Свет
Најмалку 200 загинати во експлозиите во Конго
Бројот на жртвите во експлозијата во магацин за муниција во Бразавил,главниот град на Република Конго, се искачи на околу 200 луѓе, јавува Reuters повикувајќи се на претставник на администрацијата на претседателот на земјата, Бету Бангана.
Бројот на жртвите во експлозијата во магацин за муниција во Бразавил,главниот град на Република Конго, се искачи на околу 200 луѓе, јавува Reuters повикувајќи се на претставник на администрацијата на претседателот на земјата, Бету Бангана.„Според извори во централната болница, можеме да соопштиме за околу 200 загинати и многу повредени“, изјавил Бангана.Претходно, AFP повикувајќи се на дипломатски извори, извести за околу 150 жртви и полoвина илјади повредени, по првичните информации базирани на болнички извори коишто соопштувајќи за четири жртви и шесеетина ранети.Експлозиите се случиле откако избил пожар во магацин за муниција во една од населбите во источниот дел на Бразавил. Експлозијата уништила сосема и неколку куќи во близина на магацинот, а скршени биле прозорците на поодалечени објекти.Според очевидци, од силните детонаци населението во паника избегало на периферијата од градот. Густиот чад бил забележлив и од Киншаса, главниот град на соседната Демократска Република Конго, каде што исто така силно се почувствувале експлозиите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.
Свет
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со Русија, кои, како што наведе, наскоро ќе започнат, земјата ќе ја претставуваат началникот на Генералштабот на вооружените сили на Украина, Андреј Гнатов и секретарот на Советот за национална безбедност и одбрана Рустем Умеров.
Во синоќешното видео обраќање, Зеленски рече дека претставници на Министерството за надворешни работи и украинската разузнавачка служба ќе бидат меѓу членовите на украинската делегација, пренесува „Униан“.
Тој додаде дека во моментов се во тек подготовки за состанок со американската страна.
„Преговорите наскоро ќе започнат, а наши претставници ќе бидат таму – началникот на Генералштабот, претставници на Министерството за надворешни работи, секретарот на Советот за национална безбедност и одбрана и нашата разузнавачка служба. Состаноци со американската страна ќе се одржат во блиска иднина“, нагласи Зеленски.
Украинската делегација досега ја предводеше Андриј Јермак, кој вчера поднесе оставка од функцијата шеф на претседателскиот кабинет.

