Свет
Македонски М48 се продава во САД за 1.000 долари
Околу 20.000 пушки – репетирки од моделот М48, неупотребувани, но стари и до 50
години, се продаваат во САД како извонредно и екстравагантно оружје.
БИЗНИС СО ОРУЖЈЕ
Александар Божиновски
Околу 20.000 пушки – репетирки од моделот М48, неупотребувани, но стари и до 50
години, се продаваат во САД како извонредно и екстравагантно оружје.
Според доброупатени извори на „Време“ пушките биле продадени во периодот
2001/2002 година за 40 американски долари од парче. Зделката се одвивала преку
позната скопска фирма за трговија со оружје. Купувач била американската
компанија „Мичел Армс“.
Количеството било дел од резервите на АРМ, кои имале
над 120.000 вакви пушки.
Од Министерството за одбрана до вчера немаше одговор за оваа зделка, но го најавија
за наредните денови.
Компанијата „Мичел Армс“ ги продава пушките преку својата веб-страница. Во
зависност од моделот, цената се движи од 50 па се до 1.000 долари. Така,
моделот М48-15, оригиналната пушка, се продава за 499 долари. М48-25 чини 299
долари, додека М48-00 со комплетна опрема, односно, бајонет, футрола за
бајонет, ремен и т.н. чини 1.000 долари. Користени М48 се продаваат за 50
долари.
Овие пушки биле произведувани во фабриката „Застава“ од Крагуевац.
На веб-страницата на „Мичел Армс“, М48 се рекламира како:
„Нов Маузер стар 50 години. Оригинален Маузер 98К од германско потекло со алат
што бил монтиран на територијата на окупирана Србија (се мисли на Втората
светска војна)“.
Фабриката во Србија била изградена од нацистите, кои со сила го терале
локалното население да ги произведува. По завршувањето на Втората светска војна
тогашна Југославија продолжила со производство на овие пушки под ознаката М48.
„Мичел армс“ ги рекламира како најдобра пушка со единечна стрелба.
Овие пушки, кај нас биле ремонтирани во фабриката „Сувенир“. Во минатото, велат
нашите извори, од М48 во „Сувенир“ се правеле ловечки карабини, кои потоа за
багателни суми им биле продавани на функционери во полицијата и Армијата. Не е
познато колку од овие пушки завршиле во приватни раце.
За самата зделка, засега нема точни информации дали е реализирана по распишан
тендер и како е дојдено до цената од само 40 долари од парче. Засега е познато
дека компанијата „Мичел Армс“ го продава по дваесет пати повисока цена како
екстравагантно оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.
Европа
Украинската војска добива повеќе пари за борбата против рускиот напад
Украинската војска добива повеќе пари за борбата против рускиот напад според новиот закон потпишан од претседателот Володимир Зеленски, кој претходно беше усвоен од Парламентот, јави ДПА.
Локалните медиуми денеска објавија дека новиот закон ги зголемува воените трошоци за 500 милијарди гривни (околу 12 милијарди долари). Засилувањето ќе се финансира со заеми, даноци и зголемување на давачките за тутунот и горивото. Зголемувањето треба да се искористи за исплата на надоместоци за војниците во првите редови овој месец.
Земјата се брани од руска инвазија повеќе од две и пол години. Украина вели дека добила преку 98 милијарди долари финансиска помош од странство од почетокот на војната во февруари 2022 година.
Свет
Сакале јавно да ја посрамотат љубовницата на нивниот татко, а животот си го направиле пекол
Сестрите Елеонор и Софи Браун откриваат како јавно сакале да ја посрамотат жената со која татко им Џеф ја изневерил нивната мајка, но наместо тоа, едната добива отказ од полицијата, а другата се соочува со затвор.
Убедени дека смислиле совршен начин јавно да ѝсе одмаздат на жената со која татко им ја изневерувал нивната мајка, двете сестри, од кои едната била полицајка, објавиле приватни и интимни фотографии на социјалната мрежа. Ни тоа не им било доволно, го објавиле и телефонскиот број на нејзиниот сопруг, по што почнале да му се јавуваат.
Пријавил во полиција, па на Елеонор (24) која признала дека објавувала интимни фотографии сега и се заканува затворска казна, додека Софи била избркана од полиција.
На сослушувањето во судот во Лидс, Велика Британија одржано минатата недела, беше откриено дека Елеонор на страницата „2022“ објавила фотографии и телефонски број на сопругот на нејзиниот љубовник. Се слушна дека објавувањето на телефонскиот број влијаело на неговата работа и кај жената предизвикало „страшно и болно чувство на паника“. Во исто време, како што изјавија во судницата, нивниот татко Џеф имал афера со таа жена пред повеќе од 10 години, кога и двајцата биле во брак.
Аферата беше откриена во 2015 година кога Сара Браун откри интимни фотографии и видеа од жената во телефонот на нејзиниот татко. Дури седум години подоцна, помеѓу август и септември, Елеонор објавила погрдни коментари за љубовницата на нејзиниот татко на деловната веб-страница на нејзиниот сопруг.
Таа потоа му испратила интимни фотографии од неговата сопруга на WhatsApp, а истите ги објавила на страница за ескорт. Обвинителот посочи дека се работи за „гнасен и пресметан“ обид за одмазда. Сестрите Браун, како што беше кажано и во судницата, ја нападнале и ќерката на љубовникот, која не знаела за аферата.
Елинор и рече: „Ќе се погрижам мајка ти никогаш да не заборави што и направи на мајка ми“.
Софи поднесе оставка од полицијата откако таа и нејзината сестра беа пријавени, а на рочиштето беше истакнато дека дефинитивно ќе добиеше отказ доколку не се откажеше самата, бидејќи таа беше иницијатор на целата приказна. На рочиштето се откриени и пораките кои сестрите ги разменувале, се покажало дека тие прво планирале да направат лажен профил на љубовницата на една страница за рекламирање.
Тие сакаа да напишат, заедно со нејзината фотографија, во огласот: „Подарувам сексуални услуги за пет фунти“. Потоа го промениле планот и решиле фотографиите да ги објават на страница за ескорт дами.