Свет
Судијка и адвокат краделе пари од Буџетот
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2796.jpeg)
МВР и Обвинителството се сомневаат дека судијка и адвокат наплатувале божемни трошоци за непостоечки предмети со фалсификувани извршни решенија
КРИМИНАЛ ВО ОСНОВНИОТ СУД 1 ВО СКОПЈЕ
МВР и Обвинителството се сомневаат дека судијка и адвокат наплатувале божемни трошоци за непостоечки предмети со фалсификувани извршни решенија
Инспектори од одделот за стопански криминал во Министерството за внатрешни работи и од одделението за организиран криминал во обвинителството веќе неколку дена ги чешлаат документите во извршното одделение во Основниот суд 1 во Скопје.
Службеници во ова одделение се осомничени за организиран криминал. Со фалсификувани извршни решенија требало да бидат исплаќани пари од Буџетот на Република Македонија. Се работи за неколку стотици илјади денари.
Според првичните сознанија на истражителите, во криминалот се замешани и една судијка и познат скопски адвокат. Досега биле откриени неколку фалсификувани решенија.
Ујдурмата била откриена кога во Народна банка стигнало извршно решение од Основниот суд 1 во кое било наведено дека треба да се исплатат поголема сума пари. Парите требало да легнат на жиро сметка на познатиот скопски адвокат. Но, на службениците од банката не им била јасна содржината на решението односно како да пресметаат дел од каматите. Затоа побарале од судот да им дадат дополнителни детални информации.
Тогаш било откриено дека под тој број на решението во судот биле заведени сосема други странки и сосема друг предмет. Наплатата за вистинското решение требало да оди преку една деловна банка, а не преку Народна банка. Така било утврдено дека решението доставено до Народна банка е фалсификат.
Веднаш биле известени полицијата и обвинителството. Компјутерот на кој работеле службениците во судот бил запечеатен и се проверува што се било пишувано на него.
На распит биле повикани адвокатот, службениците од судот и нивни блиски роднини кои биле замешани во бизнисот.
Интересно е што во случајот е осомничена судијка која во извршното одделение била распределена неодамна.
Досега според судскиот деловник првиот примерок на секое решение го потпишува судијата , а вториот, на кој пишува "верно на оригиналот" службениците кои ставаат печат и штембил. По откривањето на овој случај сега сите примероци на решенија кои треба да останат или излезат од судот ќе ги потпишуваат судиите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) „Црвената фурија“ фуриозно во 119. минута
![](https://makfax.com.mk/wp-content/uploads/2024/07/morino-1.jpg)
Фудбалерите на Шпанија се пласираа во полуфиналето на Европското првенство откако во дерби натпреварот ја совлада Германија со 2:1.
Се играше брз и динамичен фудбал, без калкулации.
Имаше можности, многу картони, возбудувања и голови, а натпреварот беше решен во неизвесна завршница.
На крајот, Шпанија имаше повеќе среќа, но и повеќе вештина и по долг период на доминација на Германците и голем број на пропуштени шанси, успеа да го повтори успехот од претходното ЕП и да се пласира меѓу најдобрите четири селекции.
Избраниците на Луис де ла Фуенте славеа со голот на Мерино во 119. минута од натпреварот.
Претходно Олмо ги доведе Шпанците во водство, Германците потоа напаѓаа како ураган.
Имаа шанси, ја погодија стативата, а преку Вирц во 88. минута го постигнаа заслуженото израмнување.
И во продолжението Германците беа подобри, поблиску до голот, Вирц имаше уште една голема шанса, Фулкруг беше неверојатен.
Шпанците имаа проблем со него, но Шпанците имаа човек на одлука во Мерино.
На една минута пред крајот на продолжението, на асистенција на Олмо, Мерино го направи најдобриот скок, и го матираше Нојер – на голема жалост на Германците во Штутгарт.
Судијата Ентони Тејлор покажа дури 16 жолти и еден црвен картон.
Свет
Се менува името на аеродромот во Милано: неговото име ќе биде Силвио Берлускони
![](https://makfax.com.mk/wp-content/uploads/2024/07/berluskoni.jpg)
Главниот аеродром во Милано наскоро ќе биде преименуван по поранешниот италијански премиер и бизнис тајкун, Силвио Берлускони, соопшти денеска министерот за транспорт Матео Салвини.
Берлускони, кој почина минатата година на 86-годишна возраст, водеше четири влади на чело на неговата централно-десничарска партија Форца Италија. Тој без сомнение беше една од италијанските личности од модерната ера која предизвика огромни раздори.
Салвини на конференција во јужна Италија изјави дека властите за цивилна авијација го одобриле барањето на регионот Ломбардија да го преименува аеродромот Малпенса во чест на Берлускони, кој потекнува од финансискиот главен град на земјата.
„Со оглед на тоа што конечната одлука е на министерот за транспорт, навистина верувам дека ќе биде спроведена“, изјави Салвини, лидер на десничарската партија Лига и долгогодишен сојузник на Берлускони.
„Во спомен на мојот пријател Силвио, голем бизнисмен, голем миланец и голем Италијанец“, напиша Салвини подоцна на социјалната платформа Х над фотографијата од Берлускони и аеродромот Малпенса.
Свет
Агенцијата на СЗО: Талкот во прав е веројатно канцероген
![](https://makfax.com.mk/wp-content/uploads/2024/07/bebeshka-pudra.jpg)
Агенцијата за рак на Светската здравствена организација (СЗО) денеска оцени дека талкот во прав е „веројатно канцероген“ за луѓето, но независен експерт вели дека тоа не треба да се сфати како нешто што служи како дефинитивен доказ.
Одлуката се заснова на „ограничени докази“ дека талкот во прав може да влијае на развојот на рак на јајниците кај жените, „доволно докази“ дека е поврзан со развој на рак кај стаорци и „силни механички докази“ дека постојат знаци на канцерогеност кај луѓето, објави Меѓународната агенција за истражување на ракот на СЗО (IARC) со седиште во Лион.
Талкот е природен минерал кој често се користи за правење бебешка пудра. Повеќето луѓе се изложени на талк во форма на бебешка пудра или козметика, се вели во соопштението на IARC.
Но, најголемата изложеност на талкот има во моментот кога се вади, преработува или се користи за правење други производи, се наведува во соопштението.
Можно е талкот во студиите да бил контаминиран
Треба да се напомене дека талкот е природен минерал кој се состои од магнезиум, силициум, калциум и кислород, а се карактеризира со благ земјен мирис. Не се раствора во вода, алкохоли или масла, што му дава посебни карактеристики и широка примена во козметиката.
Агенцијата во соопштението наведува дека постојат бројни студии кои постојано укажуваат на зголемена стапка на рак на јајниците кај жени кои користат или користеле талк во прав на гениталиите.
Во исто време, публикацијата не ја исклучува можноста дека талкот во некои студии бил контаминиран со азбест, кој е директна причина за рак.
Независен експерт: Ова не е убедлив доказ
Кевин Меконвеј, статистичар од британскиот Отворен универзитет, кој не бил вклучен во истражувањето, предупреди дека во случајот на проценката на IARC, „најочигледното толкување е всушност погрешно“. Тој посочува дека „целта на Агенцијата е да одговори на прашањето дали некоја супстанца има потенцијал да предизвика рак под услови кои не се специфицирани или специфицирани од IARC“.
Со оглед на тоа што спроведените студии беа набљудувачки, поради што не можеа да докажат причинско-последична врска, презентираните податоци не треба да се сфатат како нешто што може да послужи како дефинитивен доказ.
Најавата доаѓа само неколку недели откако американскиот фармацевтски и козметички гигант Џонсон и Џонсон се согласи да плати 700 милиони долари за конечно да ги решат обвинувањата дека ги заведувал клиентите за безбедноста на производите на компанијата базирани на талк.
Компанијата Џонсон и Џонсон не призна злоупотреба, иако го повлече производот од северноамериканскиот пазар во 2020 година.
Според резимето на студијата објавено во 2020 година, а студиите опфатиле 250.000 жени од Соединетите Држави, не била воспоставена статистичка врска помеѓу употребата на талк во прав на гениталиите на жените и ризикот од развој на рак на јајниците.
Ново предупредување од IARC: Акрилонитрилот е хемиско соединение кое е канцерогено за луѓето
Во петокот, IARC го класифицираше хемиското соединение акрилонитрил, кое се користи за производство на полимери, како „канцерогени за луѓето“ – највисокото ниво на предупредување на агенцијата.
Има „доволно докази“ кои го поврзуваат акрилонитрилот со развојот на рак на белите дробови.
Полимерите составени од акрилонитрил се користат за правење разни предмети – од влакна во облеката до теписи, пластика и други производи за широка потрошувачка.