Свет
СДСМ и ВМРО-ДПМНЕ пред тужби
И двете партии во првичните извештаи избегнаа да дадат точен приказ на донаторите на изборната кампања
ДИК БАРА тоЧен ПОПИС НА ПАРТИСКИТЕ ФИНАНСИЕРИ
И двете партии во првичните извештаи избегнаа да дадат точен приказ на донаторите на изборната кампања
СДСМ и ВМРО-ДПМНЕ ќе мора да ги објават луѓето и фирмите што им дале пари за предизборната кампања или ќе добијат прекршочни пријави, најави Државната изборна комисија.Членовите на ДИК вчера извештаите на двете најголеми партии ги оценија како нецелосни и побараа да добијат точни информации за донаторите и за парите потрошени во кампањата.
Во извештајот што СДСМ од името на коалицијата „За“ го достави до ДИК, Собранието и до Државниот завод за ревизија, само е посочено дека од спонзорства и донации собрале околу 862 илјади евра, без да открие од каде стигнале тие пари. ВМРО-ДПМНЕ објави само дел од финансиерите, но „непокриени“ останаа околу 980.000 евра.
Според Изборниот законик, партиите се должни во рок од 30 дена од верификацијата на мандатите да достават извештај за вкупната сума потрошена во изборната кампања, изворите на финансирање и за направените трошоци.
Генералниот секретар на СДСМ Никола Ќуркчиев тврди дека партијата ги доставила имињата на финансиерите до Државниот завод за ревизија, поради што оцениле дека не е неопходно да го пријават тоа и во ДИК.
– Ако ДИК побара, ќе пратиме извештај и за донаторите. Целата документација за финансиското работење на СДСМ за предизборната кампања веќе го доставивме до Заводот за ревизија, така што нема да биде проблем да го доставиме и до ДИК – вели Ќуркчиев.
Во ВМРО-ДПМНЕ вчера никој не сакаше да ја коментира одлуката на ДИК, ниту да каже дали ќе ги објави имињата на сите донатори.
Во првичниот извештај што оваа партија го достави е посочено дека партијата за кампањата потрошила 77.068.466 денари, односно 1.262.000 евра. Парите ги обезбедиле од 86 приватни донатори и од приватната фирма „Изолација“. Кога ќе се соберат сите приватни донации, излегува дека по таа основа партијата собрала само 283.172 евра. За тоа како е добиен остатокот од околу 980.000 евра, кои се потрошени за кампањата, во извештајот не е посочено ништо.
СДСМ од името на коалицијата „За“ извести само дека од спонзорства и донации собрале 52,6 милиони денари, односно околу 862 илјади евра, без да се спомене од каде им се парите. Соопштено е само уште дека расходите за изборите биле 52,5 милиони денари, односно околу 862 илјади евра.
Дополнителни податоци за изворите за финансирање треба да достават и ДПА, ВМРО-НП, ДОМ, ПЕО, ПЕИ, ТМРО, Националната алтернатива и Социјалдемократската партија.
ДИК вчера одлучи да поднесе прекршочни пријави до 11 помали партии, бидејќи воопшто не поднесле финансиски извештаи. Меѓу нив се и Демократската алтернатива, Земјоделската народна партија, Демократската партија на Македонците од Тетово, како и групите избирачи што ги поддржаа кандидатите Панчо Минов и Ќирчо Ташков. Казната е од 200.000 до 300.000 денари за фирми, а за граѓани од 20.000 до 50.000 денари.
Прекршочни и за телевизии
ДИК ќе поднесе прекршочни пријави против МРТВ, А1, Сител, Алсат, Артан, Охрид и Орбис, бидејќи во предизборната кампања не известувале подеднакво за сите партии. Со опомена ќе поминат телевизија Шутел од Скопје и една телевизија од Прилеп, бидејќи направиле помали пречекорувања. Пријавите ДИК ќе ги поднесе врз основа на информација од Советот за радиодифузија.
(Т.П.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.