Свет
Турција бара свикување на Советот на НАТО во врска соборувањето на авионот во Сирија
Турција побара во вторник да се одржи состанок на Советот на НАТО, на кој тој треба да разговара за ситуацијата во однос на Сирија, каде беше соборен авион кој бил извидувачка мисија, јавува турската телевизија NTV, цитирајќи извори во седиштето на НАТО.
Официјален претставник на НАТО изјавил дека во вторник ќе расправа за ситуацијата со урнатиот турски авион, јавува Reuters.
Турскиот министер за надворешни работи, Ахмет Давутоглу во неделата на државната телевизија ТRT, изјави дека Анкара ќе го информира НАТО во врска со инцидентот со Сирија „во рамките на 4-от член од Договорот за Северноатлантската алијанса“, но не прецизираше дали тоа ќе значи барање заедничка позицијата за „колективната безбедност“.
Тоа веднаш предизвика дебата на социјалните мрежи дали Анкара има намера да го инволвира НАТО во сириската криза.
Турција, инаку, е една од најстарите членки на НАТО и ја има втората по големина армија во овој воено-политички блок.
Давутоглу, исто така, рече дека Турција ќе ги преземе неопходните чекори предвидени со меѓународното право, против Сирија во врска со инцидентот со турскиот авион.
„Кај никој не смее да остане сомнение за овој случај“, рече Давутоглу во неделата во своето обраќање на државната телевизија ТRТ.
„Кои конкретни чекори ќе бидат преземени, ќе биде познато по консултациите со премиерот и состанок на кабинетот. Нив ќе ги објави директно премиерот“, додаде шефот на турската дипломатија.
Давутолгу притоа прецизираше дека владата на Турција ќе го разгледа инцидентот во понеделник.
Според Давутоглу, планираните мерки против Сирија, во недела подоцна ќе ги објави во парламентот премиерот Реџеп Таип Ердоган. Тој традиционално ги соопштува важните внатрешни и меѓународни решенија на состаноците на владејачката Партија на правдата и развојот (АКП).
Претходно, Ибрахим Калин, помошникот за надворешната политика на турскиот премиер Реџеп Таип Ердоган, изјави дека одговорот на Анкара за инцидентот со воениот авион ќе биде „легитимен, силен и решителен“.
„Сирија го прекршила меѓународното право“, напиша во недлата на својот профил на микроблогот Твитер, Калин, но не прецизира кои конкретни мерки против Сирија, има намера да ги преземе турската страна.
Како што се покажа подоцна турскиот воен извидувачки авион од типот „ RF-4E“ кој полета во петокот од воената воздухопловна база Ерхач во југоисточната покраина Малатија во близина на сириската граница, исчезна од радарите половина час по полетувањето во воздушниот простор на Средоземното Море југоисточно од границата со Сирија, во турската провинција Хатај.
Сирија соопшти дека нејзината противвоздушна одбрана соборила турски авиони над нејзините територијални води по неговото навлегување во нејзиниот воздушен простор. Министерот за надворешни работи на Сирија, рече дека не станува збор за непријателски или чин на агресија против Турција, туку тоа била реакција за заштита на суверенитетот на земјата, и го нарече инцидентот „несреќа“.
Меѓутоа, турскиот министер за надворешни работи, Ахмет Давутоглу, изјави дека турскиот воен авион бил соборен од сириската воздушна одбрана во меѓународниот воздушен простор а паднал во територијалните води на Сирија.
Турски извидувачки авион бил на „пробен лет за обука и контрола на функционирањето на националниот радарски систем, и неговата мисија не била насочена против Сирија“, изјави во неделата на државната телевизија ТRT, шефот на турската дипломатија. Покрај тоа, додаде Давутоглу, авионот не бил вооружен.
Министерот за надворешни работи на Турција рече дека летот на турскиот воен авиони ѝ бил познат на Сирија однапред.
„Сирија знаеше дека авионот е турски“, изјави Давутоглу.
Турскиот министер, исто така, изјави дека сирискиот страна не го прдупредила екипажот за планираните дејствија, како што бара меѓународното право.
И двајцата пилоти соборениот авиони сѐ уште не се пронајдени. Во потрагата учествуваат заеднички турски и сириски екипи.
Првично во турските медиуми беше објавено дека станува збор за борбен ловец на турските воздухопловни сили од типот „F-4 Phantom“, а потоа турската страна појасни дека се работи за извидувачки авион од типот „RF-4E“, развиен врз основа на споменатиот тип американски авиони ловци.
Генералниот секретар на ОН, Бан Ки-Мун повика на решавање на ситуацијата преку дипломатски канали и изрази загриженост дека инцидентот со авионот би можел да има сериозни последици за регионот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мерц: Со договорот со САД, успеавме да спречиме трговски конфликт
Германскиот канцелар Фридрих Мерц и ирскиот премиер Мајкл Мартин го поздравија договорот за царини меѓу ЕУ и САД, велејќи дека е избегната трговска војна што ќе ги погодеше економиите на двете земји, објавија светските агенции.
Договорот беше постигнат за време на вчерашниот состанок меѓу американскиот претседател Доналд Трамп и претседателката на Европската комисија Урсула фон дер Лајен и значи царини од 15 проценти за речиси целиот европски извоз во САД.
Ирска, со голема фармацевтска индустрија, беше на првата линија на нападот заедно со Германија, за која САД се главен пазар за автомобили, челик и машински алати.
Европските земји не се сите подеднакво изложени на американскиот пазар и затоа не би ги претрпеле истите последици доколку претседателот Доналд Трамп ги исполни своите закани за воведување царини од 30 проценти на Европската унија (ЕУ).
„Со договорот, успеавме да спречиме трговски конфликт што силно ќе ја погодеше извозно ориентираната германска економија“, рече Мерц.
Ова особено се однесува на автомобилската индустрија, каде што сегашните царини од 27,5% се речиси преполовени, додаде тој, како што објави германската новинска агенција ДПА.
Мерц нагласи дека е добро што се избегнува непотребна ескалација во трансатлантските трговски односи.
„Единството на Европската унија и напорната работа на преговарачите се исплатија“, тврди тој.
Свет
Драматично видео: патник во авион извикувал „Алах Акбар“ и дека има бомба
Храбар патник успеал да совлада човек кој извикувал во авионот дека има бомба. Инцидентот се случил вчера на лет на easyJet од Лутон до Глазгов.
Драматичен инцидент што се случи во утринските часови, доведе до принудно слетување на преполн авион на аеродромот во Глазгов.
Напаѓачот потоа беше врзан со лисици и шест полицајци го извлекоа од авионот, додека преплашените патници останаа во солзи.
На видеото се слуша како напаѓачот вели: „Сакав да му испратам порака на Трамп… тој е во Шкотска“.
View this post on Instagram
Американскиот претседател моментално е во посета на таа земја и бил виден како игра голф за време на викендот.
Еден очевидец рекол дека одеднаш се разбудил околу 8 часот наутро, помалку од еден час по полетувањето од Лутон, кога еден човек излегол од тоалетот на задниот дел од авионот и почнал да прави врева.
„Излезе од тоалетот викајќи: „Алаху Акбар“ со рацете кренати над главата. Потоа рече: „Имам бомба, имам бомба“ – во тој момент луѓето беа збунети. Мислев дека се шегува, мислам, тоа е чудна шега“, рече патникот.
Тој рече дека човекот ги турнал вработените во авиокомпанијата и се однесувал агресивно кон нив.
„Кога ги турна, тогаш сè се промени. Во тој момент, еден човек успеа да го зграби и да го собори на подот, а потоа сите скокнаа врз него. Се бореа малку на подот, но тогаш веќе знаееше дека згрешил“, рече патникот.
„Пилотот објави дека ќе направи итно слетување и многу брзо го спушти авионот. Некои патници плачеа затоа што беа потресени. Сè беше малку нереално“, додал тој.
Свет
Рубио: Трамп го губи трпението со Путин, размислува за драстични мерки
Претседателот на САД, Доналд Трамп, е сè повеќе фрустриран од недостатокот на напредок на Русија кон мировниот договор и сега се заканува со остри економски санкции, откри државниот секретар Марко Рубио во интервју за Fox News.
Рубио нагласи дека главен приоритет на Трамп е да го заврши конфликтот, нагласувајќи: „Ова не е негова војна. Тој ја наследи и направи сè што е можно за да ја заврши“.
И покрај, како што вели Рубио, многу добрите интеракции со рускиот претседател Владимир Путин во телефонските разговори, овие преговори не дадоа конкретни резултати. Поради ова, Трамп, според државниот секретар, „го губи трпението“.
„Претседателот ја губи волјата да чека руската страна да направи нешто за да ја заврши оваа војна“, рече Рубио. Тој додаде дека Трамп сега разгледува драстични мерки, вклучително и воведување 100-процентни царини за руски стоки доколку не се постигне мировен договор во рок од 50 дена.
Рубио, исто така, предупреди за огромниот број човечки жртви од војната, велејќи дека „повеќе од 100.000 руски војници се убиени“ од почетокот на оваа година. Тој ја обвини Русија дека користи „тактики на одложување“ за да го продолжи конфликтот.
„Тој нема да падне во стапицата на бесконечни разговори“, тврди Рубио, припишувајќи го цврстиот став на Трамп на децениското искуство во справувањето со „безмилосни луѓе“.
Споменик на Андон Лазов Јанев – Ќосето поставен на кружниот тек во Автокоманда
Споменикот на Андон Лазов Јанев – Ќосето, кој беше отстранет од пред комплексот судови, е поставен на кружниот тек во...
(Видео) Македонски судија нападнат на кадетското Европско првенство во бокс
Извор и фото/ b92.net Заврши Европското првенство за кадети и кадетки (ученици на возраст од 13 и 14 години), кое...
Во изминатото деноноќие имало 51 пожар во Македонија, денеска се активни осум
Во текот на изминатото деноноќие, 27/28.07, на територијата на Република Северна Македонија се регистрирани вкупно 51 пожар, од кои осум се...
Рубио: Трамп го губи трпението со Путин, размислува за драстични мерки
Претседателот на САД, Доналд Трамп, е сè повеќе фрустриран од недостатокот на напредок на Русија кон мировниот договор и сега...
Вучиќ: Србија нема да воведе санкции против Русија
Претседателот на Србија, Александар Вучиќ, изјави дека Србија нема да воведува санкции кон Русија и дека ќе се држи до...
САД и ЕУ постигнаа договор за царините
Соединетите Американски Држави и Европската Унија постигнаа рамковен трговски договор, објавија американскиот претседател Доналд Трамп и претседателката на Европската комисија,...
Паника во Катланово и Петровец поради голем пожар, Ангелов смирува дека нема опасност да се запали бензинската
Попладново пожар изби и помеѓу Катланово и Петровец. Директорот на Дирекцијата за заштита и спасување Стојанче Ангелов вечерва во видео-изјава...
И војниците на АРМ ќе се вклучат во гаснење на пожарот во кривопаланечкото село Нерав
Пожарот во кривопаланечкото село Нерав уште е активен, на терен се повеќе екипи на територијалните противпожарни единици од Крива Паланка...
Силувани деца на возраст од 3 и 10 години во Гостивар, мајката ги снимила и видеото го пратила на таткото
Основното јавно обвинителство Гостивар донесе Наредба за спроведување истражна постапка против мајка од гостиварско за која постои основано сомнение дека...
Ангелов: До 13:30 часот се евидентирани 16 пожари на отворен простор
До 13:30 часот на 27 јули 2025 година, на територијата на државата се евидентирани вкупно 16 пожари на отворен простор,...
Хеликоптерска акција во Штип: Полициски службеници спасија повреден војник од борбата со пожарот
Во време кога летните горештини го зголемуваат ризикот од пожари, а бројот на активни огнени жаришта се зголемува ширум државата,...
Шумскиот пожар во Крива Паланка се шири кон куќите, екипите се на терен
Шумскиот пожар што од вчера напладне зафати над 50 хектари борова шума во кривопаланечкото село Нерав, според информациите од Општина...
Пожарникарите неуморно и секојдневно на терен, во едно деноноќие се гасеа 33 пожари
Во текот на изминатото деноноќие евидентирани се вкупно 33 пожари на отворен простор, од кои 12 се активни, пет се...
Двегодишно девојче најдено мртво на плажа во Грција
Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките...
Чекање до 45 минути на Табановце и Пелинце, а на Богородица околу 30 минути
Со зголемувањето на летните одмори и интензивните туристички патувања, на македонските гранични премини повторно се бележат големи гужви. Најголемиот притисок...
Поради гладување 90.000 жени и деца итно имаат потреба од медицинска интервенција во Газа
Секој трет жител на Појасот Газа со денови не добива храна, предупреди Светската програма за храна (WFP) на Обединетите нации....
Големиот пожар кој избувна попладнево во близина на Струмица е под контрола
Големиот пожар кој избувна попладнево во близина на Струмица меѓу Градските гробишта и селото Баница и зафати огромна површина и...
Анегелов: Пожарот на Готен не може да загрози ниту едно село
На територијата на целата земја денеска има шест активни пожари, а најтешкиот и најспецифичен е пожарот на планината Готен, на...
Најмалку 25 лица загинаа во текот на ноќта во нови напади на израелската армија врз Појасот Газа
Најмалку 25 лица загинаа во текот на ноќта во нови напади на израелската армија врз Појасот Газа, во време кога...
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце
Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје...
