Свет
За замислата чистка петка, за реализацијата единица
Скопската фирма „Алгоритам центар“ ќе обучува околу 17.000 од вкупно
22.229 граѓани што се пријавиле на повикот за бесплатна обука за користење
компјутери што го распиша Владата во рамките на кампањата „Македонија – земја
на информатичари“.
ИНФОРМАТИЧАРИ СЕ ЖАЛАТ НА ВЛАДИНИОТ
ПОВИК ЗА БЕСПЛАТНА ОБУКА ЗА КОМПЈУТЕРИ
Скопската фирма „Алгоритам центар“ ќе обучува околу 17.000 од вкупно
22.229 граѓани што се пријавиле на повикот за бесплатна обука за користење
компјутери што го распиша Владата во рамките на кампањата „Македонија – земја
на информатичари“. Други пет фирми ќе ги обучуваат преостанатите пет илјади
граѓани. Информатичари и конкуренти на оваа фирма се сомневаат во регуларноста
на тендерската постапка.
Горан Манев, професор по информатика, кој со својата фирма конкурирал на
владиниот повик, вели дека „Алгоритам центар“ ќе заработи илјадници евра со
оваа обука, иако е фирма што поседува само една училница и нема доволно
вработени за да ја извршат обуката.
– Од фирмата се јавуваа по основни и средни училишта и бараа опремен простор и
кадар што би ја вршел обуката. Владата на една фирма и даде да врши обука на
повеќе од 17.000 лица во 26 општини во земјава што е 77 отсто од вкупниот број
пријавени кандидати – вели Манев.
Тој се сомнева дека „Алгоритам центар“ ги исполнува условите од јавниот повик.
Сепак, во образложението од владината Комисија за жалби по јавни набавки, која
го разгледувала овој случај се вели дека се неосновани жалбите по прашањето
дали „Алгоритам центар“ доставил доказ за ангажирани лица бидејќи таков доказ
воопшто не се барал во јавниот повик.
Во јавниот повик што го распиша Генералниот секретаријат на Владата пишува дека
фирмите-кандидати меѓу другата документација треба да достават список на
расположлив персонал и други експерти што работат за понудувачот и кои ќе бидат
одговорни за реализација на договорот. Потоа кусо претставување на правното или
физичкото лице во однос на бројот и структурата на вработените –
возраст/образование, професионална опрема за реализирање на обуката, искуство
во областа на спроведување на ваков тип обуки.
Марина Божинова, директорка на „Алгоритам центар“, вели дека нејзината фирма
понудила пониски цени за обука на граѓаните од повеќето други фирми што
учествувале во тендерската постапка. Таа вели дека не може да открие колкава е
цената со која „Алгоритам центар“ ги победи другите фирми-учеснички на
тендерот.
– За цената за обуката од можни 50 бода, ставка што беше решавачка при
одлучувањето за најповолните понудувачи нашата фирма доби 48 бода. По жалбите
на другите фирми, второстепените комисии за јавни набавки повторно потврдија
дека нашата понуда е најповолна. Ние обезбедивме 150 професори по информатика
што ќе заработат хонорари за обуката на граѓаните во повеќе општини во земјава,
а простор за обука ќе изнајмиме и во некои училишта за што некои од нив ќе
заработат и до 60.000 денари. Така што не гледам простор за сомнеж во однос на
реализацијата на оваа идеја за бесплатна обука на граѓаните до толку повеќе што
кога ги информиравме граѓаните за скорашниот почеток на обуката тие реагираа со
воодушевување – вели Божинова.
Таа додава дека обуката почнува на 15 јуни и дека ќе се одржува од 8 наутро до
22 часот навечер. Пријавените кандидати ќе се обучуваат на два часа, двапати во
текот на една недела, во период од еден месец.
Ивица Боцевски, портпарол на Владата, не сакаше да дава никаков коментар за
овој случај, со образложение дека се уште не завршила жалбената постапка по
јавниот повик, што е во спротивност со тврдењето на одговорните во „Алгоритам
центар“ и на конкурентните фирми.
В.Н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јапонија ќе гради високоавтоматизирани воени бродови за Австралија
Јапонија денеска потпиша договор вреден 10 милијарди австралиски долари за изградба на воени бродови од следната генерација за Австралија, што претставува најзначајна продажба на јапонска одбранбена технологија од укинувањето на забраната за извоз на воена опрема во 2014 година – чекор што го оддалечува Токио од поствоениот пацифизам.
Според договорот, компанијата Mitsubishi Heavy Industries од 2029 година ќе ѝ испорачува на Кралската австралиска морнарица надградени повеќенаменски фрегати од класата Mogami.
Овие високоавтоматизирани воени бродови, дизајнирани за лов на подморници, напад на бродови и противвоздушна одбрана, ќе може да се управуваат со само 90 морнари – помалку од половина од екипажот потребен за сегашните бродови.
Австралија планира да ги распореди новите бродови за одбрана на клучните поморски трговски рути и северните морски подрачја кон Индискиот и Тихиот Океан, каде што Кина сè повеќе ги зголемува својата присутност и активностите.
Регион
(Видео) Српски министер доживеа мозочен удар во емисија во живо
На српскиот министер за јавни инвестиции Дарко Глишиќ утрово му се слоши за време на гостувањето во утринската програма на телевизијата „Пинк“. Емисијата беше нагло прекината, а неофицијално се знае дека станува збор за тежок мозочен удар.
Глишиќ беше гостин во утринската програма на телевизијата „Пинк“, но одеднаш почна да пелтечи и не можеше да изговори ниеден цел збор. Водителите го прашаа неколкупати дали се чувствува добро, но тој не можеше да одговори, па програмата беше прекината.
UDARNO: Hitno prekinut program na Pinku! Glišić se šlogirao u sred emisije?!
Ministru za javna ulaganja Darku Glišiću naglo je pozlilo uživo u jutarnjem programu na Pinku. pic.twitter.com/otIuN977tP
— Mario ZNA (@MarioBojic) August 5, 2025
Министерот за здравство Златибор Лончар изјави дека состојбата на Глишиќ е сериозна и дека тој бил донесен во Ургентниот центар во несвесна состојба.
Глишиќ беше итно префрлен во болница, каде што набргу пристигна српскиот претседател Александар Вучиќ. Глишиќ се смета за еден од неговите најблиски соработници.
Дарко Глишиќ е министер во владата на Србија од мај 2024 година. Тој е член на Српската напредна партија од нејзиното основање, а од 2016 година е претседател на Извршниот одбор на СНС.
Српскиот претседател Александар Вучиќ објави заедничка фотографија на својот инстаграм-профил со министерот и напиша: „Даре, држи се! Нема предавање“.
View this post on Instagram
Фото: Принтскрин
Свет
Ердоган доаѓа во Киев на покана од Зеленски – набргу нова рунда преговори?
Претседателот на Турција, Реџеп Таип Ердоган, во наредните денови ќе ја посети украинската престолнина Киев, на покана на украинскиот претседател Володимир Зеленски, пренесува агенцијата Turkiye Gazetesi, повикувајќи се на украинскиот амбасадор во Анкара, Нариман Џелјал.
Амбасадорот Џелјал најави дека еден од главните фокуси на средбата ќе биде ратификацијата на Договорот за слободна трговија помеѓу Турција и Украина.
Очекувањата се дека разговорите ќе го опфатат и ангажманот на Анкара за мирно решавање на војната во Украина.
По трите претходни рунди преговори што се одржаа во Истанбул, Ердоган изрази оптимизам дека наскоро може да се случи нова рунда преговори меѓу Украина и Русија, насочена кон ставање крај на конфликтот.
Третата рунда разговори беше одржана на 23 јули во Истанбул. Беше договорена размена на затвореници, но не беше постигнат значаен напредок кон прекин на огнот.
Ердоган неколкупати изјави дека Турција е подготвена да организира средба на високо ниво, штом бидат создадени потребните услови. Потенцијалната средба меѓу рускиот претседател Владимир Путин и украинскиот претседател Володимир Зеленски би била прва директна средба по 2019 година, кога дискутираа за прекин на борбите во источниот регион Донбас.
Претседателот на САД, Доналд Трамп, исто така потврдил дека би присуствувал на таков состанок, доколку до него дојде.
Путин неодамна изрази подготвеност да се сретне со Зеленски, веднаш штом двете делегации ги завршат неопходните подготовки.
Разоткриена мрежа на шверцери – купувале цигари на фришоп во Грција и ги пренесувале со цистерна со нафта
Царинска управа преку Секторот за контрола и истраги, откри и спречи криминална шема поврзана со шверц на цигари. Против пет...
Гром го предизвикал пожарот во велешката фабрика, велат од „Мирана“
Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат...
(Видео) Еден качен на хауба, друг вози без дозвола – поднесени пријави за скопјаните што дивееја на улиците
Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и...
Полициска интервенција во Струга: Над 500 лица и 120 луксузни возила на собир по полноќ, запленети автомобили
Доцна синоќа, нешто по полноќ, струшката полиција интервенирала на паркинг во градот по пријава за гласна бучава и вознемирување на...
Сѐ повеќе луѓе остануваат без работа поради вештачката интелигенција – најголем удар врз младите
„Мајкрософт“ годинава отпушти повеќе од 15.000 луѓе, од кои 9.000 само во јули – што е околу 7 отсто од...
(Видео) Со концерт на Ана Дурловски, „Охридско лето“ го прослави 65. роденден
Со концерт на реномираната македонска сопранистка, првенката на Националната опера и балет, Ана Дурловски која настапи со пијано придружба на...
Променливо облачно и нестабилно со локален пороен дожд и грмежи, наместа во форма на невреме
Променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со...
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово
Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на...
Објавен огласот за финансиска поддршка за сметките за струја за ранливи потрошувачи
Министерството за енергетика, рударство и минерални суровини го објави јавниот оглас за финансиска поддршка за потрошена електрична енергија за ранливи...
Обид за убиство во Струга – со нож го избол во стомакот, рацете и во вратот
Основното јавно обвинителство Струга отвори истрага против две лица, од кои едното е осомничено за обид за убиство и насилство,...
Силен скок на цената на нафтата на светските пазари
По две недели пад, цените на нафтата нагло пораснаа на светските пазари, за повеќе од шест проценти, поддржани од постигнувањето...
Активни четири пожари во Македонија
До 07:00 часот утрово регистрирани се 23 пожари во Македонија, од кои четири се активни, два се под контрола, а...
Трамп се закани: Путин има рок до петок
Американскиот претседател Доналд Трамп изјави дека неговиот специјален претставник Стив Виткоф би можел да отпатува во Русија, можеби в среда...
Русија и Кина одржуваат воени вежби во морето крај Јапонија
Русија и морнариците на Кина одржуваат заеднички артилериски и противподморнички вежби во Јапонското Море како дел од планираните воени маневри,...
Доаѓа невреме – силен ветер, пороен дожд и град ќе ја погодат Македонија
Управата за хидрометеоролошки работи информира дека под влијание на влажна и нестабилна воздушна маса, во понеделник и вторник на повеќе...
(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција
Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и...
(Видео) Илиевски: Има ли „Алказар Енерџи“одобрение за градба или не, каков е бизнис интересот на Божиновска и Мицкоски?
Владата на ВМРO-ДПМНЕ прави класична распродажба на националните ресурси од македонската енергетика, кажа денеска на прес-конференција, Методија Илиевски, потпретседател на...
„Среќни се ако јадат сув леб“ – трогателно сведоштво за брат и сестра во Газа кои гладуваат со недели
Мохамед Алмадун, од хуманитарна организација во Газа, рече дека во оваа палестинска енклава лекувал две малолетни деца – брат и...
Техеран се соочува со историска водна криза: „нултиот ден“ сè поблиску
Иранскиот главен град Техеран најверојатно е само на неколку недели од таканаречениот „нулти ден“, предупредуваат експертите – денот кога чешмите...
