Свет
Мардок: На Ромни му треба подобар тим за да го победи Обама
Доколку сака да го победи актуелниот американски претседател Барак Обама на избори во ноември, Мит Ромни ќе треба да го промени тимот во предизборната кампања, оцени медиумскиот магнат Руперт Мардок.
„Ќе му биде многу тешко да победи, доколку не ги исфрли своите стари пријатели од тимот и не ангажира вистински професионалци“, напиша Мардок на својот профил на Твитер.Тој смета дека американските избори ќе бидат референдум за владеењето на Обама и дека се друго ќе биде споредно.Неодамнешните истражувања на јавното мислење му дадоа мала предност на Обама пред Ромни. /крај/х/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Aдвокатите по сведочењето на малолетниот убиец: од „Рибникар“: едно од најстресните рочишта во кариерата
Во Специјалниот суд заврши денешното рочиште од кривичната постапка против Миљана и Владимир Кецмановиќ, мајката и таткото на момчето кое на 3 мај минатата година го изврши страотниот масакр во основното училиште „Владислав Рибникар“. Продолжението на сведочењето на малолетниот убиец е закажано за 17 октомври, пренесуваат медиумите во соседството.
Дека денеска сведочеше малолетниот убиец потврдија адвокатите кои ја напуштија зградата на Специјалниот суд. Сепак, тие не сакаа да ги открија деталите од неговата изјава.
„Преку прашањата кои му беа поставени денеска не го дознавме мотивот и зошто тоа се случило, но мислам дека неговата денешна изјава оди во насока дека ќе се дознае. Неговото рочиште не е завршено и ќе продолжи на 17 октомври во истата зграда“, рече Огњен Божовиќ и додаде дека не смее да каже ништо повеќе со оглед на тоа што постапката е затворена за јавноста.
Адвокатката Зора Добричанин Никодијевиќ по судењето изјави дека е задоволна од денешното рочиште и од сето она што денеска го дознале при сведочењето на момчето убиец.
„За време на сведочењето дознавме многу нови детали, но за тоа не можам и не сакам да зборувам“, изјави Зора Добричанин Никодијевиќ.
Ирина Боровиќ, која заедно со нејзиниот татко Боривој Боровиќ ги застапуваат Миљана и Владимир Кецмановиќ по рочиштето изјави дека јавноста најмногу ја интересираат причините поради кои се случил овој трагично неразбирлив настан.
„Во оваа кривична постапка, ниту во која било друга постапка што се води во овој момент, ниту во оваа судница, ниту на кое било друго место, ние нема да ја дознаеме причината за овој трагичен настан. Сите причини се длабоко некаде во душата на тоа момче, кое за жал извршило злосторство, а пред тоа живеело сосема нормален и обичен живот, од гледна точка на сите што го познаваат“, изјави Ирина Боровиќ.
Судењето беше затворено за јавноста, а ова беше првпат малолетниот убиец да ја напушта специјализираната детска установа во која се наоѓа од 3 мај минатата година. Тој денеска околу 09:00 часот со болничко возило на Брза помош во придружба на полиција бил донесен во судот.
Тој не одговара кривично за делото што го сторил на 3 мај минатата година бидејќи во моментот на делото имал 13 години.
Медиумите потстеуваат дека неговиот татко Владимир Кецмановиќ е обвинет дека сторил тешко кривично дело против општата безбедност, со оглед на тоа што детето 13 години го носел на стрелиште и го учел да пука, а оружјето не го чувал соодветно а го имал во својот дом.
Мајката на момчето се товари за кривично дело недозволено држење, носење и тргување со оружје, имајќи предвид дека нејзината ДНК трага е пронајдена на една од чаурите во училишната училница, како и на траката за коса со која било врзано шишето во кое нејзиниот син го правел молотовиот коктел, се наведува во написите.
Свет
Јајцата содржат коктел од опасни хемикалии: предупредување за жителите на француски град
Жителите на северниот француски град Вилер-Сен Пол добија вознемирувачко предупредување ова лето да не јадат пилешки јајца откога тестовите открија дека локалните јајца содржат коктел од потенцијално опасни хемикалии – PFAS.
Како што пренесува „Политико“, во јајцата се откриени неразградливи хемикалии, група вештачки материи, кои не се распаѓаат и може да предизвикаат сериозни здравствени проблеми, вклучувајќи рак, оштетување на црниот дроб и проблеми со плодноста.
Не е сосема јасно како хемикалиите влегле во јајцата, но сомнежот паднал во блиската фабрика на американскиот хемиски гигант „Чемурс“, кој произведува PFAS, а кој ги вршел тестовите во согласност со договорот со локалните власти, пренесува медиумот.
„Кога слушнавме дека ќе има огромни инвестиции во локалната фабрика, сите мислеа дека проектот е многу добра вест“, рече заменик-градоначалничката Александра Уизил во интервјуто посочувајќи на отворање нови работни места и поволности за борба против климатските промени.
Додаде дека расположението се променило откога вестите откриле „вечно загадување од PFAS“.
Регионалните власти рекоа дека не знаат дали контаминацијата доаѓа од фабриката, истакнувајќи дека некои од видовите хемикалии PFAS во јајцата, вклучително и оние со највисоки концентрации, не се поврзани со фабриката, иако други се поврзани. Најавено е дека ќе бидат спроведени дополнителни тестови за да се направат заклучоците поверодостојни.
Свет
(Видео) Метеоролог се расплака додека ја објаснуваше големината на ураганот Милтон: Ова, едноставно, е страшно
Ураганот Милтон бргу зајакна до категоријата пет додека се движи кон брегот на Мексиканскиот Залив во САД, објави американскиот Национален центар за урагани.
Пријавени се силни ветрови до 250 км/ч додека Милтон се движи кон Флорида, каде што се очекува да падне на копното вечерта в среда или рано наутро в четврток, објави Националниот центар за урагани.
10:55 CDT Monday Update: Milton rapidly intensifies into a category 5 hurricane. Data from a @53rdWRS hurricane hunter aircraft indicate that the maximum sustained winds have increased to 160 mph (250 km/h) with higher gusts. Follow the latest at https://t.co/tW4KeGe9uJ pic.twitter.com/mOxuvGdtu5
— National Hurricane Center (@NHC_Atlantic) October 7, 2024
Си-ен-ен пишува дека ураганот Милтон е најсилната бура што се случила каде било на планетата оваа година. Милтон е исто така најсилниот ураган на Атлантикот од Доријан во 2019 година, како и еден од 10-те најсилни урагани на Атлантикот што некогаш биле забележани.
Метеорологот Џон Моралес се расплака додека зборуваше за невремето.
View this post on Instagram
„Тоа е само неверојатен, неверојатен, неверојатен ураган. Жал ми е, ова е само страшно“, рече тој низ солзи.