Свет
Се клацка фотелјата на директорот Трпковски
Наместо во Собрание, Агенцијата два примерока од извештајот на 30 март ги
доставила директно кај претседателот на собраниската Комисија за транспорт,
врски и екологија Никола Ќуркчиев и примероците не се архивирани во
собраниската служба
АГЕНЦИЈАТА ЗА ЕЛЕКТРОНСКИ КОМУНИКАЦИИ НАМЕСТО ВО СОБРАНИЕ, ИЗВЕШТАЈ ПРАТИЛА
КАЈ ЌУРКЧИЕВ ОД СДСМ
Наместо во Собрание, Агенцијата два примерока од извештајот на 30 март ги
доставила директно кај претседателот на собраниската Комисија за транспорт,
врски и екологија Никола Ќуркчиев и примероците не се архивирани во
собраниската служба
Позициите на членовите на Комисијата за електронска комуникација и на
директорот на Агенцијата Коста Трпковски висат на конец зашто во законскиот рок
до 31 март годинава до Собранието не доставиле годишен извештај за работа.
Наместо во Собрание, Агенцијата извештајот го доставила директно кај претседателот
на собраниската Комисија за транспорт, врски и екологија Никола Ќуркчиев. Токму
поради ваквата достава членовите во собраниската Комисија вчера, уште додека го
утврдуваа дневниот ред, се испокараа дали годишниот извештај воопшто е доставен
во Собрание и дали треба да го разгледаат.
Извештајот во Собрание официјално е доставен на 4 април, иако од Агенцијата
тврдат дека го запазиле законскиот рок, и тоа уште на 30 март директорот на
Агенцијата директно до Ќуркчиев го доставил извештајот во два примерока. Но
овие примероци немаат архивско бројче што, според ВМРО-ДПМНЕ, значи дека не се
доставени во Собрание.
Атмосферата меѓу парламентарците ја вжешти и мислењето од Владата, доставено на
барање од Собранието, дека од формално-правен аспект годишниот извештај од
Агенцијата не треба да се разгледува и Собранието треба истиот да го смета како
недоставен и дека како таков е причина за колективно разрешување на Комисијата
за електронски комуникации.
Претседателот на собраниската Комисија Никола Ќуркчиев се изјасни дека
извештајот од Агенцијата стигнал навреме, а потенцираше и оти очекува од
Владата да се изјасни дека направила административна грешка кога го доставила
мислењето пред да стигне извештајот на дневен ред на Собрание.
Тале Герамитчиоски од СДСМ обвини дека мислењето на Владата е уште еден насилен
обид да се смени Комисијата.
Зоран Витанов од Социјалистичката партија застана зад владиното мислење, зашто
со него Владата укажува оти од формално правен аспект сака да го зачува
законското работење во државата, вклучително и врз Агенцијата. Витанов му
забележа на Ќуркчиев дека не требал да го прими извештајот на рака, зашто
Собранието не треба да работи на тој начин. (Т.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.