Свет
Власта национализира во корист на „Веро“
Наместо да ни го денационализираат плацот, добивме известување дека не може да ни се врати бидејќи станал сопственост на „Веропулос"
Наместо да ни го денационализираат плацот, добивме известување дека не може да ни се врати бидејќи станал сопственост на „Веропулос"
Наместо да не’ обесштети со по 510 евра за квадратен метар, државата сака да не’ поткраде давајќи ни само по 32 евра за нашите плацови, кои се дел од локацијата што му е продадена на „Веропулос“, обвинија вчера сопствениците на земјиштето. Тие се револтирани и од тоа што плацовите не им се и формално вратени со денационализацијата, туку пред тоа и’ се продадени на грчката фирма.
– Неодамна добивме известување дека земјиштето не може да ни се врати бидејќи станало сопственост на „Веропулос“. Ова е кршење на законот кој забранува продажба на имотот за кој постои барање за денационализација. Благовремено сме побарале да ни се врати плацот. Најскандалозно е тоа што во истото известување ни пишуваат дека ќе ни се исплатат по 2.000 денари за секој квадратен метар, бидејќи земјиштето веќе има друг сопственик – изјави вчера Зорица Велкова, една од наследниците на плацот.
Според неа, државата треба да им го врати земјиштето или да им исплати обесштетување во висина на продажната цена.
– Неприфатливо е за плацот од 177 квадратни метри да ни определат надомест од 353.000 денари, односно околу 6.000 евра, иако реално би требало да добиеме повеќе од 90.000 евра – истакнува Велкова.
Според сознанијата, слични известувања добиле и десетина сопственици на другите парцели што се наоѓаат во рамките на предвидениот плац. Тие истакнуваат дека во почетокот на август минатата година добиле решенија според кои „предмет на денационализација е градежно неизградено земјиште, кое може да им се врати на сопствениците“. Наместо тоа, земјиштето наскоро било продадено откако надлежните органи извршиле окрупнување на парцелата која била огласена за продажба. Од првичните три илјади квадратни метри, парцелата била зголемена на цели 11.000 квадратни метри.
– Тие добро знаеја дека нашите парцели се во постапка за денационализација и дека ние треба да ги добиеме. Во Законот за денационализација јасно пишува дека со неговото стапување во сила не е дозволено располагање со имотот што е предвиден за враќање. Ние добивме информација дека прво било донесено едно решение да ни се вратат имотите, но некој подоцна го сопрел тоа за да ни дадат најниско обесштетување – тврдат сопствениците на плацовите.
Продажбата на земјиштето кај Народната банка на РМ беше проследена со скандал откако беше поништена првата лицитација. Причината за поништувањето била во нерегуларната елиминација на фирмите „Меркатор“ и „Делта М“ затоа што им недостасувала банкарска гаранција. Подоцна се утврди дека на фирмите воопшто не смеело да им се бара банкарската гаранција. Гаранцијата требало да ја достави само најповолниот понудувач, а не сите фирми што учествувале на лицитацијата. Премиерот Владо Бучковски таквата продажба ја нарече „скандалозна“, а целата вина му беше префрлена на Даут Емини, претседател на Комисијата за лицитација. На вториот тендер грчката фирма „Веропулос“ го купи земјиштето по цена од 510 евра за квадратен метар, односно, за 210 евра поскапо отколку на првото наддавање.
Бранко Горгевски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицијата на Истра уапси Германец: снимал голи деца со рачен часовник
Истарската полиција приведе германски државјанин (31), кој е обвинет за експлоатација на деца за порнографија откога е откриено дека снима голи деца на плажа со рачен часовник со интегрирана камера.
Граѓаните ја известиле полицијата во вторникот околу 18 часот кога забележале дека мажот снима деца со рачен часовник. Полицијата ги претресла неговите простории, автомобилот и друга техничка опрема и пронашла инкриминирачки снимки. Еден ден подоцна тој бил предаден на притворската единица на Полициската управа на Истра со кривична пријава.
„Полицијата апелира до родителите да ги следат своите деца и да гледаат каде се и што прават на плажа. Облечете ги вашите деца во костими за капење, а доколку забележите сомнително лице што снима деца, веднаш известете ја полицијата на 192“, велат од полицијата додавајќи дека ваквите акции покажуваат дека јавноста е сè повеќе свесна за проблемот со снимањето деца и дека препознавањето на сомнителното однесување овозможува навремен одговор и апсење на сторителот“.
Фото: принтскрин
Свет
Гејтс: Вештачката интелигенција го брише пазарот на трудот, само три професии ќе преживеат
Коосновачот на „Мајкрософт“, Бил Гејтс, како и многубројни светски извештаи, укажуваат дека вештачката интелигенција неповратно го менува пазарот на трудот. Автоматизацијата станува сеприсутна, особено кога станува збор за едноставни, повторувачки задачи, но транзицијата кон економија на вештачка интелигенција мора внимателно да се управува за да се избегнат сериозни последици за работната сила.
Гејтс постојано нагласуваше дека развојот на технологијата на вештачката интелигенција го менува начинот на кој луѓето работат, но исто така и дека отвора нови прашања, првенствено за тоа во кои сектори луѓето остануваат незаменливи.
За Гејтс, програмирањето е многу повеќе од техничко знаење, тоа е модерна форма на писменост. Без програмери, вештачката интелигенција не би постоела. Иако вештачката интелигенција може да генерира код денес, сепак ѝ се потребни човечка контрола и експертско водство.
Токму програмерите имаат задача да откриваат грешки во системите, да препознаваат и коригираат потенцијални пристрасности и да интегрираат етички стандарди. Гејтс нагласува дека без овие чекори, автоматизираните системи многу лесно може да станат непредвидливи или дури и опасни.
Брзиот напредок во биотехнологијата, генетскиот инженеринг и персонализираната медицина ги стави биолозите во центарот на современите иновации. Гејтс верува дека автоматизацијата тука има ограничен опсег.
Човечката процена останува критична при донесување сложени одлуки за здравствена заштита, толкување биомедицински податоци или реагирање на здравствени кризи.
„Биологијата стана наука на нашето време“, вели Гејтс нагласувајќи колку е важна експертизата во свет во кој вештачката интелигенција не може да ги замени емпатијата, интуицијата и сложеното разбирање на живите системи.
Во ерата на борбата против климатските промени и транзицијата кон обновливи извори, експертите од енергетскиот сектор играат клучна улога. Гејтс потсетува дека луѓето се тие што развиваат технологии, како што се заробување на јаглерод диоксид и користење зелен водород.
Според глобална студија спроведена заеднички од Меѓународната организација на трудот (МОТ) и полскиот истражувачки институт НАСК, генеративната вештачка интелигенција може да влијае на дури 25 % од сите работни места во светот.
Сепак, извештајот не предвидува масовно укинување на работните места, туку трансформација на начинот на работа. Занимањата што вклучуваат рутински административни задачи се најмногу изложени на ризик, а професиите што бараат високо ниво на експертиза – како што се програмирање, биологија и енергетика – покажуваат значителна отпорност.
Заклучокот од студијата е дека вештачката интелигенција нема целосно да ги замени луѓето, туку ќе ја промени природата на многу работни места. Работните места во кои процената, креативноста и флексибилноста се клучни ќе останат во доменот на човечката работа, и тоа уште долго време.
Фото: принтскрин
Свет
(Видео) Шумски пожари беснеат во цела Франција, пожарникарите беспомошни: „Вака не било 80 години“
Француските пожарникари втор ден по ред се борат со најголемиот шумски пожар во последните речиси осум децении, кој проголта 16.000 хектари шума, загина едно лице, а неколку други се водат за исчезнати.
„Пожарот досега не е ставен под контрола“, изјави за BFM TV, Кристоф Мањи, еден од водачите на операцијата за гаснење пожари во јужниот француски регион Од.
A massive forest fire in Aude, southern France 🇫🇷 (06.08.2025)
Over 16,000 hectares have burned, and 25 houses and 40 cars have been destroyed. pic.twitter.com/4lBrldVWAd
— Disaster News (@Top_Disaster) August 6, 2025
Пожарот во близина на границата со Шпанија почна претходно оваа недела и веќе опустоши област поголема од Париз. Властите предупредуваат дека тоа е најголемиот шумски пожар од 1949 година.
Шпанија се бори и со разорни пожари, особено на самиот југ од земјата, каде што пожарот се приближи до туристичкото одморалиште Тарифа. Таму се евакуирани неколку хотели и станбени згради, како и пет илјади возила. Локалните медиуми велат дека се евакуирани и 1.500 луѓе.
Научниците предупредуваат дека потоплите и посуви лета создаваат поголем ризик од шумски пожари во медитеранскиот регион. Според Европската комисија, 353.000 хектари изгореле во 1.478 пожари во Европа од почетокот на годината.
Службата за климатски промени „Коперник“ на ЕУ денес соопшти дека минатиот месец бил третиот најтопол јули на Земјата откога почнале да се водат евиденции, вклучувајќи рекордно висока температура од 50,5 Целзиусови степени во Турција.
Фото: ЕПА
Забрана за движење во шумите до крајот на август, за прекршителите казна до 2.000 евра: Владата ја продолжи кризната состојба од 30 дена
На владината седница е донесена одлука за продолжување на кризната состојба во рок од 30 дена. Со ова продолжување, како...
Трговците да ги намалат цените на училишниот прибор пред почетокот на школската година, одлучи Владата
Владата на 100. седница донесе одлука и ги задолжи трговците да ги намалат цените на училишниот прибор од најмалку 10...
Две лица загинаа во сообраќајна несреќа кај Градско: со возилото излетале од патот
Вчера околу 14:35 часот во СВР Велес било пријавено дека на експресниот пат Прилеп-Градско, патничко возило „ауди“ со делчевски регистарски...
„Борис Трајковски“ под лупа на ревизорите: аквапаркот под клуч, паркингот не заработува, а поддршката за самитот на ОБСЕ недокументирана
Државниот завод за ревизија го објави извештајот за работењето на салата „Борис Трајковски“ за 2023 година. Во извештајот е наведено...
Злато во багаж и ботокс во торба запленети на граница
Царинската управа информира дека при контроли на неколку гранични премини се спречени обиди за криумчарење различни производи, меѓу кои златен...
Синдикатот на новинарите бара зголемување на минималната плата: социјалниот статус на медиумските работници во земјата е на многу ниско ниво
Самостојниот синдикат на новинарите и медиумските работници во време на општата дебата за висината на минималната плата недвосмислено е за...
ВМРО-ДПМНЕ и натаму бара оставка од обвинителот Коцевски
ВМРО-ДПМНЕ и денеска упати јавен повик до обвинителот, Љупчо Коцевски, да си поднесе оставка поради, како што велат, компромитирање на...
Царините на Трамп стапија во сила, стапката за Македонија 15 отсто, како и за земјите од ЕУ
Царините на американскиот претседател Доналд Трамп за увоз од десетици земји, кои се движат од 10 до 50 проценти, стапија...
Зеленски ги објави петте приоритети за украинската одбрана – 50 отсто домашно оружје на фронтот
Претседателот на Украина, Володимир Зеленски, ги претстави петте клучни приоритети на Министерството за одбрана, меѓу кои се зголемување на учеството...
Рубио: САД имаат појасна слика за условите на Русија за крај на војната во Украина
САД имаат подобро разбирање за условите под кои Русија би била спремна да ја заврши војната во Украина откако претставникот...
Трамп: 100 проценти царина за чипови, освен за оние што сакаат да го префрлат производството во САД
Соединетите Американски Држави ќе воведат царина од околу 100 проценти за чипови и полупроводници увезени од земји кои не произведуваат...
Се појави писмо од Вуди Ален до Џефри Епштајн: Откриени детали за тајните вечери
Познатиот режисер Вуди Ален му испратил роденденско писмо на Џефри Епштајн додека тој сè уште беше жив, во кое детално...
Сиљановска-Давкова по новиот инцидент на трибините: Селективната осуда е лицемерие
По новите националистички скандирања на спортските трибини, претседателката Гордана Сиљановска-Давкова со јавна реакција на социјалните мрежи. Таа порача дека сцените...
(Видео) Спасен параглајдеристот кој висеше закачен на дрво високо над 30 метри
Во лоши услови со силен ветар и во ноќ, тимот за спасување на планина на Дирекцијата за заштита и спасување...
Лихварска шема во Гостивар: Заем од 35.000 евра со камата од 15.000 за една година, па по 3.000 евра месечно
Против две лица, меѓу кои еден нотар од Гостивар и една фирма, тетовската полиција поднесе кривични пријави поради сомнение за...
Свадба во струмичкиот затвор – осуденик го кажа судбоносното „да“
Во струмичкиот затвор денес се одржа невообичаен, но длабоко хуман чин – законска регистрација на брак на осудено лице кое...
Тешко злосторство во Кавадарци – го убил својот брат, па го закопал во дворот
Четириесет и тригодишен маж е осомничен дека по расправија го убил својот една година помлад брат, а потоа неколку дена...
Децата на подолго болничко лекување нема да губат настава, на Детската клиника се воведува формално образование
За да нема прекин на воспитно-образовниот процес на учениците што имаат посериозни здравствени предизвици и се на болничко лекување повеќе...
Хелсиншкиот комитет го осудува националистичкото скандирање на фудбалскиот натпревар меѓу „Шкендија“ и „Карабах“
Хелсиншкиот комитет за човекови права изразува сериозна загриженост и го осудува националистичкото и политизирано скандирање за време на фудбалскиот натпревар...
Девет години од катастрофалните поплави во Гази Баба, во кои загинаа 22 лица
Денеска се навршуваат девет години од катастрофалните поплави во Стајковци и околните села и Сингелиќ во кои загинаа 22 лица....
