Свет
Панета: Ал Каеда не може да се уништи со еден удар

Американскиот министер за одбран аЛеон Панета изјави дека е невозможно глобалната терористичка мрежа Ал Каеда да биде уништена со еден удар, но и оти убиството пред една година на нејзиниот идеолог Осама бин Ладен значително ја ослабило организацијата, пренесува CNN.
„Јасно е дека не постои волшебно стапче со коешто можеме одеднаш да ја уништиме Ал Каеда… Меѓутоа, колку што сме поуспешни во елиминацијата на оние коишто го сочинуваат нејзиното духовно и идеолошко водство, толку е поголема нашата способност да ја ослабиме заканата коишто тие ја претставуваат за оваа и за другите земји“, изјавил Леон Панета, додавајќи дека е сигурен оти САД сега се побезбедни откако повеќе го нема Осама бин Ладен.
„Кога на тоа ќе ги додадете другите операции коишто ги спроведовме против Ал Каеда, мислам дека тие навистина ја ослабија Ал Каеда како организација“, вели американскиот министер за одбран Панета истакнувајќи дека оваа терористичка организација повеќе нема систем на команда и контрола каков што е потребен за извршување софистицирани напади каков што беше оној од 11-ти септември 2001 година, врз САД кога загинаа околу три илјади луѓе.
Панета, сепак, предупредува дека тоа не значи дека заканата од тероризмот повеќе не пости.
Неприкосновениот идеолог и духовен лидер на Ал Каеда, Осама бин Ладен беше убиен на 2-ри мај од страна на американските маринци во неговата куќа во пакистанскиот град Аботабад./крај/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел денеска ги врати телата на 15 Палестинци во Газа

Израел денеска ги врати телата на 15 Палестинци во Газа, со што вкупниот број на вратени лица се искачи на 135, соопшти денеска Министерството за здравство на Појасот управуван од Хамас.
Според договорот за прекин на огнот постигнат со посредство на американскиот претседател Доналд Трамп, Израел требаше да ги врати телата на 15 Палестинци за секој вратен починат израелски заложник, објави „Тајмс оф Израел“.
Претходно денеска, канцеларијата на израелскиот премиер Бенјамин Нетанјаху соопшти дека Хамас мора да го почитува договорот и да ги врати останките од преостанатите 18 убиени заложници кои сè уште се наоѓаат во Појасот Газа.
Израелската војска (ИДФ) претходно го информираше семејството на убиениот Елијаху Маргалит дека Хамас го вратил неговото тело во Израел синоќа.
ИДФ соопшти дека, според разузнавачките информации, Елијаху (75) бил убиен на 7 октомври 2023 година, а неговото тело подоцна било однесено во Појасот Газа од кибуцот Нир Оз.
Смртта на Елијаху Маргалит беше потврдена од израелската војска во декември 2023 година.
Свет
Милиони Американци би можеле да останат без купони за храна

Околу 42 милиони Американци би можеле да останат без купони за храна во ноември поради тековниот прекин на работата на федералната влада, предупреди министерката за земјоделство Брук Ролинс.
Програмата за дополнителна помош во исхраната (SNAP), позната и како купони за храна, е дел од клучната национална мрежа за безбедност на храната и обезбедува просечен месечен надомест од 188 долари по лице, пишува Си-Ен-Ен.
Ролинс рече дека средствата за програмата ќе бидат исцрпени во рок од две недели и ги обвини демократите за блокадата на финансирањето.
Свет
Десетици илјади евакуирани на Филипините, се приближува ураган

Десетици илјади луѓе на Филипините се евакуирани денеска од своите домови на брегот на Пацификот поради опасност од поплави во момент кога тропската бура „Феншен“ го зафати регионот, јавија светските агенции.
Бурата попладнево со брзина на ветрот до 80 км на час ја погоди општина Губат, на југоисточниот врв на главниот остров Лузон, соопшти државната метеоролошка служба.
Откако жителите беа евакуирани од крајбрежните и другите ризични области, локалните власти соопштија дека нема извештаи за сериозни штети или жртви.
„Имаше обилни дождови и силни налети на ветер, иако не толку силни“, изјави Рајан Естреладо, спасувач во Губат.
Ураганот вечер треба да помине во близина на островот Катандуанес, кој има население од 270.000 жители, со брзина на ветер до 90 км/ч. Се очекува „Феншен“ да се засили пред да стигне до копното по втор пат во централен Лузон, соопшти националната метеоролошка служба.