Во неделата автомобил-бомба експлодирал во вториот по големина сириски град Алепо, речиси истовремено со сличниот напад извршен врз кампот на палестинските бегалци Јармук во близина на главниот град Дамаск.

Во неделата автомобил-бомба експлодирал во вториот по големина сириски град Алепо, речиси истовремено со сличниот напад извршен врз кампот на палестинските бегалци Јармук во близина на главниот град Дамаск.И државата телевизија Syria TV и опозициската Опсерваторија за човекови права со седиште во Лондон која се повикува на очевидци меѓу жителите на Алепо, наведуваат дека во експлозијата има жртви, но нивниот број не се наведува. Државната новинска агенција SANA јавува дека станува збор за терористички напад кој бил извршен меѓу две станбени згради во квартот ал-Сулејманија зад локалната пошта.На 10-ти февруари во двоен бомбашки напад во Алепо врз седиштето на военото разузнавање во населбата Халеб Џедид и во канцеларија на безбедносните сили на плоштадот Сахур, загинаа 27 а беа ранети 140 луѓе. Истовремено во неделата активистите на опозицијата тврдат дека во северните и јужните сириски провинции, како и во некои предградија од главниот град Дамаск, владините безбедносни сили водат жестоки борби со бунтовниците. Во Дамаск во неделата илјадници луѓе се собраа да им оддадат почест на 27-те жртви од трористичкиот напад во саботата извршен со автомобил-бомба. Притоа властите разбиле група од 200-ини лица коишто извикувале пароли дека „народот сака да го собори режимот“./крај/мф/сн