Поранешниот заменик-јавен правобранител

Никола Димов, кој со велешкиот судија Благоја Анѓушев е обвинет за несовесно

постапување во службата во случајот со продажбата на Офицерскиот дом во Велес, тврди

дека е невин.

СЛУЧАЈ „ОФИЦЕРСКИ ДОМ“ ВО ВЕЛЕС

Поранешниот заменик-јавен правобранител

Никола Димов, кој со велешкиот судија Благоја Анѓушев е обвинет за несовесно

постапување во службата во случајот со продажбата на Офицерскиот дом во Велес, тврди

дека е невин.

– Во обвинението во случајот со продажбата на Офицерскиот дом во Велес, двата

битни елемента – направена штета и корист – не постојат, така што не постои

ниту делото и се чувствувам невин – вели Димов.

Тој објаснува дека постапувал според правилата на службата, го штител интересот

на државата и за сите негови постапки биле информирани неговите надлежни.

Димов и Анѓушев, кои беа и во притвор, се товарат дека во мај 2005 година му

овозможиле на Кољо Мечкаров противправно да го купи домот. Мечкаров, како

најповолен понудувач на јавната лицитација, за објектот требало во рок од осум

дена да уплати 224.000 евра, но тоа не го направил.

Димов вели дека судскиот процес со кој продажбата на Офицерскиот дом беше

вратена на почеток е почнат по негово барање, за што поседува и документација.

Тој негира дека не постапил по дописите на Министерството за одбрана, кое

неколкупати барало од него да поднесе жалба до Апелација за првостепената

одлука на судот.

– Откако Офицерскиот дом беше даден во владение на Мечкаров, од МО побарав

написмено мислење како да постапам во понатамошната постапка и дали да поднесам

жалба, како правен лек. Од таму добив само потврда дека моето писмо е добиено и

ништо повеќе, дали и како треба да постапувам – вели Димов.

Истото барање МО го препратило до Владата, која исто така не доставило мислење

до Јавното правобранителство. По извесно време МО до Никола Димов, како адвокат

на државата, сепак испратило барање по кое тој постапува. По ова, а по барање

на Димов, во Основниот суд во Велес почна нов судски процес, кој заврши со

пресуда со која продажбата на Офицерскиот дом е оспорена.

Судењето во Скопје

Судскиот процес против Анѓушев и Димов во случајот со продажбата на

Офицерскиот дом во Велес ќе се води во Основниот суд Скопје 1. Вака одлучил

Апелацискиот суд во Скопје прифаќајќи го барањето на предметниот судија Снежана

Николовска од Основниот суд Велес, која побарала пренесување на месната

надлежност од колегијални причини.

 Мечкаров во велешкиот суд повел судски спор

бидејќи Владата ја поништила лицитацијата.

(П.П.)