Досието има печат „Строго доверливо – државна тајна” гласи одговорот на

Министерството за одбрана на прашањето на „Време” во врска со продажбата на

20.000 пушки од прастариот модел М48 на американска компанија.

М48

ПРОГЛАСЕНА ЗА МАКЕДОНСКО ТАЈНО ОРУЖЈЕ

Александар Божиновски

Досието има печат „Строго доверливо – државна тајна” гласи одговорот на

Министерството за одбрана на прашањето на „Време” во врска со продажбата на

20.000 пушки од прастариот модел М48 на американска компанија.

– Поради печатот на досието не можеме да ви дадеме никакви информации во врска

со продажбата. Можеби, ако се добие поинакво мислење од Комисијата за пристап

до информациите, ќе можеме да ве информираме – вели портпаролот Захарија

Вулгаракис.

„Време” чекаше една недела на одговор од Министерството за одбрана.

– Побарајте уште еднаш одговор од Министерството, а ако пак ве одбијат, ние ќе

интервенираме – вели Јане Николовски, претседател на комисијата за пристап до

информации.

Упатените во бизнисот со оружје се изнасмеаја на одговорот од МО.

– Единствено што може да биде строго доверливо во продажбата на 50 години стара

пушка, па макар и да не е употребувана, е цената по која е продадена –

коментираат тие.

Сепак, продажбата на 20.000 пушки М48 од магацините на АРМ, за „Време” веќе ја

потврди купувачот, калифорниската компанија „Мичел Армс”.

– Повеќето пушки што ги добив беа во добра состојба. Приближно 20 отсто не беа

толку добри, додека другите 80 отсто беа прифатливи. Ние имаме искуство со М48

и можеме само со поглед да процениме дали се добри или не – изјави Дон Мичел,

сопственикот на „Мичел Армс” и „Мичел Маузер”.

Тој потврди и дека пушките ги купил за 40 долари од парче во 2002 година.

Мичел сега преку својата Интернет страница ги продава за 1.000 долари од парче.

Зделката била направена преку скопјанецот Панче Малиновски, сопственик на

позната фирма за трговија со оружје „Микеи интернационал”.

“Време” бараше одговор на тоа кога е склучена зделката и од кого, дали бил

распишан тендер или како е дојдено до цената од 40 долари за пушка.

Армијата располага со над 120.000 парчиња од оваа пушка од кои повеќето биле

неупотребувани. Еден дел од нив биле користени за вежбовно гаѓање на регрутите

на АРМ.

Мичел, во вчерашниот допис до „Време” вели дека е заинтересиран да ги купи сите

пушки М48 што ќе ги понуди МО.