Свет
Крвав штрајк во Јужна Африка, загинаа 36 рудари

Најмалку 36 рудари загинаа во четврток кога полицијата отвори оган кон рударите кои штрајкуваа во рудникот за платина во Марикана во Јужна Африка.
Портпаролот на полицијата Звели Мниси изјави дека штрајкувачите пукале кон полицијата со оружје кое го украле од припадниците на силите на редот.
Министерот за полиција Нати Мтетва вели дека во пукањето се ранети голем број луѓе, меѓу кои некои се во тешка состојба и се стравува дека бројот на мртви би можел да биде и поголем, пренесува АФП.
Некои од синдикалните лидери и полицијата попусто се обидувале да ја растурат собраната толпа, додека некои од рударите порачале дека се подготвени да умрат, барајќи зголемување на платата.
„Министерството за внатрешни работи смета дека полицијата со оглед на ситуацијата го направила најдоброто што можело да се направи“ се вели во соопштението и се додава дека МВР ќе побара истрага за случувањата во рудникот.
Мниси рекол дека тоа што се случило е недопустливо за една демократска земја, бидејќи правото на собир е гарантирано со закон и Устав.
„Имавме ситуација во која луѓето вооружени до заби меѓусебно се напаѓаа и убиваа“ рече тој.
Претходно медиумите јавија дека полицијата фрлила солзавец и испалила гумени куршуми кон демонстрантите.
Портпаролот на еден од двата синдикати на рударите, Лесиб Шешок изјави дека претседателот на синдикатот се обидел да ги убеди рударите да се откажат од штрајкот и да се вратат на работа, но тие го одбиле тоа.
Стотина работници од рудникот во сопственост на компанијата „Лонмин ПЛЦ“ започнаа штрајк минатиот петок, од кога загинаа 10 лица. Тие ја прекинаа работата поради неисплатени плати, а ситуацијата се влоши при судир на два рударски синдикати.
Преговорите кои почнаа синоќа со полицијата не дадоа резултати. Претседателот на Јужна Африка, Џејк Зума порача дека е „шокиран од бесмисленото насилство“.
„Веруваме дека во нашето демократско движење има доволно простор секој спор да се реши со дијалог без кршење на законот и насилство“ наведува Зума во соопштението.
Заменик директорот на сопственикот на рудникот, компанијата Лонмин, Барнард Моквен наведе дека случувањата во рудникот биле дел од „полициска операција“.
Во соопштението пред судирот во четврток, компанијата Лонмин наведе дека штрајкувачите ќе добијат отказ ако не се појавата на работа. Работниците во рудникот за платина имаат плата од 4.000 ранда или 400 евра, но бараат три пати поголема плата.
„Ние сме експлоатирани, ни владата ни синдикатите не дојдоа да ни помогнат. Благодарение на нашата работа, рудникот заработува пари, а нам скоро ништо не ни плаќаат. Не можеме да си дозволиме достоинствен живот. Живееме како животни поради мизерните плати“ рече еден од рударите.
„Лонмин“ е трет по големина произведувач на платина во светот. Јужна Африка е на врвот меѓу земјите кои произведуваат јаглен, платина и злато./крај/блиц/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Полска пронајде докази за подметнатиот пожар во трговскиот центар во Варшава, го затвори рускиот конзулат; Русија е бесна

Полска ќе го затвори рускиот конзулат во Краков откако пронајде докази дека Москва е одговорна за големиот пожар што речиси целосно уништи трговски центар во Варшава во мај 2024 година, изјави денес полскиот министер за надворешни работи.
❗🔥🇵🇱 – A huge fire hit the "Marywilska 44" shopping center in Warsaw, consuming almost all of its 1,400 commercial units, including kiosks.
The shopping mall, one of the largest in the city, belonged to Mirbud and is practically destroyed.
Authorities are fighting the fire,… pic.twitter.com/7Z34ZGyBzQ
— 🔥🗞The Informant (@theinformant_x) May 12, 2024
Веќе напнатите односи меѓу Варшава и Москва достигнаа нови височини со руската инвазија на Украина во 2022 година. Полска тврди дека нејзината улога како еден од најважните бедеми на Киев ја направила цел на руски саботажи, сајбер напади и дезинформациски кампањи, што Москва го негира.
Вчера, премиерот Доналд Туск изјави дека Полска „со сигурност“ знаела дека руските тајни служби стојат зад големиот пожар на улицата Меривилска во главниот град.
„Поради доказите дека руските специјални служби извршиле неприфатлив чин на саботажа против трговскиот центар на улицата Меривилска, решив да ја повлечам мојата согласност за работа на Конзулатот на Руската Федерација во Краков“, напиша министерот за надворешни работи Радослав Сикорски на Икс.
Како одговор, руското Министерство за надворешни работи објави дека Полска намерно ги прекинува врските со Москва, објави државната новинска агенција РИА.
„Варшава продолжува намерно да ги уништува односите, дејствувајќи против интересите на своите граѓани“, изјави портпаролката на руското Министерство за надворешни работи, Марија Захарова, цитирана од државната новинска агенција РИА. Таа додаде дека Русија наскоро ќе даде „соодветен одговор“.
Uncategorized
За прв пат во историјата, светот ја сака Кина повеќе од САД: Трамп е помалку популарен од Путин

Според најновите податоци, популарноста на САД значително опадна откако Доналд Трамп се врати во Белата куќа.
Индексот на перцепција на демократијата за 2025 година, анкета што ги следи ставовите на граѓаните кон демократијата, геополитиката и светските сили, анкетираше повеќе од 110.000 луѓе во 100 земји.

Нето глобална перцепција за земјите, при што негативните проценти укажуваат на негативна перцепција, а позитивните проценти укажуваат на позитивна перцепција. Кина сега е попопуларна од САД
Резултатите покажуваат дека мнозинството испитаници имаат негативно мислење за САД, што претставува стрмен пад во споредба со минатата година. Најголемата загуба на доверба се случи во Европската Унија – како што се очекуваше, со оглед на тоа што американскиот претседател Трамп постојано ја опишуваше ЕУ како „ужасна“, „патетична“ и „создадена да ги експлоатира Соединетите Американски Држави“.
Андерс Фог Расмусен, поранешен генерален секретар на НАТО и основач на фондацијата Alliance of Democracies која учествуваше во создавањето на индексот, рече дека овие резултати не го изненадуваат.
Додека Америка го губи својот углед, Кина полека го гради. За прв пат во историјата, Кина ги престигна САД во вкупниот глобален впечаток, а нејзиниот имиџ е во голема мера позитивен во речиси сите региони освен во Европа.
Русија, чиј меѓународен углед го допре дното по инвазијата на Путин врз Украина во 2022 година, сè уште е рангирана малку полошо од САД, но исто така бележи мали подобрувања.
Ниту Трамп не стои подобро. Според резултатите од анкетата, тој е помалку популарен во светот дури и од Владимир Путин и кинескиот лидер Си Џинпинг.
Од сите јавни личности вклучени во анкетата – вклучувајќи ги Илон Маск, Бил Гејтс, покојниот папа Франциско, Тејлор Свифт и Ким Кардашијан – Трамп помина најлошо.
Од сите анкетирани земји, Израел има најлош глобален углед – особено на Блискиот Исток и Јужна Азија. Негативниот впечаток за Израел е сè пораспространет дури и во европските земји кои досега беа негови сојузници, како што е Германија. Постои растечка вознемиреност и критики за израелската политика во Газа и на Западниот Брег.
Минатата година, Меѓународниот кривичен суд издаде налози за апсење на премиерот Бенјамин Нетанјаху и поранешниот министер за одбрана Јоав Галант, под сомнение за воени злосторства.
Свет
Талибанците го забранија шахот

Талибанските власти во Авганистан привремено го забранија играњето шах, наведувајќи загриженост дека играта би можела да биде форма на коцкање. Како што објавија службените лица, забраната останува на сила до понатамошно известување, односно додека не се утврди „дали шахот е во согласност со исламскиот закон“.
Шахот е најновиот во низата спортови што Талибанците одлучија да ги ограничат. За потсетување, во пракса, на жените речиси целосно им е забрането да спортуваат. Откако се вратија на власт во август 2021 година, Талибанците постепено воведуваат закони и прописи што го одразуваат нивното строго толкување на шеријатскиот закон.
Во неделата, портпаролот на спортскиот директорат на Талибанците, Атал Машвани, изјави дека шахот се смета за „средство за коцкање“ според исламскиот закон.
„Постојат религиозни сомнежи кога станува збор за шах“, изјави тој за АФП. „Додека не се разјаснат, шахот во Авганистан останува суспендиран.“
Сопственик на кафуле во Кабул, кој организирал неформални шаховски турнири во последниве години, вели дека ќе ја почитува одлуката, но признава дека тоа ќе му наштети на бизнисот.
„Младите луѓе денес немаат многу начини да го поминуваат времето, па затоа доаѓаа тука секој ден“, рече Азизула Гулзада. „Тие пиеја чај и играа шах со пријателите.“ Тој додаде дека шахот нормално се игра во многу други муслимански земји.
Минатата година, Талибанците ги забранија и боречките вештини како што е ММА, тврдејќи дека се премногу насилни и некомпатибилни со исламските принципи. „Утврдено е дека овој спорт е проблематичен во контекст на шеријатот и содржи бројни елементи што се спротивставуваат на исламските учења“, изјави тогаш портпаролот на талибанската влада. ММА натпреварите всушност беа укинати во 2021 година, кога беше воведен закон со кој се забранува „удирање во лице“.