Свет
Методија Смиленски екстрадиран во Македонија
Бизнисменот со австриско
државјанство вчера со силно полициско обезбедување беше пренесен во истражниот
затвор „Скопје“ , каде што е сместен во ќелијата позната како „Александар
палас“
Бизнисменот со австриско
државјанство вчера со силно полициско обезбедување беше пренесен во истражниот
затвор „Скопје“ , каде што е сместен во ќелијата позната како „Александар
палас“
Сопственикот на пропаднатата Експорт-импорт банка, Методија Смиленски (69),
обвинет за злоупотреба на околу 50 милиони долари, вчера беше екстрадиран во
Македонија, токму пред истекот на една година од неговото притворање во Србија.
Македонските истражни органи го извршија преземањето на Смиленски од српските
власти на граничниот премин Табановце, каде што вчера имаше големо полициско
обезбедување. Со полициска придружба тој беше пренесен во истражниот затвор
„Скопје“, каде што е сместен во ќелијата позната како „Александар палас“.
Против него е одреден 30-дневен притвор уште додека беше во затвор во Белград.
Ниту еден од тимот адвокати на Смиленски во Србија и во Македонија не беа
известени за екстрадицијата, а за тоа дознаа од новинарите. Се очекува денеска
тој да даде изјава пред истражен судија.
За време на вчерашната екстрадиција беше отворена дилемата дали Смиленски ќе
биде пренесен во затворот во Штип или, пак, во истражниот затвор „Скопје“, каде
што на крајот беше донесен. Адвокатите Јаким Наумов и Милорад Мартиновски
очекуваа нивниот клиент по екстрадицијата да биде пренесен во затворот во Штип.
– Тој треба да биде донесен во штипскиот затвор, бидејќи постапката беше
поведена по меѓународна потерница издадена од Основниот суд во Свети Николе, а
постапка против него се води и пред штипскиот Основен суд, кој сега е со
проширена надлежност – објаснува Наумов.
Според Билјана Зефиќ, директорка на истражниот затвор „Скопје“, Смиленски е
сместен во заедничка ќелија, во услови исти како и за останатите притвореници.
Причина за одолагањето на постапката за екстрадиција беше барањето на Смиленски
за српско државјанство. Адвокатите на Смиленски бараат и да му се суди во
Австрија, зашто тој од 1997 година е нејзин државјанин и е испишан од
македонско државјанство. Србија чекаше и на обвинението против Смиленски кое,
откако беше подготвено во Македонија, нашето Министерство за правда го испрати
во Белград. Обвинението е покренато против Смиленски и против поранешниот
гувернер на Народната банка на Македонија, Љубе Трпески, кој, откако помина
неколку дена во истражен затвор, а потоа еден месец во куќен притвор, беше
пуштен да се брани од слобода. Трпески понуди гаранција од 200.000 евра за
својата слобода. Тој е обвинет дека со злоупотреба на службената положба му
овозможил на Смиленски незаконски да стекне 22 милиона американски долари,
префрлувајќи на сметките на неговите фирми пари од државните резерви. Покрај
ова, наскоро се очекува да има и обвинение за случајот со пропаднатата
Експорт-импорт банка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.