Свет
Над 200 мртви во налетот на тајфунот Бофа на југот на Филипините

Најмалку 230 луѓе загинаа, а повеќе стотици се водат како исчезнати на крајниот југ на Филипините, кој во ноќта од вторник кон среда беше погоден од тајфунот Бофа.
Во поројот со кал смртно страдале 49 лица во Њу Батан, град на островот Минданао, а 51 лице настрада на различни места на истокот на островот, изјави полковникот Линдон Паниза, воен командант на јужното подрачје.
Дванаесет луѓе загинаа во другите јужни покраини, како и тројца жители на островот Висајас.
Властите предупредија дека бројот на мртвите во невремето ќе биде уште поголем, како спасувачите ќе доаѓаат до најтешко погодените подрачја на југот на филипинскиот архипелаг.
Тајфунот Бофа дојде до брегот во вторник наутро на источната страна на Минданао, со налети на ветерот со брзина од 210 километри на час. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Белорусија: Беспилотните летала се изгубени, и ние соборивме неколку

Павел Муравјеика, белорускиот заменик-министер за одбрана, тврди дека беспилотните летала случајно влегле во полскиот воздушен простор откако нивните навигациски системи биле блокирани.
Во видео на официјалниот канал Телеграм на Министерството за одбрана, Муравјеика изјавил дека беспилотните летала „се изгубиле“ и дека самата Белорусија соборила неколку беспилотни летала над сопствената територија.
Тој истакнал дека помеѓу 23:00 и 4:00 часот по локално време, белоруските сили споделиле информации со Полска и Литванија преку „комуникациски канали“ за беспилотни летала што залутале.
Белорусија, најблискиот сојузник на Русија, во последните години се соочува со влошување на односите со своите западни соседи и Украина, откако Москва ја искористи белоруската територија како појдовна точка за напад врз Киев што го започна во февруари 2022 година, пишуваат медиумите.
Полска вчера објави дека ќе ја затвори границата со Белорусија на полноќ по локално време во четврток поради воените вежби „Запад“ што се одржуваат во Белорусија. Воените вежби „Запад-2025“, што ќе се одржат во Западна Русија и Белорусија, предизвикаа загриженост кај соседните земји, членки на НАТО – Полска, Литванија и Латвија.
Фото: принтскрин
Регион
Фон дер Лајен: Иднината на Западен Балкан е во Европската Унија

Претседателката на Европската комисија, Урсула фон дер Лајен, денес изјави дека само обединета Европа може да биде независна Европа, дека поголема и посилна Унија е гаранција за безбедноста на сите и дека иднината на Западен Балкан, Украина и Молдавија е во ЕУ.
Во својот годишен „Говор до нацијата“ пред Европскиот парламент, таа повика на следно обединување на Европа.
„Кога зборуваме за независност, зборуваме за избор на нашата судбина. Тоа е она за што се бори Украина. И тоа е она што го заслужуваат сите Европејци. Бидејќи Европа е идеја – идејата за слобода и заемна сила. Тоа беше идејата што ја водеше генерацијата по 1989 година кога Истокот и Западот се обединија. Сега е исто толку моќна како што беше и тогаш. Затоа ги доближуваме идните земји-членки до нашата Унија. Треба да го одржиме темпото на овој процес базиран на заслуги“, рече Фон дер Лајен, пренесува Танјуг.
Фото: принтскрин
Свет
Полските одбранбени сили во готовност за брза мобилизација по навлегувањето на руските беспилотни летала

Поради навлегувањето на руски беспилотни летала во полскиот воздушен простор, територијалните сили добија инструкции да бидат подготвени за побрза мобилизација од вообичаеното.
Полските територијални одбранбени сили (WOT) добија инструкции да бидат подготвени за евентуален повик со пократок рок од вообичаеното, поради тековната операција за уништување на руски беспилотни летала што влегле во полскиот воздушен простор, објави European Justice, повикувајќи се на соопштение од полските власти.
Како што е наведено, времето за мобилизација е скратено поради нарушување на полскиот воздушен простор и ангажирање на копнени тимови за пребарување.
Во областите најблиску до источната граница – Подлаские, Мазовја, Лублин и Подкарпатија – војниците на територијалната одбрана можат да бидат повикани само шест часа пред времето кога се очекува да се јават на должност.
Во централните региони – Померанска, Вармско-Мазурска, Кујавско-Померанска, Лоѓ, Швјетокржиска и Малополска – повиците можат да пристигнат 12 часа однапред. Во другите делови од земјата, засега не е планирана итна мобилизација.
Армијата им порачува на граѓаните да останат смирени и да шират само официјални информации од војската и државното раководство.
– Доколку наидете на остатоци од беспилотни летала, не им се приближувајте и веднаш известете ја полицијата – се вели во соопштението.
Фото: принтскрин