Свет
Папата го започна синодот за новата евангелизација

Папата Бенедикт Шеснаесетти во неделата со свечена литургија на Плоштадот на свети Петар го започна синодот за новата евангелизација којашто собира 262 архиепископи, епископи, претставници на католичките редови и источните цркви.
Папата во хомијата (беседата) потсети дека Вториот ватикански консил чија педесетгодишнина исто така се одбележува, претставува сеопфатен израз на духовниот и пасторалниот динамизам во XX век.
Годишнината од почетокот на консилот ќе биде прославена во четврток, кој ќе започне и Годината на верата којашто Папата одлучи да се прогласи за да се одбележи 50-годишнината од одржувањето на Вториот ватикански консил и во времето на кризата на општеството го врати на христијанските вредности.
Папата Бенедикт Шеснаесетти на почетокот од свеченоста прогласи и два нови научители на црквата. И двајцата се теолози и проповедници на Евангелието кои одамна се прогласени свети, Шпанецот Иван Авилски (1499 – 1569) и Германката Хидлегард де Бинген (1098 – 1179). Хилдегард де Бинген е четвртата научителки на црквата по Катарина Сиенска, Тереза Авилска и Терезија од Лисиус.
Титулата научител (храватски – Doctor of the Church – англиски) во римокатоличката црква ја добиваат светите кој во голема мера придонеле на теологијата и доктрината на црквата. Се доделува многу ретко, исклучиво по смртта и по прогласување за светец, а пред 1970 година им се доделувала само на мажи.
Бенедикт Шеснаесетти го свика синодот на бискупите од целиот свет за да заедно се обидат да изнајдат начини за „нова евангелизација“, во моментот кога христијаните го губат влијанието во Европа и стануваат жртви на дискриминација во некои делови од светот.
Од неделата 7-ми октомври до 28-ми октомври, синодот ќе се занимава со оваа многу важна тема, главната задача на актуелниот Папак кој во 2010 година основаше нова служба задолжена за изработка на стратегија.
Бискупите на овој собир ќе се занимаваат си со брзата и хаотична евангелизација на земјите од југот каде католиците понекогаш се жртви на прогони и закани, особено исламистичките, како и ривалитетот на пентекостните групации.
Последниот синод за евангелизацијата го свика папата Павле Шести во 1974 година, но кризата на Црквата во некогаш христијанските земји тогаш не беше толку нагласена./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин до Западот: Купија билет и не патуваа, само за да се налутат на кондуктерот: рускиот енергетски систем работи беспрекорно

Рускиот претседател Владимир Путин изјави дека одбивањето на европските земји да се потпираат на руските енергетски ресурси сериозно ја поткопа конкурентноста на нивните економии и доведе до пад на индустриското производство и пораст на цените низ целиот континент.
Зборувајќи на пленарната сесија на Руската недела на енергија во Москва, Путин истакна дека постапките на западните политички елити „ја уништија глобалната енергетска инфраструктура“, нагласувајќи дека политичкиот притисок довел до ирационални одлуки во ЕУ, според западните медиуми.
„Многу европски земји, под политички притисок, одбија да купуваат руски енергетски производи. Веќе неколку пати предупредив за последиците – не за Русија, туку за самите тие земји. Гледаме пад на индустриската активност и пораст на цените поради поскапата нафта и гас од странство“, рече Путин.
Тој додаде дека, по забраната за соработка со Русија, западните компании почнаа да ја губат својата технолошка предност и да го намалуваат производството, додека руските експерти станаа „технолошки лидери“ на пазарот.
„Што направија? Купија билет и не патуваа – само за да се налутат на кондуктерот. Каква глупост.
Нашиот енергетски систем е еден од најголемите во светот. Овој огромен комплекс работи сигурно и ефикасно“, заклучи претседателот на Русија.
Свет
Кремљ: Путин го предупреди Трамп за време на разговорот

Во денешниот телефонски разговор, рускиот претседател Владимир Путин го предупреди американскиот претседател Доналд Трамп дека испраќањето крстосувачки ракети „Томахавк“ во Украина ќе го загрози мировниот процес и ќе им наштети на односите меѓу САД и Русија. Веста беше потврдена од Кремљ во официјално соопштение, пренесуваат медиумите во регионот.
Според Кремљ, Путин изразил загриженост поради можноста напредното американско оружје во рацете на украинските сили да доведе до понатамошна ескалација на конфликтот. Предупредувањето јасно посочи дека таков потег од страна на Вашингтон би имал директни негативни последици врз билатералните односи на двете сили.
Советникот на Путин, Јуриј Ушаков, им изјави на новинарите дека Путин во разговорот нагласил дека руските сили во моментов имаат „целосна стратешка иницијатива“ по целата линија на фронтот во Украина.
Ушаков додаде дека денешниот повик, кој траел речиси два и пол часа, бил инициран од руска страна. Тој, исто така, објави дека на планираниот нов самит меѓу двајцата претседатели ќе му претходи разговор меѓу државниот секретар на САД, Марко Рубио, и рускиот министер за надворешни работи, Сергеј Лавров, кој се очекува да се одржи во наредните денови, пренесува index.hr.
Фото: принтскрин
Свет
Орбан по разговорите Трамп-Путин: Голема вест за мирољубивите луѓе, подготвени сме

Американскиот претседател Доналд Трамп објави дека наскоро повторно ќе се сретне со рускиот претседател Владимир Путин, а овој пат средбата ќе се одржи во Будимпешта. Двајцата лидери се согласија за нов самит за време на телефонски разговор.
Унгарија е подготвена да биде домаќин на самитот Русија-САД, изјави унгарскиот премиер Виктор Орбан.
„Планираната средба меѓу американскиот и рускиот претседател е голема вест за мирољубивите луѓе низ целиот свет. Подготвени сме!“ напиша тој на X.
Трамп и Путин последен пат се сретнаа пред два месеци во Алјаска, но таа средба не донесе конкретен напредок кон мирот во Украина, по што следеше период на дипломатско затишје меѓу Вашингтон и Москва, анализираат медиумите.
Денешниот телефонски повик не беше објавен со денови, за разлика од некои претходни, а аналитичарите истакнуваат дека времето на неговото случување е исклучително значајно. Имено, Трамп утре треба да се сретне со украинскиот претседател Володимир Зеленски.
Клучната тема на нивниот разговор ќе биде можното испраќање американски ракети со долг дострел „Томахавк“ во Украина, што би претставувало значително зголемување на воената помош за земјата.
Фото: принтскрин