Свет
Анан: Борбите во Сирија продолжуваат.
Специјалниот пратеник на меѓународната заедница за Сирија, Кофи Анан во својот извештај за Советот за безбедност на Обединетите нации, наведе дека судирите во земјата продолжуваат иако нивниот интензитет е послаб, изјави за Reuters неименуван дипломат од ОН.
Кофи Анан во јавувањето преку видео врска од Женева до Советот за безбедност, рекол дека неговиот мировен план од шест точки е „е можеби последната можност да се избегне граѓанската војна“. Шефот на мировните операции на ОН, Ерве Ладсус изјави дека дошло до „забележително намалување на употребат ана тешко вооружување, намалување на големите воени операции, но сега се спроведуваат директни воени акции и масовни апсења“.
Друг неименуван дипломат рекол дека Ладсус потврдил оти тешката артилерија сепак привремено се употребува а дека е забележено присуство на сириските безбедносни сили во градовите. Анан, исто така, предупредил на можно зголемување на кршењето на човековите права со повеќе апсења и тортура врз приведените.
Според планот на Анан, и режимот на претседателот Башар ал-Асад и вооружената опозиција треба да ги прекинат судирите, да се овозможи доставување хуманитарна помош на населението во областите зафатени со конфликтот, распоредување на 300-те воени невооружени набљудувачи со мандат на ОН коишто ќе го надгледуваат прекинот на огнот, како и преговорите на судрените страни кој ќе биде насочен на овозможување „политичка транзиција“ на земјата.
Во понеделникот наутро инаку беа отворени гласачките места во Сирија на коишто избирачите ќе гласаат на првите повеќепартиски избори по четири децении, а се одвиваат во атмосферата на крвавите 14-месечни конфликти во коишто загинаа над девет илјади лица, и со најава за бојкот од опозицијата којашто ги оценува како фарса.
Станува збор за првите избори откако беше усвоен новиот устав на Сирија во февруари годинава. Новиот устава дозволува формирање политички партии освен владејачката Баат. Претходно, на почетокот од август 2011 година, претседателот Башар ал-Асад донесе акт за воспоставување повеќепартиски политички систем во земјата. Со овој акт се дозволува формирање политички партии коишто ќе делуваат заедно со партијата Баат, која на власт се наоѓа од 1963 година, со уставен статус „лидер на државата и општеството“. Овој декрет тогаш беше донесен само неколку часови откако Советот за безбедност на Обединетите нации го засили притисокот врз сириските власти, осудувајќи го режимот на Асад поради „кршење на човековите права и употреба на сила врз цивили“.
Лидерите на опозициските блокови ги повикаа Сиријците на бојкот на изборите оценувајќи дека станува збор за обид на претседателот Асад да остане на власта и покрај крвавите судири коишто траат од минатиот февруари по почетокот на протестите инспирирани од ткн Арапска пролет./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелскиот министер за одбрана: „Кога Израел ќе возврати, Иран нема да разбере што го снашло“
Израелскиот напад врз Иран ќе биде „смртоносен, прецизен и особено изненадувачки“, изјави министерот за одбрана Јоав Галант.
Говорејќи за време на посетата на Разузнавачката единица 9900 на израелските одбранбени сили (ИДФ) – единица која собира разузнавачки информации, Галант рече дека Иран „нема да разбере што го снашло или како го снашло“.
Нападот на Иран минатата недела, од друга страна, беше „агресивен, но не успеа бидејќи беа неточни“, рече тој.
Галант нагласи дека иранскиот напад не им наштетил на израелските воздухопловни сили (ИАФ), дека сите аеродромски писти се во функција, дека ниту еден авион не е оштетен и дека ниту војници, ниту цивили не се повредени.
Галант додаде дека целиот израелски безбедносен систем, од војниците на теренот до премиерот, е во целосна согласност за прашањето за ударот на Иран: „Целиот синџир на команда е усогласен и фокусиран на ова прашање“, заклучи тој.
Свет
Европската унија договори заем од 35 милијарди евра за Украина
Амбасадорите на земјите-членки постигнаа договор за правна основа за заем од 35 милијарди евра за Украина, кои би се враќале од приходите од замрзнатите руски средства, соопшти унгарското претседателство, пренесуваат медиумите во регионот.
Групата Г7 и Европската унија во јуни најавија дека на Украина ќе и дадат заем до 45 милијарди евра, од кои ЕУ ќе обезбеди 35 милијарди. Заемот ќе биде отплатен со средства од руските средства замрзнати од ЕУ откако Москва ја нападна Украина.
Според соопштението на унгарското претседателство, амбасадорите на земјите членки се договориле да покренат писмена постапка за донесување на прописи кои се основа за користење на приходите од замрзнати средства.
Според написите, најважен дел од тој пакет е предлогот за регулатива за воспоставување посебен механизам за соработка за заем за Украина. Дел од пакетот е и предлог за продолжување на периодот за обновување на санкциите против Русија од шест месеци на три години, но за тоа се уште нема договор. Унгарија ја задржува согласноста додека не се одржат претседателските избори во САД.
Продолжувањето на периодот за обновување на санкциите од шест на 36 месеци е клучен услов за учество на САД во механизмот. Вашингтон стравува, според напишаното, дека ќе мора да го поднесе товарот за враќање на тој заем, бидејќи продолжувањето на санкциите бара консензус во ЕУ.
Предлогот за заем за Украина мора да биде одобрен и од Европскиот парламент бидејќи вклучува заеднички буџет на ЕУ. За него се очекува пратениците да гласаат во втората половина на овој месец.
Свет
„Напишете го вашето име со маркер на раката“: Јавниот обвинител на Флорида до оние кои одбиваат да се евакуираат
Јавниот обвинител на Флорида, Ешли Муди, пред ураганот „Милтон“ рече дека „ако ви кажат да се евакуирате затоа што ќе ве погоди ураган и не можат точно да го предвидат бранот и ако сте во зона на евакуација, веројатно треба да го ставите вашето име со постојан маркер на вашата рака, за луѓето да знаат кој сте кога ќе ве најдат подоцна.”
Предупредувањето е едно од многуте на официјалните претставници на Флорида што ги издадоа за да ги охрабрат луѓето во зоните за евакуација веднаш да ги напуштат своите домови.
Ураганот „Милтон“, кој моментално е ураган од четврта категорија, се очекува вечерва да удри на западниот брег на Флорида.
„Ги повикав сите на патот на ураганот „Милтон“ да ги слушаат локалните власти и да ги следат безбедносните упатства, ако ви биде наредено да се евакуирате, веднаш треба да се евакуирате“, рече Бајден.
„Ова е прашање на живот и смрт – и ова не е претерување – ова е прашање на живот и смрт“, повтори американскиот претседател.