Свет
Судските реформи закочени во Собранието
Судските реформи се закочени поради тоа што се уште не е комплетиран судскиот совет, реагираше вчера Министерството за правда.
БАДЕНТЕРОВО МНОЗИНСТВО
Судските реформи се закочени поради тоа што се уште не е комплетиран судскиот совет, реагираше вчера Министерството за правда. Собранието се уште не ги избрало петте члена што ги предложија комисијата за избори и именувања и претседателот на државата, затоа што не може да обезбеди Бадентерово мнозинство.
Додека не се изберат овие пет члена, не може да се избере ниту претседател на судскиот совет, ниту да се формира новиот Апелациски суд во Гостивар, ниту пак Основниот суд Скопје 1 да се трансформира во кривичен, а „двојката“ во граѓански суд.
– Судските реформи не смеат да се кочат од некои помали политички партии. Тој пропуст мора да се надмине, а Министерството за правда со загриженост гледа на овие состојби – вели Михајло Маневски, министер за правда.
Тој се надева дека на собраниската седница што ќе се одржи во вторник, конечно ќе се изберат петте членови што ги предложија собраниската комисија и претседателот Бранко Црвенковски.
Станува збор за Абдулселам Канзовски, Ментор Ќоку (на предлог на Црвенковски) и Лина
Петровска, Бедредин Ибраими и Ѕвонко Богдан (по предлог на собраниската комисија). Судскиот совет треба да има 15 члена, а засега има само 10, со што е обезбедено мнозинство.
Според судските реформи што беа најавувани за годинава, до 1 јуни треба да се формира нов управен суд. Тој ќе биде надлежен да решава за законитоста на актите за избори, именувања и разрешувања на носители на јавни функции. Управниот суд ќе решава и за споровите што ќе произлезат од договорите за јавни набавки и за судирот на надлежности меѓу општините и градот Скопје. Од Министерството за правда велат дека треба да се најде соодветен простор каде што ќе биде сместен новиот управен суд. Истото се однесува и за новиот Апелациски суд во Гостивар, кој најверојатно ќе биде лоциран во просториите на Основниот суд.
Од почетокот на годинава, со судските реформи, почнаа да функционираат судови со проширена и со основна надлежност. Судовите со проширена надлежност меѓу другото ќе одлучуваат за кривични дела за кои е предвидена казна затвор над 5 години и за имотно-правни спорови чија вредност е над 15.000 евра. Во основните судови во Битола, Тетово, Скопје 1, Струмица и Штип се формираат специјализирани одделенија надлежни за судење на дела од областа на организираниот криминал.
М.Ј.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.