Свет
Епл прогласен виновен за штелување на цените на е-книгите
Американската информатичка компанија Епл(Apple) во среда е прогласена виновна бидејќи се договорила со големите издавачи во САД за да ги подигне цените на е-книгите и и се заканува плаќање на високи глоби и камати.
„Обвинителите покажаа дека Епл сковал заговор за да ја подигне цената на е-книгите“, оцени судиката Денис Кот, во одлуката напишана на 160 страници и објавена во среда.
Таа соопшти дека ќе се одржи нов процес без одреден датум за одредување на износот на отштетата што компанијата ќе мора да ја плати. Тоа го бараат повеќе американски држави.
Бил Баер, помошник на државниот обвинител во соопштение ја поздрави победата за милиони потрошувачи кои сакале да читаат е-книги.
Државното обвинителство го обвинува Епл дека кон крајот на 2009 година се договорил со пет издавачи, со цел да ја подигнат цената на е-книгите, пред лансирањето на нивните таблети.
Американското министерство за правосудтво смета дека целта била да се урне доминацијата на Амазон на пазарот.
На суд заврши единствено Епл, додека издавачите се спогодија со владата и со државите. Судиката наведе дека некои книги, кои Амазон ги имал по 9,99 долари, кај Епл чинеле 12,99 или 14,99 долари.
Епл објави во среда дека има намера да се жали на пресудата.
„Не направивме ништо лошо и ќе се жалиме на одлуката на судиката“, наведе компанијата.
„Епл не правеше заговорф во одредувањето на цените на е-книгите и ќе продолжиме да се бориме против лажните обвинувања“, информира Епл.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.