Свет
Анџелина Џоли ги отстрани дојките поради страв од рак
„Не беше лесна одлука“ вели познатата актерка Анџелина Џоли откако откри дека ги отстранила двете дојки бидејќи имала 87 отсто шанси да добие рак.
Џоли откри дека се подложила на двострука мастектомија иако била здрава, откако дознала дека е носител на BRCA1 генот и дека има 87 отсто шанси да заболи од рак на дојките.
Мајката на 37 годишната актерка, Маршелин Бертран починала на 57 години од рак на јајниците.
„Моите лекари проценија дека имам 87 отсто шанси да добијам рак на дојките и 50 отсто шанси за рак на јајниците иако тој ризик е различен кај секоја жена само мал дел од ракот на дојката е последица од наследена мутација на генот. Оние со дефект, во BRCA1 во просек имаат 65 отсто шанси да го добијат. Кога дознав дека тоа е мојата реалност, одлучив нешто да направам и да го намалам ризикот што повеќе што можам така што ќе ги отстранам двете дојки. Почнав од градите бидејќи ризикот за тој рак е поголем од ризикот за рак на јајниците а и операцијата е посложена. На 27 април го завршив тримесечниот медицински процес којшто го подразбира мастектомијата. Успеав се да држам во тајност и да продолжам со работа“ напиша Џоли во писмо до јавноста.
Операцијата поминала успешно а лекарите велат дека шансите, актерката да добие рак на дојките, се намалиле на помалку од пет отсто.
„Сакав да го напишам ова писмо за да им порачам на другите жени дека мастектомијата не е лесно, но среќна сум што го направив тоа. Моите деца веќе мораат да се плашат дека ќе ме изгубат поради рак на дојка“.Таа во писмото ја истакнува поддршката од нејзиниот вереник Бред Пит и своите деца за време на терапијата.
„Тие само ги гледаат моите белези и тоа е тоа. За нив сум онаа иста мама. Би направила се за да бидам со нив што повеќе што можам. Среќна сум што имам партнер полн со љубов како што е Бред Пит. Секоја девојка или жена која поминува низ ова нека знае дека ова е доста важен дел од процесот. Бред беше со мене секоја минута за време на операцијата. Успеавме заедно да се смееме. Знаевме дека тоа е правилна одлука за нашето семејство и дека ќе не зближи уште повеќе. И не зближи“ пишува Џоли.
Џоли пишува дека својата мастектомија не менува начинот на којшто се чувствува жената и додаде дека резултатите од реконструктивната операција може да бидат прекрасни.
„Лично не се чувствувам помалку женствено. Се чувствувам силно што донесов тешка одлука којашто на било кој начин не ја намалува мојата женственост. Се надевам дека другите жени ќе имаат корист од моето искуство. Ракот и понатаму е збор којшто внесува страв во човечките срца и предизвикува длабоко чуство на беспомошност. Но денес може преку анализи на крвта да откриете дали сте склони на канцер на дојките или јајниците и да преземете нешто“ пишува Џоли./крај/блиц/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.