Свет
Доларот потона, нафтата поскапе
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-4718.jpeg)
Светските берзи денеска реагираа со намалување на вредноста на доларот и зголемување на цената на нафтата на информациите дека азиските централни банки имаат намера своите девизни резерви да ги пополнат со други валути и оти побарувачката на нафта и натаму ќе остане многу голема.
Светските берзи денеска реагираа со намалување на вредноста на доларот и зголемување на цената на нафтата на информациите дека азиските централни банки имаат намера своите девизни резерви да ги пополнат со други валути и оти побарувачката на нафта и натаму ќе остане многу голема. Доларот остро изгуби од вредноста, а цените на нафтата се вивнаа на над 50 долари за барел, додека вредноста на акциите на светските берзи е во опаѓање, јавија западните агенции, додавајќи дека инвеститорите се “во шок“. Американската валута со опаѓање за 1,3 насто во однос на еврото и на јенот го доживеа најголемото опаѓање по октомври минатата година, по најавата дека Јужна Кореја ќе го прошара валутите во кои ги држи девизните резерви од 200 милијарди долари, од кои сега над 90 насто се во долари. Потегот на Јужна Кореја ги подгреа стравувањата дека азиските централни банки ќе го изубат апетитот за долари. На опаѓањето на доларот веднаш реагираше цената на златото, кое поскапе за 7,40 долари и се приближи до вредноста од 436 долари за унца. По најавите дека побарувачката на “црно злато“ ќе остане на високо ниво на њујоршката берза цената на нафтата се зголеми за 2,75 долари, односно за над 4 насто на речиси 51,10 долари за барел. Во Лондон северноморската нафта брент се продава за скоро 49 долари за 159 литри. Организацијата на држави извозничи на нафта (ОПЕК) денеска се обиде да ја намали нервозата на пазарите, соопштувајќи дека високите цени гарантираат оти картелот на претстојниот состанок нема да донесе одлука за намалување на своето производство./крај/бна/м
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Шефот на агенцијата на ОН: Борбите во Газа и Рафа продолжуваат и покрај израелските најави
![](https://makfax.com.mk/wp-content/uploads/2024/04/izraelska-vojska.jpg)
Борбите во градот Рафа и во јужниот дел на Газа продолжуваат и покрај вчерашната најава на израелската армија за тактички паузи во операциите за да се дозволи влез на хуманитарна помош, изјави денеска во Осло шефот на Агенцијата на Обединетите нации за помош на Палестинците (УНРВА).
Израелскиот премиер Бенјамин Нетанјаху вчера ги критикуваше плановите на армијата да воведува дневни прекини на огнот долж еден од главните патишта до палестинската енклава.
Филипе Лазарини, шеф на УНРВА, сепак, рече дека немало пауза. „Имаше информации дека е донесена таква одлука, но политичкото ниво вели дека таква одлука не е донесена“, рече Лазарини на прес-конференцијата.
„Затоа, засега можам да ви кажам дека борбите во Рафа и на југот на Газа продолжуваат и дека оперативно ништо досега не е променето“, додаде тој.
Израелската војска во понеделникот објави дека нејзините сили ги продолжуваат операциите во областа Рафа, кои вклучуваат тесна борба со милитантите и заплена и уништување оружје.
За викендов, армијата најави дневни паузи од 7 до 18 часот во областа од преминот Керем Шалом на југот на Израел до патот Салах ал-Дин, а потоа и понатаму кон северот. Подоцна појасни дека нормалните операции ќе продолжат во Рафа, главниот фокус на неговите операции во јужниот дел на Газа.
Свет
(Видео) Авион на Боинг почна да гори, му откажа моторот, мораше итно да слета
![](https://makfax.com.mk/wp-content/uploads/2024/06/Screenshot-2024-06-17-143908.jpg)
Патнички авион безбедно слета на аеродром во Нов Зеланд откако избувна пожар и откажа еден од моторите, соопшти националната противпожарна служба, пренесува Асошиејтед прес.
Боингот 737-800 на Virgin Australia летал за Мелбурн, Австралија, но на крајот слетал во новозеландскиот град Инверкаргил. Инцидентот можеби е резултат на „удар од птица“, изјави Стјуарт Агс, главен оперативен директор на авиокомпанијата.
Последиците од ударите на птиците варираат по сериозност во зависност од големината на птиците, реакцијата на пилотот и кој дел од авионот бил погоден. Пламенот во авионот бил забележан веднаш по полетувањето од аеродромот во Квинстаун.
A burning plane makes an emergency landing in New Zealand.
People in Queenstown saw flames sparking from the engine of a Boeing 737 as loud explosions were heard after a bird strike incident. pic.twitter.com/jZhpx7M7Kc
— Vexwift (@vexwift) June 17, 2024
Нема дополнителни информации за тоа што се случило во моментот на инцидентот, изјави Кетрин Нинд, портпаролка на аеродромот. Во инцидентот нема повредени. Во авионот имало 67 патници и шест членови на екипажот. Агс најави дека патниците ќе бидат сместени преку ноќ во Инверкаргил и дека ќе се договорат нови летови.
Ова е само последниот во серијата инциденти со авиони Боинг. Вчера се дозна за случајот на 11 април, кога Боинг 737 Макс 8 на Southwest Airlines почна забрзано да паѓа, запирајќи го падот на околу 120 метри над Тихиот Океан.
Свет
Путин оди во посета на Северна Кореја
![](https://makfax.com.mk/wp-content/uploads/2024/06/kim-putin.jpg)
Рускиот претседател Владимир Путин утре и задутре ќе ја посети Северна Кореја, објави Кремљ, а тоа е исклучително ретко патување кое го истакнува сè посилното партнерство на Москва со таа нуклеарна држава.
Во септември минатата година, севернокорејскиот лидер Ким Џонг Ун, за време на неговата посета на Далечниот исток на Русија, го покани рускиот претседател да ја посети неговата земја.
Путин не го посетил Пјонгјанг од јули 2000 година.
„На покана на претседавачот за државни работи на КНДР, Ким Џонг Ун, Владимир Путин ќе престојува во пријателска државна посета на Демократска Народна Република Кореја од 18 до 19 јуни“, се вели во соопштението на Кремљ, во кое се додава дека, по Северен Кореја, Путин на 19 и 20 јуни ќе го посети Виетнам.