Свет
Бунтовниците на Ал Каеда убија 14 војници во јужен Јемен
Милитантите на терористичката организација Ал-Каеда во саботата убија 14 припадници на безбедносните сили во бомбашки напад врз зграда на военото разунавање во јужниот дел на Јемен, соопштија владини извори.
Како што пренесува Associated Press повикувајќи се на неименуван владин извор, исламистичките милитанти извршиле напад со противтенковски ракетни фрлачи врз зградата на военото разузнавање во градот Аден, во кој загинале 11 војници на јеменската армија и тројца разузнавачки офицери. Се додава, исто така, дека шест лица во нападот на терористите се ранети, меѓу нив три новинара од државните телевизии и радио станици.
Јеменската ќелија на Ал Каеда, позната и како „Ал Каеда на Арапскиот полуостров“, е една од најактивните и најопасни терористички групи во регионот и светот. Во ноември 2010 година, нејзините лидери ја презедоа одговорноста за несреќата на товарниот авион во Обединетите арапски емирати, како и за експлозивните направи пронајдени во магацините на аеродромите во близина на Лондон и Дубаи, адресирани до еврејски организации во САД.
Активниот оружен конфликт меѓу милитантите на Ал Каеда и владините јеменски сили во јужниот дел од земјата започна пролетта на 2011 година, кога екстремистите под своја контрола заземаа голем број градови во провинцијата Абијан, вклучувајќи го и административниот центар Занџибар. И покрај интензивирањето на борбата против терористите која започна пред неколку месеци, новиот претседател на Јемен, Абд Рабо Хади, некои градови во провинциите во јужен Јемен сѐ уште се под конторла на Ал Каеда./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.