Свет
Студот низ Европа однесе повеќе од 500 животи

Поларниот студ, обилните снежни врнежи и силниот ветер, кои ја зафатија Европа, ќе продолжат и викендов со несмален интензитет. Поларните студови во Европа, за десетина дена, однесоа повеќе од 500 животи.
Поларниот студ, обилните снежни врнежи и силниот ветер, кои ја зафатија Европа, ќе продолжат и викендов со несмален интензитет. Поларните студови во Европа, за десетина дена, однесоа повеќе од 500 животи. Во Украина, каде температурите за време на викендот би требало да се спуштат до минус 30 степени Целзиусови, властите без да наведат причина престанаа да известуваат за бројот на жртвите. Според податоците од вторникот, во Украина има најмногу починати од студот, 135 лица. Во Полска, каде температурите во последните два дена благо пораснаа, вкупниот број на починати изнесува 77. Поради ниските температури, од почетокот на февруари во Русија починале 110 лица, а руското министерство за здравство не наведува каде се забележани тие случаи, во европскиот или азискиот дел на земјата. Студот усмрти 23 лица во Летонија, 10 во Литванија, додека едно лице почина во Естонија. Бројот на починати во Чешка изнесува 25, а синоптичарите за време на викендот најавуваат екстремно ниски температури, кои на планините ќе се спуштат до минус 40 степени, а во Прага до минус 25 Целзиусови степени. Во Романија се избројани 44 починати, а во Бугарија 29. Бројката на починати во Србија изнесува 13, осум во Босна и Херцеговина, три во Хрватска, додека по едно лице починало во Црна Гора и Албанија. Во Унгарија од студот починале 16 лица, а најсиромашните како огрев користат банкноти. Имено, Централната банка ги рециклира своите истрошени банкноти, во брикети за греење, кои им ги дели на најсиромашните. Последните денови во Франција починале пет лица, додека во Италија има 34 починати. Во Грција и Австрија починале пет лица, четири во Германија, додека едно лице починало во Холандија. Студениот бран го погоди и северниот дел на Африка, особено Алжир, каде од студот починале 44 лица, метеоролозите предвидуваат дека студеното време во оваа земја ќе потрае до вторник. крај/х/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин до Западот: Купија билет и не патуваа, само за да се налутат на кондуктерот: рускиот енергетски систем работи беспрекорно

Рускиот претседател Владимир Путин изјави дека одбивањето на европските земји да се потпираат на руските енергетски ресурси сериозно ја поткопа конкурентноста на нивните економии и доведе до пад на индустриското производство и пораст на цените низ целиот континент.
Зборувајќи на пленарната сесија на Руската недела на енергија во Москва, Путин истакна дека постапките на западните политички елити „ја уништија глобалната енергетска инфраструктура“, нагласувајќи дека политичкиот притисок довел до ирационални одлуки во ЕУ, според западните медиуми.
„Многу европски земји, под политички притисок, одбија да купуваат руски енергетски производи. Веќе неколку пати предупредив за последиците – не за Русија, туку за самите тие земји. Гледаме пад на индустриската активност и пораст на цените поради поскапата нафта и гас од странство“, рече Путин.
Тој додаде дека, по забраната за соработка со Русија, западните компании почнаа да ја губат својата технолошка предност и да го намалуваат производството, додека руските експерти станаа „технолошки лидери“ на пазарот.
„Што направија? Купија билет и не патуваа – само за да се налутат на кондуктерот. Каква глупост.
Нашиот енергетски систем е еден од најголемите во светот. Овој огромен комплекс работи сигурно и ефикасно“, заклучи претседателот на Русија.
Свет
Кремљ: Путин го предупреди Трамп за време на разговорот

Во денешниот телефонски разговор, рускиот претседател Владимир Путин го предупреди американскиот претседател Доналд Трамп дека испраќањето крстосувачки ракети „Томахавк“ во Украина ќе го загрози мировниот процес и ќе им наштети на односите меѓу САД и Русија. Веста беше потврдена од Кремљ во официјално соопштение, пренесуваат медиумите во регионот.
Според Кремљ, Путин изразил загриженост поради можноста напредното американско оружје во рацете на украинските сили да доведе до понатамошна ескалација на конфликтот. Предупредувањето јасно посочи дека таков потег од страна на Вашингтон би имал директни негативни последици врз билатералните односи на двете сили.
Советникот на Путин, Јуриј Ушаков, им изјави на новинарите дека Путин во разговорот нагласил дека руските сили во моментов имаат „целосна стратешка иницијатива“ по целата линија на фронтот во Украина.
Ушаков додаде дека денешниот повик, кој траел речиси два и пол часа, бил инициран од руска страна. Тој, исто така, објави дека на планираниот нов самит меѓу двајцата претседатели ќе му претходи разговор меѓу државниот секретар на САД, Марко Рубио, и рускиот министер за надворешни работи, Сергеј Лавров, кој се очекува да се одржи во наредните денови, пренесува index.hr.
Фото: принтскрин
Свет
Орбан по разговорите Трамп-Путин: Голема вест за мирољубивите луѓе, подготвени сме

Американскиот претседател Доналд Трамп објави дека наскоро повторно ќе се сретне со рускиот претседател Владимир Путин, а овој пат средбата ќе се одржи во Будимпешта. Двајцата лидери се согласија за нов самит за време на телефонски разговор.
Унгарија е подготвена да биде домаќин на самитот Русија-САД, изјави унгарскиот премиер Виктор Орбан.
„Планираната средба меѓу американскиот и рускиот претседател е голема вест за мирољубивите луѓе низ целиот свет. Подготвени сме!“ напиша тој на X.
Трамп и Путин последен пат се сретнаа пред два месеци во Алјаска, но таа средба не донесе конкретен напредок кон мирот во Украина, по што следеше период на дипломатско затишје меѓу Вашингтон и Москва, анализираат медиумите.
Денешниот телефонски повик не беше објавен со денови, за разлика од некои претходни, а аналитичарите истакнуваат дека времето на неговото случување е исклучително значајно. Имено, Трамп утре треба да се сретне со украинскиот претседател Володимир Зеленски.
Клучната тема на нивниот разговор ќе биде можното испраќање американски ракети со долг дострел „Томахавк“ во Украина, што би претставувало значително зголемување на воената помош за земјата.
Фото: принтскрин