Свет
Агрон Бајрами испумпал 800.000 евра од Министерството за економија

Владата на Бучковски пред заминување е во паника, откако Агрон Бајрами, поранешен сопственик на струшката пилана „Караорман“, минатата недела испумпал 800.000 евра од државниот буџет, дознава „Време“.
УШТЕ ЕДНО СОМНИТЕЛНО ПРАЗНЕЊЕ НА ДРЖАВНИОТ БУЏЕТ
Мирче Котевски
Владата на Бучковски пред заминување е во паника, откако Агрон Бајрами, поранешен сопственик на струшката пилана „Караорман“, минатата недела испумпал 800.000 евра од државниот буџет, дознава „Време“. Неговиот судски извршител пратил налог за извршување со кој парите преку три трансакции биле извлечени од сметката на Министерството за економија, а на државно конто е создадена огромна и непланирана финансиска дупка.
Парите од Министерството за економија пред неколку дена биле префрлени на сметката на судскиот извршител Алберто Ребула, а веќе наредниот ден тој ги проследил кај својот клиент. Сите во Владата и во Министерството за економија потврдија дека 800 илјади евра веќе се во рацете на физичко лице, а министерот за економија Бесими за случајот вчера итно ја информирал Владата во заминување.
Приказната почнала пред 11 години кога Бајрами од Агенцијата за приватизација ја купил фирмата во стечај „Караорман“. По затворањето на стечајната постапка, во 1996 година Бајрами почнал да работи со струшката пилана, но речиси шест години подоцна општината Струга му ги замрсила сметките откако судски докажала дека таа е сопственик на имотот на пиланата, а не е државата преку Агенцијата за приватизација. Откако во 2001 година, Бајрами сфатил дека ќе има имотно-правни проблеми со општината и тешкотии во управувањето на фирмата, решил да ја тужи Агенцијата за приватизација дека таа му продала фирма со спорна сопственост и побарал државата да му ги врати парите. Иако проценетиот капитал на „Караорман“ изнесувал околу 3 милиони тогашни германски марки, тој, за да стане сопственик, платил само 1,5 милион марки. Сепак, во 2002 година Основниот суд во Скопје ја отфрла тужбата на Бајрами со образложение дека е застарено побарувањето. Сепак, Апелацискиот суд во ноември лани донел одлука Агенцијата за приватизација да му врати на Бајрами точно 786.355,66 евра врз основа на раскинувањето на договорот за продажба на „Караорман“. По законското згаснување на Агенцијата за приватизација од пред две години нејзиниот имот, надлежностите, правата и обврските беа распределени кај Министерството за економија, Министерството за финансии, ПИОМ и кај Јавното претпријатие за станбен и деловен простор. Така, токму ресорот на Бесими бил тој што морал да ја исплати огромната сума на Бајрами.
За извршителот Ребула не е спорно дека државата морала да ги исплати парите, туку проблемот што настанал во државните институции бил кое министерство да го направи тоа. Доколку не се постапело по налогот, сметката на Министерството за економија веднаш ќе била блокирана.
Во Министерството за економија се правдаат дека немале никаков правен лек или инструмент за да го спречат одлевањето на парите. Со налозите за извршување и со новиот Закон за судско извршување, кој стапи во сила во мај годинава, велат високи владини функционери, допрва може државата да има огромни проблеми бидејќи случаи што се влечеле една деценија сега може да го испразнат буџетот. Владата констатирала дека во септември државната каса ќе мора да претрпи ребаланс, а Министерството за правда да врши надзор на судскиот извршител во случајот. Јавното правобранителство побарало Врховниот суд итно да изврши ревизија на целата судска постапка.
Барјамисезадолжувалзадагокупи „Караорман“
Во текот на процесот на приватизација Бајрами за да ја откупи фабриката зел поголема сума заем кај повеќе физички лица. Најголемиот изнесувал 300.000 долари. По приватизацијата Бајрами не можел да ги врати долговите, по што почнал да ги распродава машините. Пропаѓањето на АД „Караорман“ продолжи во 2000 година кога Основниот суд од Струга донел пресуда во корист на општината Струга, со која и се признава правото на сопственост на недвижниот имот на фирмата. Во 2002 година повторно е отворена стечајна постапка, по што биле утврдени побарувањата на тогашните доверители. Сепак, стечајната постапка била запрена поради немање средства за намирување на побарувањата на доверителите. Фирмата АД „Караорман“ од Струга е избришана од судскиот регистар.
Таму беа вработени околу 200 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
По пет дена потрага уапсен мажот, осомничен за убиството на својата сопруга и дете во Босна и Херцеговина

Емир Селимовиќ, 38-годишен маж осомничен за убиство на сопругата и синот во Калесија, кај Тузла во Босна и Херцеговина, е уапсен по петдневна потрага, јавува порталот АТВ.
Припадниците на МВР на Република Српска го пронашле во селото Горња Мравица кај Прњавор, каде во четвртокот било откриено и неговото возило. Според неофицијални информации, Селимовиќ бил забележан од мештаните и веднаш ја известил полицијата, по што набрзо бил уапсен.
Телата на неговата сопруга Инела Селимовиќ (37) и нивниот тринаесетгодишен син беа пронајдени на 12 февруари во нивниот заеднички стан во Калесија. Се верува дека Емир Селимовиќ ги задавил.
По убиството, Селимовиќ побегнал со автомобил „шкода фабија“. Автомобилот подоцна бил пронајден во селото Горња Мравица кај Прњавор, но осомничениот се уште бил во бегство. Според извештаите, Селимовиќ бил виден на камерите во Челинац кај Бања Лука за време на неговото бегство.
По опсежна потрага бил лоциран и уапсен во село Горња Мравица.
Свет
Лавров денеска оди во Саудиска Арабија: Русија ги потврди разговорите со САД за Украина

Двајца високи руски функционери ќе отпатуваат во Саудиска Арабија за да се сретнат со нивните колеги од САД, потврди Кремљ.
Рускиот министер за надворешни работи Сергеј Лавров и Јуриј Ушаков, советник за надворешна политика на претседателот Владимир Путин, во понеделник патуваат за Ријад, изјави портпаролот на Кремљ, Дмитриј Песков.
Се очекува дуото да се сретне со американскиот државен секретар Марко Рубио и со Кит Келог, специјалниот пратеник на Вашингтон за Украина и Русија, за да се подготват за мировните преговори за Украина.
Зближувањето на Трамп со Русија ја зголеми загриженоста во Украина и Европа дека Вашингтон би можел да се трка за да обезбеди мировен план со кој ќе отстапи дел од украинската територија со мало учество на Киев или неговите европски сојузници.
Ниту украински, ниту европски претставници не учествуваат на разговорите во саудискиот главен град Ријад, иако Рубио во неделата истакна дека и Украина и Европа ќе треба да бидат вклучени во какви било „преговори“ што ќе произлезат од состанокот.
Европа
Рубио: Европа и Украина ќе бидат вклучени во вистински мировни преговори

Американскиот државен секретар Марко Рубио во интервју за Си-би-ес изјави дека Украина и Европа ќе бидат вклучени во какви било вистински преговори со цел да се стави крај на војната меѓу Русија и Украина.
Рубио ја минимизираше европската загриженост дека тие би можеле да бидат исклучени од претстојните мировни преговори меѓу Русија и САД, кои ќе се одржат во Саудиска Арабија во наредните денови. Тој нагласи дека преговарачкиот процес се уште не е започнат сериозно, но доколку разговорите продолжат, ќе бидат вклучени Украина и европските земји.
Рубио потсети дека американскиот претседател Доналд Трамп разговарал со рускиот претседател Владимир Путин минатата недела. За време на тој разговор, Путин изрази интерес за мир, додека Трамп јасно стави до знаење дека сака траен договор што го обезбедува суверенитетот на Украина.
„На крајот на краиштата, ако ова се вистински преговори – а ние сè уште не сме во тој момент – Украина ќе мора да биде вклучена бидејќи таа е нападната, а Европејците ќе мора да учествуваат бидејќи тие се оние кои воведоа санкции кон Путин и Русија“, рече Рубио.
„Еден телефонски повик не носи мир“, додаде тој, истакнувајќи дека следните неколку недели ќе бидат клучни за проценка на сериозноста на овие разговори.
На прашањето дали разговарал за укинување на санкциите кон Русија за време на телефонскиот разговор со рускиот министер за надворешни работи Сергеј Лавров во саботата, Рубио одби да даде јасен одговор. Но, рече дека разговарале за тешките услови под кои работи американската амбасада во Москва.
Тој додаде дека функционалните амбасади во двете земји се клучни за напредок во мировниот процес.