Свет
Министерството бара итно прифаќање, Фондот одложува
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2120.jpeg)
Министерството за здравство инсистирало новата позитивна листа да биде прифатена на седницата на Управниот одбор на Фондот за здравствено осигурување, која би требало да се одржи идната среда, велат извори за „Време“.
ПРИТИСОЦИ ЗА ДОНЕСУВАЊЕ НА ПОЗИТИВНАТА ЛИСТА
Министерството за здравство инсистирало новата позитивна листа да биде прифатена на седницата на Управниот одбор на Фондот за здравствено осигурување, која би требало да се одржи идната среда, велат извори за „Време“.
Од Фондот признаваат дека има притисоци, но велат дека ниту едно решение нема да помине на Управен одбор ако тоа не биде оправдано.
– Усвојувањето на новата позитивна листа нема да оди брзо, без разлика на притисоците кои секојдневно ги имаме. Стручните служби во Министерството се уште ја прават процената на финансиската издржливост на листата и додека таа не биде завршена, нема да дозволиме листата да се усвои – велат од Управниот одбор на Фондот.
Претставниците на Светската банка во неколку наврати ја советувале Владата да го одложи усвојувањето до септември и експертите дополнително да ја разгледаат листата, бидејќи според нивните анализи, малиот буџет не бил во можност да го издржи финансискиот товар од позитивната листа.
Од ВМРО-ДПМНЕ велат дека ако позитивната листа биде усвоена пред да биде изгласана новата влада, тие ќе побараат нејзина ревизија.
Новата позитивна листа, која веќе неколку месеци чека одобрување од Фондот за здравствено осигурување, тежи повеќе од 50 милиони евра и е оптоварена со скапи лекови кои според експертите не можат да си ги дозволат ниту граѓаните, ниту здравствениот систем. Вака составена позитивната листа може многу реално да доведе до банкрот на Фондот за здравствено осигурување, тврдат тие.
На предлогот на Министерството за здравство, позитивната листа е прошири за 130 нови генерики на лекови. Предложени биле препарати што се продаваат и по цена од 2.000 до 3.000 евра.
– Доколку позитивната листа се усвои во овој период, трошоците ќе паднат врз грбот на новата влада. Освен тоа, вака предложената позитивна листа само ќе им влее надеж на болните дека ќе им се обезбедат права што населението реално нема да може да ги оствари – велат експертите.
Според извори од Министерството, голем дел од лековите на новата листа биле ставени под притисок на веледрогериите, а списокот на препарати дополнително бил проширен со лекови што не биле предложени од комисијата за подготвување на позитивната листа.
Експертите во Фондот за здравство треба да направат анализи и да утврдат дали има пари за сите лекови кои се предложени на позитивната листа.
Официјално од Министерството за здравство се правдаат дека со предлог-листата се обезбедува оптимална опција за лекување на сите заболувања опфатени со Упатствата за практикување медицина заснована на докази. Предлог-листата на лекови, велат тие, е отворена за промени и ќе се ревидира на секои шест месеци.
А. Г.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.