Свет
Московската полиција дозволи протест на Црвениот плоштад

Руската полиција во неделата попладне им дозволи на неколку стотини опоаициски активисти да учествуваат на протестот на легендарниот Црвен плоштад во галвниот град Москва, на првите демоснтрации одржани во близната на Кремљ.
Како што јавуваат руските медиуми, тројца активисти биле приведени поради обидот да подигнат шатор на центарот на Црвениот плоштад.
Московските власти досега не дозволуваа одржување на политички собири на Црвениот плоштад. Минатата седмица првпат дозволија мирни протести против рускиот претседател Владимир Путин, но тогаш беа уапсени повеќе десетици демонстранти, поради непридржување на одредбите за протести и нарушување на јавниот ред.
Во неделата се собрале на плоштадот неколку стотици активисти коишто се движеле во круг по огромниот плоштад носејќи бели ленти и бели цвеќиња, симболите на протестите коишто почнаа во руските градови по парламентарните избори одржани ланскиот декември, за коишто опозицијата тврди дека биле наместени.
„Се чувствувам како да сум дошол на друга планета. Не ми е јасно што се случува. ОВа сепак е Кремљ“, изјавил еден од активистите, чудејќи се што полицијата не реагира на вообичаениот начин кога станува збор за протест во близината на седиштетот на руските власти.
По демеквриските прламентарни избори на коишто победи пертијатѕа Единствена Русија на Владимир Путин, во Русија се случиај најмасовните протести во времето на неговото 12-годишно владеење. Меѓутоа, како што забележуваат западните медиуми, по неговат апобеда на претседателските избори од 4-ти март, руската разединета опозиција продолжува со протестите против Путин, но сѐ поретко и во сѐ помалубројно. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Судот на правдата на ЕУ: Изгубен миленик на лет се смета како изгубен багаж

Судот на правдата на Европската унија донесе одлука дека домашните миленици кои се превезуваат со авион се сметаат за „багаж“, а не за патници.
Одлуката следи по случај во кој куче исчезнало при пренос до авион на лет од Буенос Аирес до Барселона, по што сопственичката побарала 5.000 евра отштета.
Судот оцени дека, според Монреалската конвенција, авиокомпанијата не е должна да исплати поголема отштета од онаа предвидена за изгубен багаж, освен ако патникот претходно не доставил специјална изјава за вредноста на пратката.
Во одлуката учествувале и двајца претставници од Хрватска – судијата Синиша Родин и адвокатката Тамара Ќапета.
Свет
Евакуирано средно училиште во Италија по истекување на амонијак

Во италијанскиот град Пескара беше евакуирано државното средно училиште „Маркони“ откако во просториите се почувствувал силен мирис од непознато потекло, поради што на многумина им се слошило.
Според италијанските медиуми, повеќе од 1.000 ученици биле итно евакуирани, а неколкумина се хоспитализирани, меѓу нив и пожарникари кои пристигнале на интервенција, пренесе „ТВ Раи“.
Првичните информации укажуваат дека причината најверојатно е истекување на амонијак од лабораторијата, иако не се исклучува ниту можноста за цурење гас од климатизацијата.
Заменичката градоначалничка на Пескара, Марија Рита Карота, нареди итно затворање на училиштето до понатамошна проверка.
Свет
Мерц: Без реформи, Европа ќе стане пиун на Азија и САД

Германскиот канцелар, Фридрих Мерц, предупреди дека Европската унија ризикува да ја изгуби својата економска независност ако итно не спроведе реформи за зголемување на конкурентноста.
Во обраќање пред германскиот парламент, во пресрет на самитот на ЕУ во Брисел, Мерц рече дека во наредните години ќе се решава дали Европа ќе остане независна економска сила или ќе стане „пиун на економските центри во Азија или Америка“.
Тој ја повика ЕУ да го намали бирократскиот товар за компаниите, да го зајакне единствениот пазар и да потпише нови трговски договори, особено со јужноамериканскиот блок Меркосур до крајот на годината.
Мерц се соочува со растечки притисок дома поради економската стагнација во Германија, која се влошува поради царинските политики на американскиот претседател Доналд Трамп.
Тој истакна дека решенијата за европската економија веќе постојат во извештаите на Марио Драги и Енрико Лета, кои предлагаат продлабочување на внатрешниот пазар и јакнење на конкурентноста, додавајќи дека тие препораки треба веднаш да станат дел од агендата на Европската комисија.