Неколку десетици луѓе се уапсени во вторникот низ САД на собирите на движењето Окупирај го Волстрит на Меѓународниот ден на трудот, јавуваат агенциите.

Иако повеќето од собирите во САД минале мирно, па дури и во фестивалско расположение, до судири меѓу демонстрантите од движењето Окупирај го Волстрит (Occupy Wall Stree) и полицијата дошло во Њујорк, Окленд и Сиетл.

Движењето коешто минатата година го привлече вниманието на светската јавност кога неговите приврзаници осум седмици не се тргнаа од њујоршки Менхетен, најави дека во вторникот ќе организира глобални протести за да го насочи светското внимание кон алчност ана корпорациите.

Во Њујорк, каде што и започна движењето Окупирај го Волстрит, уапсени се триесетина луѓе по серијата помали судири со полицијата коишто траеја речиси целиот ден,. Неколку илјади луѓе се собраа на њујоршкиот Јунјон Сквери мирно протестираа, а околу 400 од нив повеќето во црна облека и со маскирани лица, се одвоиле од групата и се упатиле кон Бродвеј каде што се судриле со полицијата.

Во Окленд се уапсени девет лица, откако полицијата со солзавец морала да ја растера групата демонстранти коишто ги гаѓале со разни предмети.

Во центарот на Сиетл, демонстрантите носејќи црни знамиња и стапови, скршиле неколку продавници, вклучувајќи и една компанијата за производство на спортска облека и обувки Nike и на банката HSBC. И во Сиетл се уапсени околу десет лица.

Приведени имало и во Лос Анџелес, поради блокирање на автопатот кој води кон меѓународниот аеродром, како и во Портланд каде дошло до судир со полицијата.

Насилството и вандализмот им се припишува на анархистите коишто се уфрлиле во движењето Окупирај го Волстрит, коешто во почетокот организираше мирни протести, и редовно се судираат со полицијата, пишуваат американските медиуми.

Организаторите на протестите од вторникот се многу задоволни од одѕивот на демонстрациите на 1-ви мај низ цела Америка, и велат дека овие протести дефинитивно покажуваат на повторно заживување на движењето коешто го загуби првичниот полет од мината есен.

Кампањата „Окупирај го Волстрит“ започна во Њујорк на 17-ти септември 2011 година. Демонстрантите протестираат против безработицата, владините политики и финансиски институции, нарекувајќи ги „финансиски терористи“, а, исто така, тие бараат и повисоки даноци за богатите. Активистите веруваат дека дејствуваат во име на мнозинството од населението на САД (оттука друго име за движење е „99 отсто“). Наскоро потоа слична кампања започна и во неколку други западни земји, како Канада, Австралија, Германија, Велика Британија./крај/мф/сн