Свет
Во Штип вистинска војна за „Македонка џинс"
Дисквалификуван штипскиот конзорциум ВИТ, во игра останува турската компанија „Јаја Мезлер"
Дисквалификуван штипскиот конзорциум ВИТ, во игра останува турската компанија „Јаја Мезлер"
ШТИП – Одборот на доверители на АД „Македонка џинс" во стечај, најзачуваното друштво од некогашниот гигант на македонската текстилна индустрија „Македонка" – Штип, на завчерашната седница, разгледувајќи ги класификационите документи, донесе одлука за дисквалификација на штипскиот конзорциум ВИТ, составен од четири текстилни претпријатија. Одборот на доверители констатирал дека понудата на овој конзорциум не била во согласност со упатствата и како таква таа е невалидна. Со тоа, во понатамошна постапка за добивање на овој капацитет останува само турската компанија „Јаја Мезлер", чија понуда била во согласност со упатствата на јавниот тендер.
На дисквалификацијата вчера жестоко реагираа членките на штипскиот конзорциум. Тие сметаа дека станува збор за нечесни игри, пред сж, на стечајниот управник Димитар Аџиев, за кого рекоа дека претпоставуваат дека има свои интереси.
„Ако нешто недостасуваше во нашата документација, тогаш стечајниот управник согласно со законот имаше обврска документите кои недостасуваат да ги побара во рок од една недела од нивното отворање. Тој не го направи тоа и мислиме дека во тој негов чин има тенденција за наша предвремена елиминација. Ние сме сериозни менаџери на успешни компании, на ист начин учествуваме на тендерот за купување на модната конфекција ’Астибо‘, па откако станавме нејзини стратегиски инвеститори, таму обезбедивме работа за над 1.300 работници", изјавија Венцо Филипов и Владо Нетков.
Во известувањето за причините поради кои овој конзорциум е дисквалификуван стои дека подигнала тендерска документација и извршила уплата на тендерскиот депозит фирмата ВИТ, која е во сопственост на бизнисменот Венцо Филипов. Но, наместо понудата за учество на тендерот во свое име и за своја сметка да ја даде ВИТ, таа била дадена од „Џинс Деним конзорциум", односно од четирите друштва кои го сочинуваат: ВИТ, „Нов тренд", „Модена" и „Максима".
Стечајниот управник Димитар Аџиев ги отфрла обвинувањата упатени од членовите на конзорциумот. Според него, тие самите се виновни за дисквалификацијата.
„Не може една фирма да подигне тендерска документација, а друга фирма, со истата документација, да достави понуда за учество на тендер. Точно е тоа дека како стечаен управник имам обврска да ги информирам учесниците да набават некој документ ако таков фали во документацијата, но само ако односната фирма ги почитувала законските обврски при пријавувањето на тендерот. Одборот на доверители ја елиминира фирмата ВИТ која подигна тендерска документација, но не учествуваше на тендерот. Согласно со законот, конзорциумот не е учесник во тендерот, бидејќи тој и не подигнал тендерска документација. Според тоа, вината за нивната дисквалификација тие треба да ја бараат кај себе.
И додека членовите на конзорциумот тврдат дека ќе ги искористат сите правни можности за да докажат дека нивната дисквалификација била незаконска, Димитар Аџиев тврди дека постапката ќе продолжи да тече според законот.
„Турската компанија е единствената која остана во игра и наскоро ќе биде отворена финансиската понуда со бизнис-планот. Очекуваме процесот да се заврши до крајот на месецов, кога Собранието на доверители ќе донесе конечна одлука", ни изјави Аџиев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Фицо: Борис Џонсон се бореше за да продолжи војната, зеде милион фунти од производителите на оружје
Поранешниот британски премиер Борис Џонсон имал финансиски интерес од продолжување на конфликтот во Украина, изјави словачкиот премиер Роберт Фицо.
Зборувајќи во парламентот на Словачка во четвртокот, Фицо, како што пренесуваат медиумите, се осврна на неодамнешните извештаи во британскиот печат што го поврзуваат Џонсон со бизнисменот Кристофер Харборн, чие портфолио вклучува производство на оружје. Харборн наводно му донирал 1 милион фунти (1,34 милиони долари) на Џонсон откако ја напуштил функцијата на крајот од 2022 година и го придружувал на најмалку една посета на Киев следната година.
„Борис Џонсон се борел за да продолжи војната. Потоа зел милион фунти од производителите на оружје“, рече Фицо. „Тој не сакал да ја заврши војната затоа што знаел дека има пријател кој ќе му даде пари, а за возврат ќе му помогне со оружје во Украина“.
Словачкиот лидер додаде дека „многу луѓе заработиле огромни пари“ од конфликтот, додека Украинците „беа и се главните жртви на оваа војна“.
Фицо го спомена и поранешниот француски претседател Никола Саркози, водечки поддржувач на интервенцијата на НАТО во Либија во 2011 година. Во септември, Саркози беше осуден на пет години затвор за нелегално финансирање на кампањата поврзано со донации од либискиот лидер Моамер Гадафи, кој беше соборен од власт и погубен за време на интервенцијата на НАТО.
Фото: принтскрин
Свет
(Видео) Трамп најави намалување на цената за Оземпик
Американскиот претседател Трамп вчера изјави дека цената на најпродаваниот лек за слабеење на компанијата „Ново Нордиск“ ќе биде намалена, а се очекува преговорите да бидат брзи, како и за лековите за плодност.
Трамп го објави ова во Белата куќа за време на настан за третмани за плодност и цени на лекови. Новинарите го прашаа да го именува лекот за кој рече дека ќе биде поевтин.
Q: "You mentioned a $1,300 drug?"
Trump: "Ya, I was referring to Ozempic, or the fat loss drug."
Q: "Those are going to be $150 out of pocket?"
Trump: "They'll be much lower."
Dr. Oz, interjecting: "We have not negotiated those yet…Ozempic has not been negotiated yet." pic.twitter.com/IlmCexTJL9
— The Bulwark (@BulwarkOnline) October 16, 2025
„Мислев на Оземпик, или – мислев – на лекот за слабеење?… Ќе биде многу поевтин“, рече Трамп.
Трамп рече дека планот на неговата администрација ќе ја намали цената на лекот од 1.300 долари на 150 долари. Оземпик има каталошка цена од околу 1.000 долари за месечна залиха, но „Ново Нордиск“ го продава директно на клиенти кои плаќаат во готово за 499 долари за месечна залиха.
Трамп, исто така, рече дека цената на лековите за ин витро оплодување исто така ќе биде намалена. „Со задоволство објавувам дека компанијата Емд Сероно се согласи на значително намалување на цените на лековите за плодност што се продаваат во Соединетите Држави“, рече тој.
фото: принтскрин
Европа
Путин го свика Советот за безбедност на Русија по разговорите со Трамп
Рускиот претседател Владимир Путин свика состанок на моќниот Совет за безбедност на Русија по телефонскиот разговор со американскиот претседател Доналд Трамп, објавија денес руските новински агенции, повикувајќи се на помошникот на Кремљ, Јуриј Ушаков.
Според Ушаков, Путин детално ги информирал членовите на Советот за безбедност за разговорот со Трамп.
Трамп и Путин се согласија во четврток да одржат уште еден самит за војната во Украина, изненадувачки потег што дојде откако најавата за нова американска воена поддршка за Киев предизвика загриженост во Москва.
Во Русија, Советот за безбедност е клучно тело за донесување одлуки за најважните прашања за националната безбедност на Русија.
фото: принтскрин
(Фото) Министерот за здравство се вакцинираше против грип: Апелирам граѓаните навреме да се заштитат
Министерот за здравство, Азир Алиу денеска го посети одделението за епидемиологија во Гостивар, каде и тој прими вакцина против сезонски...
(Видео) Русија: Нападнавме украински аеродром каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп-Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади „томахавки“ на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин, ја споменал можноста Украина...
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“
Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење...
Дописник на Би-би-си: Заборавете на „томахавките“, состанокот Трамп – Путин е ладен туш за Украинците
Доналд Трамп повторно се обидува да ги комбинира дипломатијата и политиката на моќ – овој пат помеѓу Москва и Киев....
Шукова: Време е за резултати, уреден Бутел, нови паркови, подобар превоз и вода за сите
Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека...
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
