Свет
Сопственикот на „Славија“ невин како англиска кралица
Кирил Кочовски, доминантен сопственик на АД „Славија“ од пред три дена е во притвор
Кирил Кочовски, доминантен сопственик на АД „Славија“ од пред три дена е во притвор
„Не сум виновен и не сум ја злоупотребил службената положба. Јас како директор во ‘Славија’ немав никакво влијание врз донесување на одлуките. Во претпријатието имав само формална улога и немав овластување да одлучувам, бев нешто слично како англиската кралица. За сите работи одлучуваше Управниот одбор“. Ова вчера го изјави обвинетиот Кирил Кочевски, доминантен сопственик на „Славија“, кој пред три дена беше уапсен и притворен под сомнение за злоупотреба со приватизацијата на претпријатието. За случајот, покрај Кочовски, се товарат и Жаклина Павловска, Мирко Петрески, Гордана Ѓорѓиевска и Новица Стефановиќ, сите обвинети за злоупотреба.
Ова е првпат сите обвинети да седнат на обвинителната клупа, процесот почна во отсуство на Кочовски и Павловска. Тие деновиве беа притворени и вчера првпат седнаа на обвинителната клупа.
Повеќе од педесетина поранешни вработени во „Славија“ вчера се собраа пред Основниот суд Скопје 1 и протестираа. Со пароли и викотници бараа правда и отштета за неисплатените плати. Првообвинетиот Кочовски вчера повеќе од три часа зборуваше за својата улога во фирмата. Тој вели дека за сите одлуки одговорен е Управниот одбор на „Славија“. Претседателка на Управниот одбор во тоа време била обвинетата Ѓоргиевска.
На едно од минатите судења, што ги води судијката Вангелица Маркудова, беше одлучено адвокатот Слободан Теодосиевски, застапник на поранешните вработени во АД „Славија“, да биде исклучен од постапката оти во случајот за спорната приватизација како оштетена страна е државата, а не вработените.
Според обвинението, Кочовски како в.д. директор на АД „Славија“ од 2000 до 2002 година незаконски си прибавил 97.612.997 денари, а другите обвинети му помогнале. Петрески, како стечаен управник на фирмата „Европромет“, чиј сопственик, а претходно и управител, бил Кочевски, преку адвокат поднел две тужби против АД „Славија“ за наплата на непостоечки долг од 6.372.750 денари со камата од денот на наводно настанатиот долг. Во обвинението се вели дека претседателката на УО на „Славија“, Ѓорѓиевска, по наредба на Кочевски потпишала два записника за срамнување на должничко-доверителскиот однос на „Славија“ и „Европромет“. Со нив невистинито било констатирано дека „Славија“ на „Европромет“ му должи 15. 296.857 денари за складирана, а неиспорачана трговска стока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.