Преку каса-прими на кои се уплаќале по 100 и 200 илјади евра се продавал

државен имот, односно имот кој е во сопственост на јавното претпријатие за

стопанисување со станбен и деловен простор, тврди Ивица Коневски, директорот на

ова претпријатие.

ЈПССДП

ОТКРИЛО ДОКАЗИ ЗА СКЛУЧЕНИ ДОГОВОРИ ЗА ПРОДАЖБА

Преку каса-прими на кои се уплаќале по 100 и 200 илјади евра се продавал

државен имот, односно имот кој е во сопственост на јавното претпријатие за

стопанисување со станбен и деловен простор, тврди Ивица Коневски, директорот на

ова претпријатие. Тој вели дека пронашле докази за склучени договори за

продажба или давање под закуп на простории што се во државна сопственост. Овој

имот, кој според процените на претпријатието вреди повеќе од 50 милиони евра,

се наоѓа на просторите на поранешна Југославија.

– Имотот не бил опфатен во процесот на приватизација. Откако згасна Агенцијата

за приватизација, повторно е вратен во сопственост на ЈПССДП. Сега активно

работиме на пронаоѓање на тој имот. Досега пронајдовме 135 деловни единици,

претставништва, влогови, удели, од кои 80 отсто се наоѓаат на атрактивни

локации во странство, со вкупна површина од 21.976 квадратни метри, како и влог

во друштво во Белград во чиј склоп е кат од деловна зграда со површина од 900

квадратни метри. Претпријатијата со општествен капитал, тогашните нивни

раководители пред приватизацијата биле должни да го пријават целиот имот со кои

располага претпријатието за да може да се процени неговата вредност и да се

спроведе процесот на приватизација. Во голем број случаи, а тоа се гледа и од

бројката на досегашните откриени имоти, овој имот не бил реално пријавуван –

објаснува директорот Коневски.

Тој се сомнева дека со ова, поранешните раководни лица на претпријатијата што

се приватизирале, сакале намерно да ја намалат проценетата вредност на

претпријатието.

– Допрва ќе треба да се открие дали намерата била деловниот простор да се

продаде и со тоа да се финансираат лични проекти за поевтино купување на

претпријатијата, со пари на претпријатието. Секојдневно доаѓаме до некакви каса

прими на 100 илјади или на 200 илјади евра, како да станува збор за продажба на

некои дребулии, а не на државен имот.

 Дали од ова ќе излезе некое не знам кое

по ред „бачило“ ќе покаже времето – вели Коневски и додаде дека засега не

открива други детали во интерес на истрагата. Тој додаде дека откако ќе ги

придобијат сите докази за сопственоста на имотот во странство, ќе се води

истражна постапка и на крај, имотот треба да се врати во државна сопственост,

односно во сопственост на ЈПССДП.

Нема повеќе

„местенки“ при јавните набавки

Нема да дозволиме да се прават разни малверзации и „местенки“ при јавните

набавки, па затоа компаниите мора да се натпреваруваат на пазарот како лојална

конкуренција, вели Коневски.

– Во јавноста има мислење дека сето она што е поврзано со јавните набавки

асоцира на мито, корупција или други злоупотреби. Такви малверзации отсега нема

веќе да проаѓаат. Тоа ќе го покаже начинот на кој работиме – тврди директорот

Коневски.

„Криминал“

и со обрасците!

Коневски открива дека претходното раководство на јавното претпријатие

непотребно трошело премногу пари за материјали за работа.

– Познато е дека стопанисуваме со граничните премини и со терминалите на

премините на кои се врши наплата. Притоа се користат т.н. препечатени обрасци

што ги добиваме преку јавна набавка. Во претходните години за оваа намена биле

трошени од 3,5 до пет милиони денари годишно, а денес за ова ни се потребни

еден милион денари. Сличен е и случајот со компјутерите, кои се поправале многу

често. За една поправка се давале пари со кои може да се купат три нови

компјутери – вели Коневски.

Социјалните

станови ќе се градат во јули

Првите 102 социјални стана од предвидените 1.000 ќе почнеме да ги градиме

идниот месец, најави Ивица Коневски, директорот на јавното претпријатие за

стопанисување станбен и деловен простор.

– Успеавме да ги запазиме роковите поставени со динамичниот план, кој е содржан

во владината програма за градење. Во текот на јули ќе почне изградбата на

првите 102 станови, а останатите се или во фаза на објавен тендер или во фаза

на проектирање. За овој голем инвестициски циклус се планирани околу седум

милиони евра – објасни Коневски.