Свет
Сирија: Анан оптимист, договор нема
Посебниот пратеник на ОН и на Арапската лига за Сирија, Кофи Анан, изјави во недела по завршувањето вториот круг разговори со сирискиот претседател Башар ал-Асад дека ќе биде многу тешко да се постигне договор за прекин на крвопролевањата.
Посебниот пратеник на ОН и на Арапската лига за Сирија, Кофи Анан, изјави во недела по завршувањето вториот круг разговори со сирискиот претседател Башар ал-Асад дека ќе биде многу тешко да се постигне договор за прекин на крвопролевањата.
„Тоа ќе биде тешко и заплеткано, но мора да се надеваме. Оптимист сум од повеќе причини“, рече Анан потсетувајќи на општата желба да се постигне мир во Сирија.
Тој исто така извести дека на Асад му пренел некои конкретни предлози, без да наведе кои и повикал на итен прекин на убивањата во земјата, во кои досега животот го загубија помеѓу 7.500 и 8.500 илјади луѓе. Властите тврдат дека во борбите до сега загинале 2.000 војници.
„Го потсетив претседателот на старата африканска поговорка, која вели: „Ако не можете да го смените правецот на ветерот, тогаш сменете го правецот на пловењето“, рече Анан и додаде дека Сирија мора да ги прифати промените и реформите.
Анан во недела се состана и со сириските верски поглавари по што изјави дека состојбата е многу лоша и дека сите Сиријци се одговорни и повикани да помогнат во процесот на заздравување на нацијата. /крај/мф/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.