Свет
Тропската бура Ајсак по Хаити ја погоди Куба

Тропската бура Ајсак откако предизвика шест смртни случаи на Хаити, во саботата ги зафати источните делови на Куба и е на пат за Флорида, каде треба да се одржи конвенцијата на Републиканската партија на која треба да биде потврдена претседателската кандидатура на Мит Ромни.
По високите бранови долж источниот брег на Куба од крајбрежејто се евакуирани илјадници жители, додека другите се евакуирани од областите крај големите реки поради стравувања од можни поплави. На некои места наврнале и до 200 литри дожд на квадратен метар, а најавени се и нови врнежи. Бурата се движи кон северозападен правец во насока на американската сојузна држава Флорида, каде е прогласена опасност од урагани.
Се предвидува дека под влијание на топлите води во Мексиканскиот залив, бурата Ајсак ќе се претвори во ураган од втора категорија со ветрови со брзина од 160 километри на час, како и дека кон средината на седмицата брегот на САД ќе биде погоден во потегот меѓу Панхандли на Флорида и Њу Орлеанс. Нафтените компании во Мексиканскиот залив пред надоаѓањето на Ајсак ги затвораат своите нафтени и бушотини за гас во морето.
Националниот центар за урагани во Мајами извести дека центарот на бурата во моментов е на 130 километри од североисточниот брег на Куба, како и дека засега се движи со брзина од околу 30 километри на час. Најсилните ветрови се приближуваат на брзини од 100 километри на час, соопшти центарот.
Американските медиуми нагласуваат дека Ајсак ѝ се приближува на Флорида додека Републиканската партија се подготвува да ја одржи таму националната конвенција на којашто Мит Ромни ќе биде и официјално прогласен за претседателски кандидат на оваа партија на изборите што ќе се одржат на 6-ти ноември годинава. Претставници на партијата изјавија дека конвенцијата ќе биде отворена во понеделник, како што е и планирано, но дека веднаш потоа ќе биде одложена до вторникот попладне, за да се гарантира безбедноста на делегатите и другите присутни.
Гувернерот на Флорида, Рик Скот кој во понеделникот требаше да одржи говор на четиридневниот собир на републиканците во Тампа, го откажа учеството на конвенцијата за да се посвети на подготовките за надоаѓањето на бурата Ајсак, а како што најави во своето соопштение, за својата одлука телефонски го известил Мит Ромни. Скот во саботата на Флорида поради доаѓањето на бурата прогласи вонредна состојба./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Возачот на автобусот приведен по тешката несреќа кај Сремска Митровица: две жртви и 80 повредени

Возачот на автобусот кој денеска се преврте кај Сремска Митровица е приведен и му е одредено задржување до 48 часа, соопшти српското Министерство за внатрешни работи (МУП), пренесе „Н1“.
Во несреќата загинаа две лица, а околу 80 се повредени. 35 повредени лица се згрижени во Општата болница во Сремска Митровица, една личност е пренесена во Клиничкиот центар на Војводина, а уште една е во операциона сала. За останатите се врши дијагностика.
Автобусот на компанијата „Сирмиум бус“, кој превезувал работници од фирмата „Хелткеар“, излета од патот и се преврте на кров од засега непознати причини. Несреќата се случи околу 14:45 часот.
Полицијата го затвори патот и не дозволува пристап до местото на несреќата, а на лице место излезен е и јавен обвинител за да ја утврди причината за трагедијата.
Свет
Германскиот шеф на дипломатијата: Самитот во Унгарија е втор обид Путин да сфати сè сериозно

Германскиот министер за надворешни работи Јохан Вадефул денес изјави дека планираните разговори во Будимпешта меѓу американскиот претседател Доналд Трамп и рускиот претседател Владимир Путин се уште еден обид да се охрабри Путин да се вклучи во сериозни преговори, но нагласи дека Украина мора да биде вклучена во секоја одлука.
Вадефул го изјави ова за време на посетата на Анкара, каде што се сретна со својот турски колега.
Украина не беше поканета на разговорите меѓу Трамп и Путин.
Свет
Трамп: Царината од 100 отсто за кинеска стока не е одржлива, но бев принуден на тоа

Американскиот претседател Доналд Трамп изјави дека неговата најавена царина од 100 проценти на кинеска стока не е одржлива, но дека бил принуден да ја воведе поради потегот на Пекинг да ги заостри контролите на извозот на ретки метали неопходни за технолошката индустрија, пренесе „Ројтерс“.
Во интервју за „Фокс Бизнис Нетворк“, Трамп рече дека мерката е одговор на одлуката на Кина да го прошири надзорот над извозот на минерали со кои таа доминира. И покрај остриот тон, тој потврди дека за две недели ќе се сретне со кинескиот претседател Шји Џјинпинг во Јужна Кореја, додавајќи дека сè уште е можен фер договор со Кина.
Пазарите реагираа позитивно по неговата изјава, берзанските индекси на Волстрит забележаа раст, а американскиот министер за финансии Скот Бесент и кинескиот потпретседател Хе Лифенг најавија телефонски разговор за продолжување на трговските преговори.