Свет
САД ќе прогласат национален парк на Месечината?
Новиот предлог закон доставен до американскиот Конгрес предвидува местото на слетување на мисијата „Аполо“ да се прогласи за национален историски парк, пренесува Б92.
Дона Едвардс од Републиканската партија, предлогот на 8-ми јули го доставила до комитетот за наука, вселена и техонологија, како и до комитет за природни богатства, и таа навела дека „Аполо“ програмата е една од најголемите успеси во историјата на Америка, и потребно е да „изврши заштита на местото каде Аполо слета“, бидејќи има сè повеќе и повеќе други држави кои развиваат програми за истражување на Месечината.
Доколку биде изгласан, законот би стапил на сила за не подоцна од една година, а со создавањето на ваквиот парк ќе биде извршено големо признание за сите оние кои учествувале во „Аполо“ програмата, наведува Едвардс.
Администратор на евентуалниот историски парк би бил Секретаријатот за внатрешни работи на САД, а тој на овој проект би соработувал со НАСА./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Заменик началник на генералштаб: Британија може да се бори со Русија само 2 месеци
Британските вооружени сили мора да управуваат со „оперативниот ризик“ што произлегува од недостигот на ресурси што би сакале да ги имаат во идните војни, пишува „The Telegraph“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот Риши Сунак и министерот за економија и финансии Џереми Хант повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на Долниот дом, висок офицер на кралските маринци рече: „Ние бевме многу јасни дека сумата на пари што моментално ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари, над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешниот министер за вооружени сили, дали е вистина дека Обединетото Кралство „не може да се бори со Владимир Путин повеќе од неколку месеци во целосна воена ситуација поради недостаток на резерви муниција и опрема, Шапс додаде дека секој таков конфликт ќе се води заедно со сојузниците од НАТО кои заедно би можеле да ја совладаат Русија, наместо само Велика Британија.
„За луѓето кои гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај, пратениците рекоа дека на вооружените сили им требаат повеќе средства за „учество во операции додека развиваат воена готовност“, или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се „ослабени“ од 2010 година и дека „во конфликт со еднаков противник, тие ќе бидат исцрпени по првите неколку месеци од распоредувањето“.
Шапс, исто така, им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец, Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала, камикази во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично, секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, можат да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.
Регион
Полицајци и пожарникари пристигнуваат пред куќата каде што исчезна Данка
Во Бањско Поле во Србија пристигнуваат уште полициски сили и пожарникари во околината на викендичката на семејството Илиќ во близина на која последен пат била видена малата Данка Илиќ по која веќе трет ден се трага.
Покрај пожарникари и полиција, на самото место има и багер, иако сè уште нема официјални информации зошто. Репортерот на српски „Телеграф“ јавува дека полицијата отвора шахти околу куќата на семејството Илиќ.
Како што објави „Телеграф“, полицијата и работниците од ЈКП од утрово го расчистуваат теренот.
Данка Илиќ исчезна во вторникот во 13.45 часот кога мајка ѝ му давала вода на другото дете.
По девојчето 27 часа трагаа припадници на жандармеријата, полицијата, пожарникари, спасувачи, како и многубројни мештани. По 27 часа, српската полиција го прекина пребарувањето на теренот во Бањско Поле.
Свет
11 канали на „Телеграм“ блокирани во Русија поради терористичка содржина
Руската агенција за следење на комуникациите „Роскомнадзор“ го ограничи пристапот до 11 канали на платформата „Телеграм“ поради терористичка содржина во последните два дена, објави агенцијата РИА.
„Од терористичкиот напад во концертната сала ‘Крокус сити хол’ спроведуваме насочен мониторинг. Ги бележиме фактите за намерното ширење разни невистини по терористичкиот напад – фалсификати и повици за екстремистички активности“, соопшти „Роскомнадзор“.
РИА наведува дека на барање на „Роскомнадзор“ биле отстранети околу 600 документи со терористичка содржина или има забранет пристап до нив.