Свет
Правнукот на Черчил осуден за трговија со дрога
![](https://makfax.com.mk/wp-content/uploads/2016/11/c0d0b944-80b6-4ca2-8969-bbf5aeedb777-2.jpeg)
Правнукот на поранешниот британски премиер Винстон Черчил е осуден на три години затвор за трговија со дрога, пренесуваат денеска западните агенции.
Правнукот на поранешниот британски премиер Винстон Черчил е осуден на три години затвор за трговија со дрога, пренесуваат денеска западните агенции. Осудениот Николас Џек Бартон (34) ќе ја издржува казната во австралиски затвор. Полицијата во јуни 2006 година во неговиот дом во Сиднеј пронајде 250,000 таблети екстази, како и 12 килограми метилендиоксиамфетамин, супстанца која се користи за нивно производство.Правнукот на Черчил го призна делото во ноември оваа година. При изнесувањето на пресудата, судијата истакна дека роднинските врски на осудениот со „херојот на 20 век не влијаат врз пресудата, која е должен да му ја изрече“./макфакс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Сестрата на кралот Чарлс итно примена во болница
![](https://makfax.com.mk/wp-content/uploads/2024/06/gfvdfvg.jpg)
Британската принцеза Ана се здобила со „лесни повреди и потрес на мозокот“ по инцидентот во нејзиниот имот во Геткомб парк минатата ноќ и моментално е во болница, соопшти Бакингемската палата.
„Принцезата Ана претрпе полесни повреди и потрес на мозокот по инцидентот во Gatcombe Park Estate вчера вечерта.
„Нејзиното кралско височество останува во болницата Саутмед во Бристол како мерка на претпазливост за набљудување и се очекува целосно и брзо закрепнување“, соопшти палатата.
Во соопштението се наведува дека кралот Чарлс е информиран за повредите на неговата сестра.
„Целото кралско семејство е со принцезата и се надеваат на нејзино брзо закрепнување“, заклучи Бакингемската палата.
Свет
Нетанјаху доби предупредување од комисијата што го истражува купувањето на подморници од страна на владата
![](https://makfax.com.mk/wp-content/uploads/2024/01/netanjahu.jpg)
Израелската комисија, која спроведе истрага за сомневањата дека имало злоупотреби при владината набавка на подморници и ракетни бродови од Германија, денеска упати предупредување до израелскиот премиер Бенјамин Нетанјаху дека ја искористил својата позиција за да ја одобри набавката без да ја следи пропишанота постапка.
Комисијата го информираше Нетанјаху дека, врз основа на собраните докази досега, утврдила дека тој ја искористил својата позиција како премиер помеѓу 2009 и 2016 година за да добие „зелено светло“ за купување без да следи соодветна процедура, објави Ројтерс.
Израелскиот премиер Бенјамин Нетанјаху денеска изјави дека набавката на подморници од Германија е клучно прашање за безбедноста на Израел со цел да се одбрани од Иран, кој, како што наведе, се обидува да ја уништи еврејската држава.
Регион
Во Грција од почетокот на месецот шест туристи загинаа поради големи горештини
![](https://makfax.com.mk/wp-content/uploads/2024/06/hj.jpg)
Поради високите температури, кои достигнуваат и до 40 Целзиусови степени, од почетокот на месецот во Грција загинаа шест туристи, а неколкумина се водат за исчезнати.
Последната жртва е 67-годишен Германец, кој е пронајден мртов на островот Крит, соопшти денеска полицијата. Туристот во неделата сам излегол на прошетка во кањонот, а по неколку часа ѝ се јавил на сопругата и рекол дека не се чувствува добро.
„Операцијата за пребарување и спасување почна веднаш и специјална единица за спасување со дронови забележа тело на маж во кањонот Трипити“, изјави полициски претставник за „Ројтерс“.
Спасувачките екипи трагаат и по две Французинки на возраст од 73 и 64 години на островот Сикинос, како и по 59-годишен американски полицаец, кој е на одмор на островот Аморгос. Уште еден Американец беше пронајден мртов на грчкиот остров Матраки во Јонското Море минатата недела, а холандски турист беше пронајден мртов на егејскиот остров Самос претходно овој месец.
Телото на британскиот ТВ-водител Мајкл Мозли беше пронајдено на 9 јуни на Сими, остров во Егејското Море, по четиридневна операција за пребарување со авиони, дронови и чамци. Мозли наводно одел сам на високите температури пред да исчезне.