Свет
Израел по неуспешниот обид за прекин на огнот напаѓа во Газа, 140 мртви Палестинци
Израелската армија во средата изврши десетици напади врз Појасот Газа, уништувајќи комплекс владини институции, голем полициски штаб и еден од главните мостови на крајбрежната енклава, со што вкупниот број на палестински жртви во операцијата достигна 140 луѓе, меѓу кои и три локални новинари.
Размената на нападите, во кои на израелската страна загинаа вкупно пет лица, продолжи и ноќта кон средата откако не беше постигнато најавеното примирје објавено од страна на Палестинците, и откако во потрагата по мир во регионот пристигнаа американската државна секретарка Хилари Клинтон и генералниот секретар на Обединетите нации, , Бан Ки-Мун, кои се обидоа да го одвратат Израел од проширување на својата воена операција „Облачен столб“ со копнена инвазија во Појасот Газа.
Еден од најзначајните цели од ноќните бомбардирања беше комплексот владините агенции Абу Кадра во центарот на главниот град Газа. Врз зградата, каде што пред војната локалното население вадеше пасош и пријавуваше патувања во странство, истрелани се пет ракети. Во бомбардирањето настрадале и блиските канцеларии на катарската сателитска телевизија Ал Џазира и на иранските новински агенции.
Во своето резиме за борбените активности, службата за односи со јавноста одбранбените сили на Израел (IDF) во соопштението објавено во средата претпладне зградата на палестинското министерство е означено како „еден од главните центри за команда и контрола“ на владејачкото во палестинската енклава Појасот Газа, исламистичкото движење Хамас.
Израелските воени авиони уништија мостот Aз-Захра, која го поврзува главниот град кој се наоѓа во северниот дел на појасот Газа со централниот дел на енклавата. Исто така, уништена е и главната полициска станица во Кан Јунис, вториот најважен град на палестинските територии. Билансот на жртвите од операцијата која започна минатата среда достигна 140 лица, а повеќе од илјада се ранети, изјави претставник на локалното министерството за здравство.
Израелската армија, која го објави вообичаеното резиме за операциите во изминатата ноќ, соопшти дека цел на напад бил „разузнавачки оперативен центар“ на милитантите на седмиот кат од „зградата на претставништва на медиумски компании“.
Претходно во текот на ноќта телевизијата Ал-Акса на движењето Хамас јави дека загинале двајца од нејзини оператори во воздушен напад врз нивното возило. Локалните медиуми, исто така, јавија за загинувањето на новинарот на приватното локално радио Ал-Кудс. Израелската армија соопшти дека претставниците на медиумите контролирани од страна на исламистички влада во енклавата, често и самите се вклучени во активностите на милитантите.
Претходно во вторникот во Појасот Газа, милитантите јавно егзекутираа шест лица обвинети за соработка со израелските разузнавачки служби, а телето на еден од нив, беше врзано за мотоцикл и влечено по главната улица во Газа, соопштија очевидци за странските агенции.
Покрај нападите врз десетици милитантни групи, уништување на ракетни лансери, магацини со оружје и муниција и други инфраструктура на палестинските групи, израелската армија фрли и летоци над главниот град Газа и северните погранични градови Беит Ханун и Беит Лахија летоци со кои се повикуваат десетици илјади жители да ги напуштат веднаш нивните куќи и во посочени насоки да заминат длабоко во енклавата. Палестинците тоа го доживеа како знак за претстојната инвазија на копнените сили, и проширување на израелската операција која сé уште е ограничена на далечински напади.
Палестинскиот претставникот во писмото до Советот за безбедност при Обединетите нации, Риџад Мансур побара ова тело да ја осуди израелската акција, што Израел тврди дека ја преземал за да го спречи ракетирањето на Хамас врз неговите територии. Мансур во писмото наведува дека меѓу 140-те убиени Палестинци има многу деца.
Членките на Советот за безбедност на ОН одржаа во вторникот вонреден состанок по барање на арапските земји. САД ја блокира изјавата на Советот за безбедност на ОН со која се осудува ескалацијата на судирот меѓу Израел и Палестинците во Појасот Газа. САД се спротистави на оваа изјава бидејќи во неа не била наведен основната причина – ракетните напади на Хамас – за ескалацијата на насилството, изјави портпаролката на американската мисија во ОН, Ерин Пелтон.
Во регионот во вторникот доцна навечер допатува американската државна секретарка Хилари Клинтон. Таа прво во Ерусалим се сретна со израелскиот премиер Бенјамин Нетанјаху, а во средата ја очекуваат разговори со претседателот на палестинската самоуправа на Западниот брег, Махмуд Абас во Рамалах. Потоа Клинтон ќе замине за Каиро каде ќе се состане со египетскиот претседател Мохамед Мурси./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Не ја исклучувам можноста за нови напади врз раководството на Хамас, каде и да се
Израелскиот премиер Бенјамин Нетанјаху денес изјави дека не ги исклучува понатамошните напади врз лидерите на Хамас „каде и да се“, додека арапските и исламските шефови на држави одржуваат самит за да покажат поддршка за Катар по нападот од минатата недела врз земјата од Персискиот Залив.
Обраќајќи се на самитот, катарскиот емир Тамим бин Хамад ал-Тани рече дека израелскиот напад бил „кукавички и предавнички“, тврдејќи дека во времето на нападот, лидерите на Хамас го проучувале предлогот за прекин на огнот на САД што им го презентирале Катар и Египет.
Хамас објави дека петмина негови членови се убиени во израелскиот напад, но не и раководството. Еден член на катарските безбедносни сили, исто така, бил убиен.
Зборувајќи заедно со американскиот државен секретар Марко Рубио во Ерусалим, Нетанјаху рече дека Израел сè уште не добил конечен извештај за резултатите од нападот.
Рубио ќе отпатува во Катар по неговата посета на Израел, изјави висок функционер на американскиот Стејт департмент, пренесуваат светските медиуми.
Рубио го повика Катар да продолжи да игра конструктивна улога во решавањето на конфликтот во Газа, велејќи дека тоа би можело да помогне во постигнувањето на целта за ослободување на сите 48 заложници што сè уште се држат во Газа, разоружување на Хамас и градење подобра иднина за жителите на Газа.
Претседателот на САД, Доналд Трамп, посочи дека не е задоволен од нападот и вчера изјави дека Израел треба да биде внимателен.
Фото: принтскрин
Свет
Иран: Непријателите треба да знаат, нашата нуклеарна програма има длабоки корени, не може да биде уништена со воени напади
Шефот на Организацијата за атомска енергија на Иран, Мохамад Еслами, на годишната генерална конференција на Меѓународната агенција за атомска енергија (МААЕ) во Виена изјави дека нуклеарната програма на Иран нема да биде уништена со воена акција. Во исто време, тој ги обвини Израел и Соединетите Американски Држави за нелегални напади врз неговите објекти, пишува Иран Интернешнл.
„Непријателите на Иран треба да знаат дека нашата нуклеарна програма има длабоки корени и не може да биде уништена со воена акција“, рече Еслами во обраќањето пред 69-та Генерална конференција. Тој додаде дека Иран нема да попушти пред политичкиот или воениот притисок и нема да се откаже од своите права.
Шефот на Организацијата за атомска енергија на Иран рече дека соработката на Техеран со МААЕ е „широка и конзистентна“, но ја обвини агенцијата дека не ги осуди она што тој го нарече акти на агресија против нуклеарните објекти на Иран.
„И покрај нашите официјални барања, агенцијата не ги осуди нападите на САД и Израел врз нуклеарните објекти на Исламската Република“, рече тој. „Ова молчење и неактивност ќе останат дамка во историјата на агенцијата“.
Еслами, исто така, ги критикуваше европските напори за активирање на механизам за „враќање“ за повторно воведување на санкциите на Обединетите нации врз Иран, нарекувајќи ги нелегални.
Тој рече дека нуклеарниот договор од 2015 година, официјално познат како Заеднички сеопфатен план за акција (JCPOA), покажал дека дипломатијата може да успее, но тврдеше дека бил поткопан од западните земји. „Денес, на годишнината од JCPOA, гледаме нелегални обиди за активирање на механизмот за враќање“, рече тој. „Овие напори се исмејување на Резолуцијата 2231“.
Еслами, исто така, рече дека израелските напади врз нуклеарните објекти на Иран беа насочени не само кон инфраструктурата, туку и кон самата дипломатија.
„Целта на ционистичкиот режим не е само да ги уништи нашите нуклеарни центри, туку и да го блокира патот кон дипломатијата и мирот“, рече тој. Еслами објави дека Иран ќе поднесе резолуција на конференцијата со која ќе се забранат нападите врз нуклеарните постројки и ќе одржи состаноци со земјите што соработуваат со Техеран.
Фото: принтскрин
Свет
Рубио во Израел: Сите заложници мора веднаш да се вратат дома
Државниот секретар на САД, Марко Рубио, изјави дека сите заложници мора веднаш да се вратат дома и дека Хамас мора да биде „уништена“ како вооружена група.
Зборувајќи на прес-конференција во Ерусалим, Рубио рече дека американскиот претседател Доналд Трамп е сè уште посветен на овие цели, објавува „Тајмс оф Израел“. Рубио, исто така, истакна дека Иран им се заканува не само на Израел и САД, туку и на сојузниците од Персискиот Залив и Европа. Тој рече дека нуклеарниот Иран е „неприфатлив ризик“ за светот.
Рубио го критикуваше Хамас за неговиот „неспоредлив варваризам“ и додаде дека народот на Газа не може да има мир или подобра иднина сè додека Хамас не биде разоружан и сите заложници не бидат вратени дома. „Фокусирани сме на тоа што ќе се случи следно“, рече американскиот државен секретар Марко Рубио, осврнувајќи се на израелскиот напад во Доха минатата недела.
Државниот секретар на САД пристигна во Израел за да му го пренесе на израелскиот премиер Бенјамин Нетанјаху незадоволството на САД од неодамнешниот израелски напад врз Доха, Катар, под изговор дека го напаѓа седиштето на Хамас. Пред состанокот, тој најави дека ќе разговара со Нетанјаху за воените планови на Израел за окупирање на градот Газа, како и за намерата на Израел да анектира делови од окупираниот Западен Брег.
Фото: принтскрин
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
