Умерениот исламист, Ахамад Моаз ал-Хатиб, поранешен имам, избран во неделата доцна навечер во катарската престолнина Доха за претседател на новата коалиција која го обединува повеќето сириски опозициски групи.

Како што јави сателитската телевизија Al Jazeera во директниот пренос од гласањето, за потпретседатели се избрани Риад Сеиф, поранешен пратеник кој ја промовираше иницијативата за обединување на сириската опозиција и активистот Сухеир Атаси кој го координира бунтот во Сирија.

Педесет идвегодишниот Ахамад Моаз ал-Хатиб, роден во сирискиот главен град Дамаск, ја напушти земјата пред три месеца, откако двапати бил уапсен на почетокот од бунтот против власта на претседателот Башар ал-Асад во март 2011 година. Познат во меѓународната заедница е по умерени ставов по верските прашања.

До основањето на оваа коалиција на сириската опозиција дојде по многу тешки преговори меѓу разделените групации коишто дејствуваат во и надвор од Сирија, меѓу кои и Сирискиот национален совет (SNC) кој последната година беше главната опозициска група надвор од Сирија, но ја загуби довербата на Вашингтон и другите сили коишто го сакаат соборувањето на Асад и ја сметаат за неефикасна и поделена поради лични судири, а кој од страв да не биде маргинализиран првично го блокираше носењето одлука за формирањето на коалицијата.

Меѓутоа, во саботата навечер челниците на SNC беа под силен арапски и меѓународен притисок, во прв ред од САД и Катар за да го прифати обединувањето на опозицијата под покровителство како национална коалиција за поуспешна борба против владата на претседателот Башар ал-Асад.

Американски дипломати и функционери од Катар во чија престолнина се одржува состанокот, која ги финансира бунтовниците во Сирија и ја води главната дипломатска војна против сирискиот претседател Асад во арапскиот свет, минатата седмица ги поттикнуваа опозициските групи да постигнат меѓусебен договор.

Велика Британија меѓу првите во неделата го изрази задоволството од одлуката на групите од сириската опозиција да формираат силна коалиција, истакнувајќи дека тоа претставува пресудна етапа од воспоставувањето на систем кој ќе биде способен да обезбеди политичка транзиција во Сирија. Британскиот министер за надворешни работи Вилијам Хејг во своето соопштение наведе „за важна фаза во создавањето широка и репрезентативна опозиција којашто ќе ги одразува разликите во сирискиот народ“./крај/мф/сн