Свет
Владата ја протера турската болница од „Панорама“
Државата го избрка од локацијата на Водно турскиот инвеститор кој требаше да гради болница на местото на хотелот „Панорама“. Како утешно решение кое новата Влада сега му го нуди на странскиот инвеститор е нова локација и тоа во населбата Пролет.
Државата го избрка од локацијата на Водно турскиот инвеститор кој требаше да гради болница на местото на хотелот „Панорама“. Како утешно решение кое новата Влада сега му го нуди на странскиот инвеститор е нова локација и тоа во населбата Пролет. За оваа понуда вицепремиерот Зоран Ставрески на новогодишната средба со новинарите рече дека веќе било разговарано со претставникот на турската болница „Универзал хоспитал груп“. За понудата на Владата, пак, како што вели претставникот на турската групација, Јуксел Чалишкан, досега нема слушнато.
Старата локација за турската болница, најверојатно, се напушта, зашто на новата Владата и’ било прекомплицирано да го реши проблемот што се појави околу реализацијата на турскиот проект поради патот до ургентниот центар. На локацијата на Водно се измешале повеќе работи, што се продавало и кому, како и колку сето тоа е согласно со урбанистичкиот план на Општината.
Направени се неколку грешки и од страна на инвеститорот и од страна на Општината, објасни потпретседателот Ставрески, кои, според него, тешко дека ќе може да се исправат. „Инвеститорот не погледнал во урбанистичкиот план добро што купува, а слични пропусти направила и Општина Центар“, вели Ставрески и додава дека се продавало земјиште тогаш кога не било предвидено за продажба, за подоцна да се издадат дозволи за градба со кои веќе се навлегло во патот, што болницата го планирала за ургентниот центар. Основна причина поради која настанал проблемот, според Ставрески, е тоа што при сите овие продажби на земјиштето и издавање дозволи за градба не се гледал Деталниот урбанистички план. Но, бидејќи станува збор за сериозен инвеститор кој и натаму е заинтересиран за градба на болница во Скопје, понудена му е нова локација. „Би сакал да му помогнеме и да овозможиме да гради зашто станува збор за капитален проект, од кој корист ќе имаат и пациентите, кои ќе добијат квалитетни услуги, но и државата за намалување на невработеноста“, вели Ставрески.
По купувањето на „Панорама“, хотелот беше соголен до темел зашто инвеститорот планираше да гради болница според најсовремени медицински стандарди и опрема на Водно. Но, тука застанаа работите околу болницата, зашто во меѓувреме на патот кој беше предвиден со проектот за ургентниот центар се вмеша приватната болница „Систина“ на семејството Камчеви со своја локација. Подоцна излезе дека се издавани дозволи за градба на приватни куќи кои, исто така, влегле во делот на патот. И поради сите овие измешани работи, повеќе од две години турскиот инвеститор не правеше ништо и работите за болницата заглавија.
Овој проблем не успеа да го реши ни претходната власт, која не ги расчисти замрсените конци на спорната локација, а оваа власт, како што стојат работите, не се ни обиде да ги отплетка. Најлесно им беше на инвеститорот да му се понуди нова локација за да не избега од земјава.
На претставникот на турската групација, Јуксел Чалишкан, не му е воопшто познато дека Владата му нуди нова локација. Тој тврди дека пред Нова година разговарал за нивниот проблем во Владата, но дека воопшто не станало збор за нова локација. Во врска со тоа дали ќе ја прифатат новата понуда, Чалишкан вели дека сам не може да одлучи додека не се консултира со базата на „Универзал хоспитал груп“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Туск: Нападот со беспилотни летала врз Полска не беше грешка и ние го знаеме тоа
Полскиот премиер Доналд Туск денес изјави дека упадот на руски беспилотни летала во воздушниот простор на неговата земја не бил грешка.
„И ние би сакале нападот со беспилотни летала врз Полска да беше грешка. Но, не беше. И ние го знаеме тоа“, рече Туск во објава на социјалната мрежа „Икс“.
Коментарот на Туск дојде како одговор на изјавата на претседателот на Соединетите Американски Држави, Доналд Трамп, дека руската инвазија на Полска со беспилотни летала можеби била грешка.
„Можеше да биде грешка, но без оглед на тоа, не сум среќен за ништо што има врска со целата оваа ситуација. Се надевам дека ќе заврши“, изјави Трамп пред новинарите во Белата куќа, пренесува „Танјуг“.
Полска побара од своите сојузници дополнителни системи за воздушна одбрана и технологија против беспилотни летала за подобро да се заштити од руските упади по инцидентот претходно оваа недела, во кој беспилотни летала што преминуваа на нејзина територија од Украина и од Белорусија беа соборени од силите на НАТО.
Фото: принтскрин
Свет
(Видео) Студентот што го постави последното прашање на Кирк пред да биде убиен испрати порака до оние што го слават убиството
Студент на Универзитетот „Јута Вали“, кој му го постави на Чарли Кирк последното прашање пред да биде убиен конзервативниот активист, проговори за пукањето.
Хантер Козак, студент по математика на Универзитетот, објави видео на социјалните мрежи реагирајќи на веста, поточно на неговата улога во последните моменти на Кирк. „Не знам како да го направам ова видео. Беа тешки 24 часа. Јас бев последната личност што разговараше со Чарли Кирк“, рече Козак.
Козак го праша Кирк дали знае колку трансродови Американци се одговорни за масовни пукања во изминатата деценија, на што Кирк одговори: „Премногу“.
Студентот одговори дека бројот е само пет, а потоа го праша Кирк дали знае колку масовни пукања имало во Соединетите Американски Држави во изминатата деценија. Кирк возврати со прашање: „Дали го броиме насилството на бандите?“ Неколку секунди подоцна, тој беше застрелан и убиен.
The man who asked Charlie Kirk the tr*nsgender question before he was shot breaks his silence.
“The point I was trying to make is how peaceful the left was (long pause) right before he got shot.” pic.twitter.com/NkF6yqsr6B
— Vigilant Fox 🦊 (@VigilantFox) September 11, 2025
Обраќајќи им се на оние што го славеа пукањето, Козак рече: „Првин на сите, вие болни ебани психопати, кои мислите дека ова е одговорот, не е. Не знам што друго да кажам. Ужасно е, децата се без татко. Чарли имаше две деца и жена“.
„Не сакам ова да биде за мене, но имам две деца и жена, и ако моето едногодишно момче, како и неговото едногодишно момче, порасне без сеќавање на својот татко, тоа е трагедија и тешко е да се справите со тоа“, нагласи тој.
„Луѓето очигледно укажаа на иронијата дека пред да биде застрелан се обидував да ја истакнам поентата колку е мирољубива левицата, а тоа има смисла само ако останеме мирољубиви“, тврди Козак.
„Колку и да не се согласувам со Чарли Кирк, јавно признавам колку не се согласувам со Чарли Кирк, но тој е сепак човечко суштество. Дали го заборавивме тоа?“, праша тој.
фото: принтскрин
Свет
Полскиот шеф на дипломатијата: Путин му се потсмева на Трамп, време е тој да сфати
Полскиот министер за надворешни работи Радослав Сикорски изјави дека „крајно време е претседателот Трамп да сфати дека Путин му се потсмева“. Во интервју за американската јавна телевизија PBS, Сикорски рече дека наместо примирје и сериозни мировни преговори, кои се очекуваа пред самитот на Алјаска, Русија испрати уште повеќе беспилотни летала – првин во Украина, а сега и во НАТО.
Неговата изјава доаѓа откога американскиот претседател Доналд Трамп инцидентот со руските беспилотни летала што влегоа длабоко во полскиот воздушен простор завчера го нарече грешка.
Трамп: Тоа можеше да биде грешка
„Немам ништо добро да кажам за целата ситуација, се надевам дека ќе заврши, но можеше да биде грешка“, им рече Трамп на новинарите, според „Киев пост“. Неговата изјава предизвика негодување во Полска и меѓу европските сојузници, кои ги оценија беспилотните летала како намерна провокација и нова ескалација на војната.
Сикорски кратко напиша на социјалните медиуми: „Не, тоа не беше грешка“.
„Путин го тестира НАТО“
Аналитичарите предупредуваат дека нападот бил тест за алијансата. Пензионираниот полковник на американската армија Ричард Вилијамс за „Киев пост“ изјави дека нападот бил намерен и иницира прашања за политичката волја на НАТО: „Едно е да се има капацитет, друго е да се има волја да се одговори“.
Јуриј Бојечко од хуманитарната организација „Надеж за Украина“ рече дека Путин гледа слабост: „Поради Трамп, НАТО и САД изгледаат слабо. Путин неказнето преминува една црвена линија по друга“.
Фото: принтскрин
Комбето со работници паднало од мостот во реката: ОЈО изврши увид по тешката несреќа на експресниот пат Штип – Радовиш
Основното јавно обвинителство Штип изврши увид на лице место на експресниот пат Штип-Радовиш, каде комбе со петмина патници излета од...
ДУИ: Со амин на Бујаре Абази од „Вреди“, српска банка навлегува во сржта на финансискиот систем на Македонија
Демократската унија за интеграција изразува, како што велат, длабока загриженост во врска со потврдата на планот за навлегување на српскиот...
(Видео) Филипче до Мицкоски: Зошто не дозволувате декласификација за случајот со АНБ, јавниот интерес треба да е пред сè
Претседателот на Социјалдемократскиот сојуз на Македонија, Венко Филипче, на денешната седница за пратенички прашања го повика премиерот Мицкоски да одговори...
„Вардариште“ е обезбедено, останува „Дрисла“, проблемот ќе биде саниран за една недела, вели Мицкоски
Претседателот на ВМРО-ДПМНЕ, Христијан Мицкоски, во изјавата за промоција на изборната коалиција за претстојните локални избори на новинарско прашање во...
Тројца загинати и двајца повредени: тешка сообраќајна несреќа на експресниот пат Штип – Радовиш
Три лица загинаа а двајца се повредени, меѓу нив возачот на возилото кое денеска излета од патот Штип-Радовиш. Според МВР...
Се уште има чадење од Дрисла, но во помал обем, дивата депонија Вардариште е целосно изгасната, вели Ангелов
Чадењето од депонијата Дрисла е се уште присутно, но во многу помал обем и не е причина за маглата, вели...
(Видео) Огромен украински напад врз Русија: Москва е исто така цел, испратени десетици дронови
Масовен напад со беспилотни летала беше извршен ноќва во неколку региони во Русија, насочени кон Москва и Санкт Петербург, објавија...
(Видео) Венс ја држеше раката на ковчегот на Кирк додека војниците го качуваа во авионот
Ковчегот со телото на Чарли Кирк пристигна во неговата матична држава Аризона со „Air Force Two“. Уша, сопругата на американскиот...
Болсонаро осуден на 27 години затвор
Поранешниот бразилски претседател Жаир Болсонаро е осуден на 27 години и три месеци затвор за заговор за воен удар за...
Трамп: Вдовицата на Кирк е скршена, напаѓачот е левичарски лудак и животно
Американскиот претседател Доналд Трамп разговараше со новинарите на јужниот тревник на Белата куќа пред да полета за Њујорк. Фокусот на...
(Видео) Објавена првата снимка од осомничениот за убиството на Чарли Кирк
Објавено е првото видео од осомничениот за убиството на најистакнатиот американски десничарски активист Чарли Кирк, јавува Си-ен-ен. Видеото, објавено од...
Трагедија во Црна Гора: девојка од Србија се удави во близина на Тиват
Попладнево во морето кај Луштица, Црна Гора, нуркачи и членови на Пловечката единица безуспешно се обидуваа да го пронајдат и...
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа...
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
