Околу 2,6 милиони луѓе годишно умираат од ненамерни грешки во амбулантите и болниците низ светот, се вели во анализата на Светската здравствена организација објавена по повод Светскиот ден за безбедност на пациентите.

Четворица од десет пациенти доживуваат некој вид штетни последици во амбулантите и болниците, а 134 милиони штетни реакции на лекови се регистрираат секоја година во болниците во средно развиените и неразвиените земји.

Според епидемиолошките податоци, ненамерната штета кај пациентите поради грешка во текот на лекувањето во болниците се појавува кај осум од 12 отсто од хоспитализираните пациенти. Големиот број такви случаи може да се спречи, порачува Светската здравствена организација, која започнува кампања за подигнување на свеста за безбедноста на пациентите и создавање сигурна здравствена заштита.

За сигурна здравствена заштита, според нив, потребно е добра организација, вработување квалификувани здравствени работници и ефикасно вклучување на пациентите во грижата за сопственото здравје со оглед на фактот дека анкетите укажуваат на недоволно или проблематично ниво на здравствена писменост речиси на половина од анкетираните Европејци.

Речиси 60 отсто од анкетираните веднаш по посетата на лекар не ги разбираат упатствата за земање на препишаниот лек, а во Европската Унија просечно 548 луѓе дневно умираат поради неправилно земање лекови.

Албанец од Косово, Агим Сиљејмани (50), кој веќе неколку години живеел во Швајцарија, е уапсен во албанскиот пристаништен град Драч со 11 килограми хероин. Според косовските медиуми, дрогата е пронајдена во неговиот автомобил за време на контролата на граничната полиција. Како што наведуваат медиумите, граничната полиција, користејќи кучиња за откривање дрога, успеала да ги пронајде наркотичките супстанци сокриени во автомобилот.

За време на деталната проверка на автомобилот, на местото каде што се наоѓала резервната гума полицијата пронашла 25 пакети хероин со тежина од 11 килограми. Возилото било преправано во Косово, каде што му бил направен посебен простор. Дел од хероинот бил скриен во овој простор, а остатокот внатре во резервната гума.Уапсениот со ова возило вчера тргнал од Косово, а денеска од Драч со траект сакал да замине за Италија.

Во еден од најголемите светски центри за истражување на вирусите во Сибир избил пожар откако се случила експлозија. Огнот набрзо бил изгаснат по интервенцијата на 38 пожарникари кои пристигнале со 13 противпожарни возила.

Според „Раша тудеј“, центарот лоциран во Колтсово, оддалечен неколку километри од Новосибирск, е познат по тоа што во него се чуваат примероци на ебола, ХИВ, антракс и други вируси. По експлозијата, огнот го зафатил рускиот истражувачки центар за вирусологија и биотехнологија познат како „Вектор институт“.Лабораторијата е позната по тоа што развива вакцини против ебола и хепатитис, како и по проучување на епидемии и општи проблеми на имунологијата.