Свет
Делегации на завојуваните страни во Јужен Судан ќе се сретнат во Адис Абеба

Во обид да покренат мировни преговори за немирите во Јужен Судан, во четвртокот делегации на завојуваните страни во земјата се сретнаа во Адис Абеба, соопштуваат од етиопското министерство за надворешни работи.
Во рамките на регионалниот блок од шест источно африкански земји, Етиопија има водечка улога во поттикнување на преговорите меѓу јужносуданскиот претседател Салве Кира и неговиот политички ривал, сменетиот потпретседател Рик Машар.
Кир во средата прогласи вонредна состојба на неколку места во земјата каде завојуваните страни водат жестоки битки.
Со тоа мировните преговори беа тргнати во сенка, а насилствата продолжија во одделни делови на Јужен Судан, каде немирите траат од 16 декември, кога властите спроведоа полициски час, по конфлектите меѓу единиците од обезбедувањето на Кир кој му припаѓа на племето Динки и борците кои го поддржуваат Машар, од племето Нуер.
Меѓународните посредници оценуваат дека Кир е подготвен за прекин на борбите, но Машар му поставил услов на Кир да ослободи 11 политичари од затвор уапсени во средината на декември.
По почетните размени на оган во престолнината Џуби, судирите се проширија низ целата земја, а Кир обвини дека Машар сакал да изврши државен удар.
За две недели во немирите настрадаа повеќе илјади лица, а повеќе од 120 илјади биле приморани да ги напуштат своите домови./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во Албанија активни се 14 пожари, горат големи површини

Албанскиот министер за одбрана Пиро Венгу потврди дека во земјата 14 пожари се уште се активни и зафаќаат големи површини.
Во објава на социјалните мрежи, наведува дека во гаснењето на неколкуте големи пожар на југот на земјата, освен противпожарни единици, армиски, полициски сили и доброволци, вклучени се и хрватски и шведски авион „Канадер“.
Венгу додава дека се очекува пристигнување на два хеликоптери од воздухопловните сили на Обединетите Арапски Емирати, уште еден „Канадер“ од Грција и два хеликоптери од европскиот механизам од Чешка и Словачка.
Свет
Израелското преземање на Газа би предизвикало катастрофа, предупредува Советот за безбедност на ОН

Спроведувањето на израелскиот план за преземање контрола врз градот Газа на истоимената палестинска територија, каде што Израел војува речиси две години, се заканува да предизвика нова катастрофа што би се почувствувала во целиот регион, предупреди денеска високиот функционер на ОН Мирослав Јенча.
Јенча, заменик-генерален секретар на ОН за Европа, Централна Азија и Америка, на вонредната седница на Советот за безбедност на ОН во врска со овој план изјави дека во Појасот Газа се одвива хуманитарна катастрофа од големи размери.
Тој рече дека преземањето контрола врз градот Газа може да предизвика нова катастрофа во целиот Појас, предизвикувајќи понатамошно присилно внатрешно раселување и убивање цивили.
Израелскиот план беше остро осуден од претставникот на Словенија во Советот за безбедност и поранешниот министер за надворешни работи, Самуел Жбогар.
Во говорот во име на Данска, Грција, Франција и Словенија, тој рече дека секој обид за анексија, проширување на воените операции и кршење на меѓународното право дополнително ќе ги изложи на опасност сите цивили во Газа, вклучувајќи ги и преостанатите Израелци, заложници на милитантното исламистичко движење Хамас.
Свет
Силен земјотрес регистриран во западниот дел од Турција

Земјотрес со магнитуда од 6,1 степени е регистриран денеска во западна Турција во регионот Баликесир, соопшти Агенцијата за управување со катастрофи и вонредни состојби при Министерството за внатрешни работи на Република Турција (АФАД).
Земјотресот е почувствуван и во Истанбул и низ целиот регион на Мармара и Егејот.
Епицентарот на земјотресот бил на длабочина од 11 километри, на 52 километри од градот Баликесир.