Свет
Путин, според анкетите, ќе победи во првиот круг
Рускиот премиер, Владимир Путин, уверливо ќе победи, уште во првиот круг, на парламентарните избори кои ќе се одржат во недела, предвидуваат последните испитувања на јавното мислење.
Рускиот премиер, Владимир Путин, уверливо ќе победи, уште во првиот круг, на парламентарните избори кои ќе се одржат во недела, предвидуваат последните испитувања на јавното мислење. Според анкетите, Путин уште во првиот круг ќе освои 60 отсто од гласовите на електоратот. За да го избегне вториот круг на гласање на актуелниот премиер на Русија ќе му биде потребно да освои 50 отсто плус еден глас на претседателските избори. Против кандидати на Путин на изборите на 4. март ќе му бидат челници на три парламентарни партии – Генадиј Зјуганов од Комунистичката партија, Сергеј Миронов од партијата Праведна Русија, Владимир Жирновски од Либерално демократската партија на Русија и независниот кандидат Михаил Прохоров. Според аналитичарите, победата на Путин во првиот круг, може да ја спречи само размислувањето на Русите дека тој ќе победи и без нивните гласови. Анкетите покажуваат дека доколку има втор круг, противник на Путин ќе му биде Генадиј Зјуганов, за кого според анкетите во првиот круг би гласале околу 15 отсто од избирачите. Популарноста на Путин започна да расте во последните два месеци, откако по парламентарните избори, кои се одржаа во декември минатата година, таа изнесуваше околу 40 отсто. Изборите во Русија ќе ги надгледуваат околу 600 преставници на Организацијата за европска безбедност и соработка, како и набљудувачаката мисија на Европскиот парламент и Парламентарното собрание на Советот на Европа. За следење на претседателските избори во Русија се акредитирани повеќе од 4.000 новинари. Путин во два мандати веќе беше претседател на Русија, во 2000 доби 53 отсто, а во 2004 година 71 отсто од гласовите на електоратот. Неговиот наследник Дмитриј Медведев, на изборите во 2008 година, освои 70 отсто од гласовите, на овие избори, според тогашните уставни одредби, Путин немаше право да се кандидира. крај/х/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.