Свет
Маките на „Лукоил“ со бирократијата
Осум месеци не и’ беа доволно на македонската
администрација да ја обезбеди неопходната документација за да се градат
бензинските пумпи на „Лукоил“ во Штип. Вака долго и непродуктивно
администрирање, кога е во прашање изградба на вакви објекти, не се памети со
децении.
ИВАН БОЈАЏИСКИ
Штип
– Осум месеци не и’ беа доволно на македонската
администрација да ја обезбеди неопходната документација за да се градат
бензинските пумпи на „Лукоил“ во Штип. Вака долго и непродуктивно
администрирање, кога е во прашање изградба на вакви објекти, не се памети со
децении.
Расчистувањето на локацијата за изградбата на првата бензиска станица на
познатата руска компанија започна уште во ноември минатата година. На клучката
кај железничката станица градежни машини започнаа да го расчистуваат теренот,
но само по нецел месец, по наредба од Скопје, работите застанаа. Од тој момент
започнаа да се бараат нови документи кои патуваа на релација Штип – Скопје, а
од продолжување на работите на изградбата се’ уште нема ништо.
На последната седница на Советот на Општина Штип поминаа нацрт-измените на
генералниот урбанистички план, што беше барање на Министерството за транспорт и
врски. „Сега престои период на стручна расправа во рамките на Одделението за
урбанизам и заштита на животната средина по што ставот ќе биде испратен до
ресорното министерство во Скопје кое треба да ја донесен конечната одлука“, ни
изјави Душко Стојанов, раководител на ова одделение.
Руската компанија наиде на големи маки во обидот да изгради во Македонија
четириесетина бензински пумпи. Во нашава држава „Лукоил“ влезе преку Штип,
купувајќи ги резервоарите за нафта на штипската компанија „Нико петрол“. Во
изминатите три години „Лукоил“ наместо 40, изгради само две бензински пумпи.
Раководството на компанијата изјавуваше дека има чувство оти Македонија не ги
сака нејзините инвестиции.
И додека во нашава држава работи административната кочница, за овие три години
Русите во Србија изградија 49, а во Бугарија изградија и ребрендираа над сто
бензински пумпи. Компанијата планираше во Штип да изгради три бензински пумпи и
да вработи 39 лица.
При неодамнешната посета на Велес, амбасадорот на Руската Федерација Владимир
Димитриевич Солоцински рече дека планираните инвестиции од 50 милиони долари за
Македонија „Лукоил“ може да ги повлече и да ги пренасочи во Албанија ако
наскоро не и’ се отвори простор за работа во земјава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.
Европа
Украинската војска добива повеќе пари за борбата против рускиот напад
Украинската војска добива повеќе пари за борбата против рускиот напад според новиот закон потпишан од претседателот Володимир Зеленски, кој претходно беше усвоен од Парламентот, јави ДПА.
Локалните медиуми денеска објавија дека новиот закон ги зголемува воените трошоци за 500 милијарди гривни (околу 12 милијарди долари). Засилувањето ќе се финансира со заеми, даноци и зголемување на давачките за тутунот и горивото. Зголемувањето треба да се искористи за исплата на надоместоци за војниците во првите редови овој месец.
Земјата се брани од руска инвазија повеќе од две и пол години. Украина вели дека добила преку 98 милијарди долари финансиска помош од странство од почетокот на војната во февруари 2022 година.
Свет
Сакале јавно да ја посрамотат љубовницата на нивниот татко, а животот си го направиле пекол
Сестрите Елеонор и Софи Браун откриваат како јавно сакале да ја посрамотат жената со која татко им Џеф ја изневерил нивната мајка, но наместо тоа, едната добива отказ од полицијата, а другата се соочува со затвор.
Убедени дека смислиле совршен начин јавно да ѝсе одмаздат на жената со која татко им ја изневерувал нивната мајка, двете сестри, од кои едната била полицајка, објавиле приватни и интимни фотографии на социјалната мрежа. Ни тоа не им било доволно, го објавиле и телефонскиот број на нејзиниот сопруг, по што почнале да му се јавуваат.
Пријавил во полиција, па на Елеонор (24) која признала дека објавувала интимни фотографии сега и се заканува затворска казна, додека Софи била избркана од полиција.
На сослушувањето во судот во Лидс, Велика Британија одржано минатата недела, беше откриено дека Елеонор на страницата „2022“ објавила фотографии и телефонски број на сопругот на нејзиниот љубовник. Се слушна дека објавувањето на телефонскиот број влијаело на неговата работа и кај жената предизвикало „страшно и болно чувство на паника“. Во исто време, како што изјавија во судницата, нивниот татко Џеф имал афера со таа жена пред повеќе од 10 години, кога и двајцата биле во брак.
Аферата беше откриена во 2015 година кога Сара Браун откри интимни фотографии и видеа од жената во телефонот на нејзиниот татко. Дури седум години подоцна, помеѓу август и септември, Елеонор објавила погрдни коментари за љубовницата на нејзиниот татко на деловната веб-страница на нејзиниот сопруг.
Таа потоа му испратила интимни фотографии од неговата сопруга на WhatsApp, а истите ги објавила на страница за ескорт. Обвинителот посочи дека се работи за „гнасен и пресметан“ обид за одмазда. Сестрите Браун, како што беше кажано и во судницата, ја нападнале и ќерката на љубовникот, која не знаела за аферата.
Елинор и рече: „Ќе се погрижам мајка ти никогаш да не заборави што и направи на мајка ми“.
Софи поднесе оставка од полицијата откако таа и нејзината сестра беа пријавени, а на рочиштето беше истакнато дека дефинитивно ќе добиеше отказ доколку не се откажеше самата, бидејќи таа беше иницијатор на целата приказна. На рочиштето се откриени и пораките кои сестрите ги разменувале, се покажало дека тие прво планирале да направат лажен профил на љубовницата на една страница за рекламирање.
Тие сакаа да напишат, заедно со нејзината фотографија, во огласот: „Подарувам сексуални услуги за пет фунти“. Потоа го промениле планот и решиле фотографиите да ги објават на страница за ескорт дами.