БИТОЛА – Против Дејан Ристевски, в.д. директор на Клиничката болница во Битола, полицијата вчера поднесе кривична пријава за оштетување и повластување доверители. Кривични пријави, наедно, се поднесени и против Клиничката болница како правно лице, второпријавена, и против Томислав Георгиевски, директор на Здравствениот дом во Битола, кој се товари за злоупотреба на службата и овластувањето.

БИТОЛА – Против Дејан Ристевски, в.д. директор на Клиничката болница во Битола, полицијата вчера поднесе кривична пријава за оштетување и повластување доверители. Кривични пријави, наедно, се поднесени и против Клиничката болница како правно лице, второпријавена, и против Томислав Георгиевски, директор на Здравствениот дом во Битола, кој се товари за злоупотреба на службата и овластувањето.

Според истрагата на битолската полиција, директорот Ристевски во јуни годинава, знаејќи дека болницата не е во можност да ги намирува долговите кон своите доставувачи, со претходна одлука на Управниот одбор дал на Берза 2.473 акции на болницата кои таа ги поседувала како основен влог во банка во Битола. На брокерската куќа ч наредил парите од акциите во висина од 23 милиони денари со цесија да ги префрли на осум фирми кои, сепак, немале приоритет во наплатата. Со тоа ги оштетил оние доставувачи и фирми кои веќе ја тужеле болницата за ненаплатените побарувања. Директорот Ристески, покрај ова, се договорил со својот колега Георгиевски со анекс-договор дел од акциите од Здравствениот дом да ч ги отстапи на болницата, со што и Георгиевски направил злоупотреба.

„Кривичните пријави против двајцата директори веќе се доставени до Основното јавно обвинителство и работиме на случајот", изјави Ристо Пашовски, заменик-обвинител. Истражниот судија Слободанка Баковска рече дека до вчера попладне во истрагата не стасал случајот со Ристевски, а и покрај пријавите не е одредена мерка притвор. (Б.Т.)