помасовно да излезат на демонстрациите, на кои се очекува да говорат многу познати личности, како последниот советски претседател Михаил Горбачов, активистот против корупцијата Алексеј Навални, па се до рок-музичарот Јуриј Шевчук и романописецот Борис Акунин. Закажаните демонстрации се втори во последните две недели и следуваат по масовните демонстрации на 10 декември, кои беа најголем протестен собир во Русија по распадот на СССР.Главната поплака на руските демонстранти е дека парламентарните избори кои се одржаа на 4 декември и некои победи „Обединета Русија“ се опоганети со измами и треба повторно да се одржат. Лидерите на демонстрантите бараат и смена на раководните функционери во изборните тела, како и намалување на административните бариери за да можат повеќе опозициски партии да учествуваат во идните изборни циклуси. Лидерот на оваа партија и актуелен премиер на Русија, Владимир Путин, претседателот Дмитри Медведев и други високи руски функционери ветија дека наводите за изборни измами ќе бидат истражени и сите нерегуларности казнети. До сега се покренати 54 кривични пријави за изборни нерегуларности. Тие, сепак, го намалија влијанието на нерегуларностите врз конечниот резултат и воопшто не го земаа предвид барањето за повторно гласање. Путин, исто така, ги обвини САД за поттикнување на овие протести. Сепак, иако не покажаа никаков интерес за повторно одржување на изборите, раководниот двоец на Русија во изминативе неколку денови, како што се доближува денот на демонстрациите, почна да испраќа се посилни сигнали за подготвеност за спроведување на радикални реформи во политичкиот систем на земјата.Во своето проштално обраќање до нацијата во четвртокот, Медведев предложи темелни промени на тековниот политички систем, кои би вклучувале директно, народно гласање на гувернерите на регионите и поедноставување на критериумите, со што на политичките партии би им се овозможило полесно да се регистрираат и да учествуваат во политичкиот живот на земјата.„Нашата демократија станува се позрела“ истакна Медведев, кој си заминува од функцијата по претседателските избори во март догодина. Само еден ден по неговиот говор, заменик-шефот на кабинетот на претседателот Владимир Сурков, кој се смета за „сива еминенција“ на Кремљ во времето на претседателствувањето и на Путин и на Медведев, во една своја изјава политичкиот систем го опиша како „корумпиран“, „глупав“, кој дури ни самите политичари не го почитуваат искрено. „Најдобриот дел од нашето општество, или да подобро речено, најпродуктивниот, заслужува повеќе почит“, рече Сурков. Некои опозициски лидери ги отфрлија овие сигнали од Кремљ како обид да се сврти вниманието на јавноста од изборните измами и тие да се поделат, со што повторно опозицијата би станала премногу слаба да му се спротивстави на Путин и на неговите соработници. Други пак, и дома и во странство, ги поздравија како многу битен чекор кон демократизација на земјата и побараа што побргу да бидат спроведени во пракса. Овие демонстрации, сметаат познавачите, ќе бидат уште еден многу силен тест на популарноста на Путин, кој се кандидираше за уште еден претседателски мандат. Тој беше претседател на Русија во два мандата, од 2000 до 2008 година, но уставот му забрани да се кандидира за уште еден, последователен мандат, па тој местата ги замени со Медведев, кој сега најверојатно повторно ќе се врати на премиерската функција. /крај/риа/сс/



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Џеј Ди Венс „го запали пожарот“, сите се загрижени за здравјето на Трамп

Објавено пред

Американскиот потпретседател Џеј Ди Венс го запали интернетот откако изјави дека е подготвен да ја преземе должноста доколку Доналд Трамп претрпи „страшна трагедија“.

dobivaj vesti na viber

„Ако, не дај Боже, се случи ужасна трагедија, не можам да замислам подобра обука на работното место од онаа што ја имав во последните 200 дена“, рече Венс за здравјето на американскиот претседател во интервју за „USAToday“, иако инсистираше дека 79-годишникот, најстариот претседател што некогаш положил заклетва, е во добра здравствена состојба и има „неверојатна енергија и покрај шпекулациите за неговото здравје“.

Белата куќа минатиот месец објави дека на Трамп му е дијагностицирана хронична венска инсуфициенција, проблем со циркулацијата што предизвикува оток околу неговите зглобови. Тие исто така рекоа дека модринките на раката на претседателот, која обично била покриена со шминка, се предизвикани од „мала иритација на меките ткива од чести ракувања и употреба на аспирин“.

Модринката на неговата рака, особено, е предмет на шпекулации и дискусии на интернет за вистинската состојба на здравјето на Доналд Трамп.

И по изјавите на Венс, интернетот експлодираше! Социјалната мрежа X експлодираше и трендот на објави „Трамп е мртов“ се шири незапирливо.

Според „CNBC“, во времето на пишување на нивната статија за овој тренд на социјалните медиуми во саботата, веќе имало 87.000 објави на „X“ – „Трамп е мртов“, но постојано се појавуваат нови објави во огромен број.

Од повременото отсуство на Трамп од јавни настани до претходно споменатата модринка на раката што се појавува веќе некое време, шпекулациите за здравјето на претседателот се во пораст.

Сепак, може да се каже дека овој тренд се должи исклучиво на Џеј Ди Венс со неговите коментари дека е подготвен да го замени Трамп во случај на „некаква трагедија“.

Трендот предизвика мешани реакции на социјалните медиуми, при што некои корисници се шегуваат за смртта на Трамп, а други изразуваат загриженост за неговото здравје.

Прикажи повеќе...

Свет

(Видео) Израелски војници открија спални на Хамас во тунели под стариот град Газа

Објавено пред

Војници на Израелските одбранбени сили (ИДФ) открија спални соби во тунели на Хамас под стариот дел на градот Газа.

dobivaj vesti na viber

Тунелот долг еден километар беше откриен за време на операција предводена од 7-та борбена бригада. Тунелот беше снимен и подоцна уништен, објавија израелските медиуми.

Војници на ИДФ пронајдоа спални соби што ги користеле терористите на Хамас во еден од нивните терористички тунели во областа Зејтун, кои беа дел од неодамна уништен терористички комплекс, соопшти војската.

Операцијата се случи во време кога армијата ја интензивираше својата кампања во Газа, спроведувајќи повеќекратни напади на клучни точки во Појасот Газа и изведувајќи напади врз цели поврзани со тероризмот.

ИДФ ги интензивира операциите во Газа

Борбен тим од 188-та оклопна бригада напредуваше во Кан Јунис и работи на воспоставување контрола врз оската Маген Оз, што би можело да обезбеди стратешки коридор во областа, соопшти ИДФ.

Во областа Џабалија, 162-та дивизија ги продолжи своите операции за чистење и уништи неколку мрежи од тунели. Исто така, во северниот дел на Појасот Газа, војниците од 401-та оклопна бригада убија тројца терористи кои беа забележани во близина на нивните позиции.

Во градот Газа, ИДФ започна со евакуација на цивилите пред заземањето на градот. Според војската, раселените цивили се упатуваат кон јужниот дел од Појасот Газа.

Прикажи повеќе...

Свет

Јеменскиот премиер е убиен во израелски напад, со него загинаа и неколку министри

Објавено пред

Јеменските бунтовници Хути денеска соопштија дека премиерот на владата во Сана, Ахмед ал-Рахави, е убиен во израелски воздушен напад, заедно со неколку министри.

dobivaj vesti na viber

Според Хутите, нападот се случил во четвртокот во јеменскиот главен град Сана, а во него загинале и неколку соработници на премиерот.

Израелските медиуми, повикувајќи се на арапски извори, ја потврдуваат смртта на ал-Рахави и додаваат дека воздушниот напад бил извршен врз станот каде што живеел.

Според извештаите на „Тајмс од Израел“, иако нападот се смета за одделен од претходниот напад насочен кон десетици високи министри на Хутите, постојат индиции дека израелската војска извршила втор напад врз претставници на Хутите кои се собирале надвор од главниот град за да присуствуваат на говор на лидерот на групата, Абдул Малик ал-Хути.

Ситуацијата ја нагласува зголемената тензија во Јемен и продолжувачката конфронтација меѓу израелските сили и Хути бунтовниците.

Прикажи повеќе...

Најново

Скопје3 часа

(Видео) Вистинска драма кај „Борис Трајковски“, евакуација на публика, 9 полицајци завршија во болница

Попладнево околу 16 часот во близина на Спортскиот центар „Борис Трајковски“ во Скопје изби пожар кој предизвика паника кај учесниците...

Скопје6 часа

Силното невреме причина за повеќе пожари во Скопје, сите се изгаснати или локализирани

Попладнево скопскиот регион беше зафатен од силно невреме проследено со силен ветер и дожд, по што речиси истовремено избија повеќе...

Регион7 часа

(Видео) Драма на скопскиот аеродром: Aвион од Крит со 200 лица слета во Скопје наместо во Белград

Патници на авиокомпанијата „Виз ер“ кои требаше да летаат од Крит за Белград, наместо тоа завршија на аеродромот во Скопје...

Скопје8 часа

(Фото) Скопје на удар на невреме, силен ветер, паднати дрва, пожари во делови од градот

Скопје се соочува со нестабилни временски услови во текот на денешниот ден. Во моментов, во градот дува многу силен ветер,...

Македонија9 часа

Мицкоски жестоко му одговори на Филипче: Доста беше со итроштини, народот веќе не заборава, вие продадовте сѐ

Премиерот Христијан Мицкоски денеска остро одговори на изјавата на лидерот на СДСМ, Венко Филипче, за нова декларација во Собранието за...

Македонија10 часа

(Фото) Почина поранешниот директор на Здравствен дом – Скопје, д-р Виктор Исјановски

Тажна вест ја потресе македонската здравствена јавност попладнево. Почина д-р Виктор Исјановски, психијатар и поранешен директор на Здравствен дом –...

Македонија11 часа

Уценетиот Таравари како млада невеста, не знае кој пат да го фати, велат од ВМРО-ДПМНЕ

„Уценетиот Таравари на крајот ќе се откаже од самиот себе, како млада невеста што не знае кој пат да го...

Македонија12 часа

Многу нервозни возачи на Табановце, за влез и за излез се чека околу 1 час

Сообраќајот на државните патишта во земјава се одвива непречено, со суви коловози, но летните одмори предизвикуваат зголемена фреквенција на возила...

Топ13 часа

Двајца приведени за подметнување пожар кај Тиквешко езеро

Кавадаречката полиција вчера околу 19:00 часот ги приведе З.К. (33) од Бегниште, кавадаречко и И.И. (19) од Кавадарци, поради сомнение...

Економија15 часа

ВМРО-ДПМНЕ: Со нас народот живее подобро, платите растат, инфлацијата се топи

Со ВМРО-ДПМНЕ на власт граѓаните имаат повеќе пари, платите растат, а инфлацијата е стабилизирана, пишува во денешното соопштение на партијата....

Македонија15 часа

Филипчe: ВМРО-ДПМНЕ се гушка со ДУИ, ние ја научивме лекцијата

Претседателот на СДСМ, Венко Филипче, во интервју за телевизија Сител категорично ја отфрли тезата дека неговата партија ја рехабилитира Демократската...

Македонија15 часа

Перински пред гласањето на 12 септември: Ако не се донесе законот, градоначалниците ќе останат без контрола

Министерот за локална самоуправа, Златко Перински, потврди дека институциите прават максимални напори новите измени на Законот за локална самоуправа да...

Свет16 часа

Тој е „предатор“ и „чудовиште“: Макрон со навреди кон Путин, Москва реагираше

Русија остро го критикуваше францускиот претседател Емануел Макрон за, како што рече, „вулгарните навреди“ откако францускиот претседател го нарече рускиот...

Македонија17 часа

Македонија ќе ја зафати невреме со пороен дожд, силен ветер и град

Македонија денеска ќе биде погодена од нестабилно време кое ќе донесе големи промени во текот на денот. Утринските часови ќе...

Топ1 ден

Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело...

Македонија1 ден

Тројца повредни во пожарот во дискотеката „Пулс“ сè уште се во болница: еден во Истанбул, двајца во „Систина“

Тројца повредени во пожарот во дискотеката „Пулс“, при што загинаа 62 лица, веќе шести месец се на болничко лекување. Директорот...

Топ1 ден

Полово вознемирувал малолетно девојче: уапсен 75-годишен маж од Тетовско

Вчера во 17:00 часот во СВР Тетово е лишен од слобода З.Б.(75) од тетовско. Тој се сомничи за сторено кривично...

Македонија1 ден

Мицкоски: Почнуваме со проектот за третата фаза од пругата кон Бугарија

„Тоа ќе биде од големо значење за нас како држава, за Македонија како целина, бидејќи на тој начин ќе ја...

Македонија1 ден

И без документи, оние што се сомневаат дека биле непотребно оперирани нека поднесат претставка, повика Клековски

Сите што се сомневаат дека биле непотребно оперирани по скандалот дека се правеле операции на срце само за да се...

Македонија1 ден

Николоски: Почнуваме со реконструкција на обиколницата кај Крива Паланка, активно се работи и на граничниот премин

Имаме рекордни инвестиции во инфраструктурата во Крива Паланка и регионот. Само преку Владата, преку двата јавни повици инвестираме преку 200...