Контакт

Европа

6.000 научници од светот потпишаа изјава против повторно воведување карантин

Објавено пред

Илјадници светски научници и здравствени експерти потпишаа изјава против повторно воведување карантин.

Речиси 6.000 експерти веруваат дека таквата мерка може да има разорно влијание врз физичкото и менталното здравје на една личност, како и врз самото општество. Тие бараат заштитата да биде насочена кон најранливите групи и здравите луѓе да продолжат со животот, пишува Би-би-си.

Шеесет и шест матични лекари и голем број медицински лица што имале важни позиции во британското медицинско друштво му пишале на британскиот министер за здравство за да му укажат на можните негативни ефекти од повторното воведување карантин.

Движењето зад декларацијата против карантинот почна во САД, а декларацијата досега ја потпишаа речиси 6.000 научници и медицински професионалци во светот, како и 50.000 граѓани.

Експертите од Велика Британија, кои ја потпишаа декларацијата, сметаат дека повторното воведување карантин пред да станат достапни вакцините може да предизвика непоправлива здравствена штета. Тие велат дека стапките на вакцинација кај деца може да паднат и дека грижата за пациентите со заболувања на срцето или оние со рак може да се влоши.

Тие истакнуваат дека ризикот од зараза со коронавирус е 1.000 пати поголем кај болни луѓе или постари лица. Како што расте имунитетот на населението, потписниците на декларацијата веруваат дека ризикот од зараза се намалува за сите групи – вклучително и за критичните.

Декларацијата препорачува низа мерки за заштита на ранливите лица, вклучително редовно тестирање на вработените во старските домови и препорачува испорака на продукти и други потреби за пензионерите што живеат дома.

Од друга страна, потписниците на декларацијата се залагаат за нормално функционирање на младите, предавање во училиштата и универзитетите, отворање на рестораните и одржување спортски и културни активности.

„Иако е добронамерна, декларацијата има длабоки етички, логистички и научни недостатоци“, вели д-р Стивен Грифин, професор на медицина на Универзитетот во Лидс.

Грифин наведува дека ранливите доаѓаат од сите слоеви на општеството и заслужуваат да бидат еднакво третирани и дека долгорочните последици од коронавирусот се забележани и кај помладите луѓе што имале лесни симптоми.

Симон Кларк, експерт за клеточна биологија на Универзитетот во Ридинг, предупредува дека сè уште не е познато дали воопшто е можно да се стекне колективен имунитет.

„За тоа, ќе ни треба природен и траен имунитет на Ковид-19 и сè уште не знаеме колку е ефикасен или долготраен имунитетот што го стекнавме по инфекцијата“, додаде тој.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Главниот преговарач на Европската Унија: Подготвени сме да ги продолжиме преговорите со Велика Британија

Објавено пред

Европската Унија ја префрли топката на британска почва велејќи дека сега останува на Лондон да го направи следниот чекор кога британскиот премиер Борис Џонсон се закани дека ќе ги напушти разговорите за идните трговски односи.

„Потврдувам дека ЕУ е сè уште достапна за интензивирање на разговорите со Лондон оваа недела на сите теми и врз основа на сите законски текстови“, изјави денеска главниот преговарач на ЕУ, Мишел Барние, по телефонскиот разговор со британскиот преговарач Дејвид Фрост.

„Сега ја чекаме реакцијата на Обединетото Кралство“, додаде Барние.

Неговата изјава доаѓа во време кога двете страни меѓусебно се обвинуваат за застој во овие исклучително важни преговори. Европските лидери минатата недела ја повикаа Велика Британија да ги преземе неопходните чекори, така што трговскиот договор би бил готов до 1 јануари в година кога истекува преодниот рок по брегзитот.

По излегувањето од ЕУ, Велика Британија влезе во преоден период што ѝ дозволи да тргува со земјите на ЕУ под истите услови како порано.

Џонсон во петокот рече дека преговорите не треба да продолжат доколку ЕУ не преземе фундаментално поинаков пристап. Иако не се откажал целосно од преговорите, Џонсон посочува дека неговата држава е подготвена за сценарио во австралиски стил.

Австралија нема посебен договор со ЕУ, па затоа тргува со Европската Унија според правилата на Светската трговска организација.

Прикажи повеќе...

Европа

Целосна забрана за движење во Велс

Објавено пред

Во Велс ќе стапи во сила целосна забрана за движење од 23 октомври до 9 ноември, со исклучок само на вработените во службите за итни случаи, а ќе бидат забранети и домашни посети, објави денеска премиерот Марк Дрејкфорд.

„Комплетното двонеделно затворање е најдобрата шанса да се воспостави контрола врз вирусот и со тоа да се избегне многу долг карантин, што би ни нанело неспоредливо поголема штета“, рече Дрејкфорд.

Тој посочи дека сега е време граѓаните да покажат единство.

Одлуката на владата на Велс изврши нов притисок врз британскиот премиер Борис Џонсон, кој одби да го прифати советот на здравствените работници да размисли за привремено затворање на земјата бидејќи секое одложување ќе доведе до опасно ширење на епидемијата со катастрофални последици.

Во неделата во Велс беа регистрирани 950 нови случаи на Ковид-19.

Прикажи повеќе...

Европа

Австрија воведува нови строги мерки

Објавено пред

Поради зголемениот број на новозаразени, Австрија од петок воведува построги мерки против ширењето на коронавирусот, кои првенствено се однесуваат на правилата за собирање, објави владата во Виена.

Новите мерки што стапуваат во сила се однесуваат на собирање луѓе во затворен и отворен простор. Така, во иднина е дозволено да се соберат максимум шест лица во затворено и дванаесет на отворено.

Ова исто така важи и за угостителските објекти, каде што рестораните и гостилниците со повеќе од 50 места треба да усвојат посебен безбедносен концепт.

„Ние сме свесни дека овие мерки се непопуларни, но тие се неопходни“, рече австрискиот канцелар, Себастијан Курц, по состанокот на владата.

Тој објасни дека во следните месеци ќе бара напори од сите австриски државјани да го контролираат ширењето на вирусот.

„Месеците ќе бидат вонредни, но колку повеќе сме обединети и колку повеќе поединци ги следат мерките, толку подобро ќе поминеме во оваа фаза“, рече Курц и додаде дека доколку Австрија не го запре трендот на зголемување на бројот на нови случаи, ќе се соочи со бројка од 6.000 новозаразени на ден.

„Ние мора да сториме сè што можеме за да спречиме нов карантин“, заклучи австрискиот канцелар презентирајќи построги мерки.

Од петок, покрај сегашните мерки за носење маска, одржување дистанца и хигиенски правила, построги концепти важат и во институциите каде што живеат чувствителни групи население, како што се домовите за стари лица.

„Нема повеќе посети без најава и се планираат здравствени проверки, како што е мерење на температурата“, рече министерот за здравство, Рудолф Аншхобер. Во исто време тој ги отфрли обвинувањата за изолација на ваквите институции.

Прикажи повеќе...

Најново

Македонија10 часа

Во Скопје 2.674 активни случаи на коронавирус, најмногу во Аеродром, Карпош и во Центар

Во Скопје во моментот има 2.674 активни случаи на коронавирус од вкупно 5.550 во целата држава. Најмногу активни случаи во...

Свет11 час

Студија: повеќе од половина од луѓето што прележале Ковид-19 чувствуваат симптоми и по неколку месеци

Повеќе од половина од луѓето што биле отпуштени од болница по заболувањето од Ковид-19, чувствуваат симптоми, како што се отежнато...

Македонија13 часа

Дванaесет починати и 161 нов случај на коронавирус во Македонија

Дванaесет лица починаа, а потврден е 161 нов случај на коронавирус во земјата во последните 24 часа, соопшти Министерството за...

Македонија14 часа

Кумот на Груевски во притвор поради плацовите на Водно

Кривичниот суд во Скопје му изрече 30 дена притвор на Ристо Новачевски, кој се товари за сторено кривично дело перење...

Македонија14 часа

Филипче: Ситуацијата е навистина сериозна, следен чекор би бил полициски час

Министерот за здравство, Венко Филипче, соопшти дека утре до Владата ќе биде предложен дополнителниот сет мерки за превенција од коронавирусот....

Свет15 часа

Европската агенција за лекови ќе ги разгледа резултатите од студијата на СЗО за лекот ремдесивир

Европската агенција за лекови (ЕМА) ќе ги разгледа резултатите од студијата на Светската здравствена организација (СЗО) за антивирусниот ремдесивир, што...

Македонија15 часа

(Видео) Пендаровски: Научните аргументи и вистината за јазикот се на наша страна и од нив никој разумен не може да се откаже

Претседателот Стево Пендаровски денеска се обрати на отворањето на манифестацијата Отворени денови на Институтот за македонски јазик „Крсте Мисирков“. Овогодишниот...

Топ15 часа

Инспекторите растурија свадба во Глумово со 250 гости, следи кривична пријава

Инспекторите откриле уште еден случај на масовно непочитување на мерките против коронавирус во околината на Скопје. Синоќа во периодот од...

Македонија15 часа

Од отворањето на градинките, од корoнавирус заболеле 18 деца и 55 вработени

Од отворањето на градинките на 9 септември досега од коронавирус заболеле 18 деца и 55 вработени, информира министерката за труд...

Македонија17 часа

Приведен кумот на поранешниот премиер Никола Груевски, за плацевите на Водно

По наредба на Обвинителството за организиран криминал и корупција, полицијата утрово го приведе Ристо Новачевски, кум на Никола Груевски, а...

Свет18 часа

(Видео) Запалени две цркви на протестите во Чиле

Најмалку две цркви се запалени во главниот град на Чиле, а илјадници луѓе се собраа на улиците на првата годишнина...

Европа19 часа

(Видео) „Фајзер“ произведе стотици илјади дози вакцина против Ковид-19

Фармацевтската компанија „Фајзер“ објави видео кое покажува дека веќе има произведено стотици илјади дози вакцина против коронавирус во својата белгиска...

Свет19 часа

Научниците предупредуваат: Заразата со коронавирус на отворено не е невозможна, но е ретка

И покрај тоа што речиси целиот документиран пренос на коронавирус се случил во затворен простор, експертите велат дека е оправдано...

Свет20 часа

Европа ги надмина сите рекорди – многу земји воведуваат построги мерки

Европа, соочена со вториот бран на пандемијата, го премина прагот на 250.000 смртни случаи од коронавирус. За една недела се...

Свет20 часа

(Видео) Се качил на кулата на Трамп во Чикаго и барал да разговара со претседателот

Неидентификуван маж се качил на кулата на Трамп во Чикаго, барајќи да разговара со претседателот на САД и медиумите. Мажот,...

Македонија20 часа

Ковид-19 го прележале над 17 илјади лица во земјава

Од Ковид-19 досега оздравеле 17.239 лица во земјава, покажуваат податоците на Министерството за здравство. Вкупната бројка на ковид-дијагностицирани во земјава...

Регион21 час

Полициски час во неколку црногорски градови

Здравствените власти во Црна Гора одлучија да воведат ограничувачки мерки во пет града во црвената зона според бројот на лица...

Европа1 ден

(Видео) Илјадници Французи излегоа на улиците поради убиството на наставникот

Илјадници луѓе излегоа на улиците на Франција во знак на поддршка на наставниците и со цел да ја одбранат слободата...

Европа1 ден

Стотици демонстранти ја нападнаа полицијата во Прага

Чешката полиција употреби солзавец и водени топови за да растера стотици демонстранти во Прага кои ги нападнаа полицајците по протестот....

Регион1 ден

Црногорските медиуми за Амфилохие: Привилегиран e, го лечат со „ремдесивир“

Митрополитот Амфилохие, кој се зарази со коронавирусот, доби лек „ремдесивир“, кој, според порталот ЦдМ, е недостапен за другите пациенти во...

Досие