Свет
Штрајк со глад во Железници
Штрајкувачите велат дека никој не ги организирал туку дека самоиницијативно одлучиле дел од нив да штрајкуваат со глад, зашто единствена причина за нивно отпуштање е што имаат некоја врска со некоја партија
РЕФОРМИ: ОТПУШТЕНИТЕ ОД МАКЕДОНСКИ ЖЕЛЕЗНИЦИ СЕ ЖАЛАТ НА ПОЛИТИЧКИ СКРОЕНИ ЛИСТИ
Штрајкувачите велат дека никој не ги организирал туку дека самоиницијативно одлучиле дел од нив да штрајкуваат со глад, зашто единствена причина за нивно отпуштање е што имаат некоја врска со некоја партија
Група отпуштени од “Македонски желеници” вчера изутрина почнаа штрајк со глад. Околу 130 вработени ја поддржале идејата за гладување, но, попладнето, кога екипа на “Вест” ги посети, во просторијата каде на вратата пишуваше “Штрајк со глад” едвај имаше десеттина штрајкувачи. Според кажувањата на присутните, повеќето од нив биле низ зградата, бидејќи во просторијата за гладување, пушењето е забрането. Меѓу оние кои ги најдовме таму имаше од прогласените за технолошки вишок, но и неколку вработени кои викендов добиле отказни решенија поради нанесување штета на претпријатието.
“Наскоро ќе стигнат и другите колеги. Во 15 часот им завршува смената. Тие се со нас, но ако ги напуштат работните места заради штрајкот, веднаш ќе добијат отказни решенија”, велат штрајкувачите.
Повеќето од околу 100 – тина штрајкувачи главно беа надвор низ темните ходници на зградата, и во соседната просторија, каде не се штрајкува со глад. Запуштени и обраснати со брада, штрајкувачите со поглед ги бараат новинарите да ја раскажат својата приказна. “Не сакаме да не третираат според партиска припадност.
Политиката нас не ни е важна. Директорите се по политиката”, велат тие. Жените кои се прогласени за технолошки вишок, пак, најчесто се жалат дека не постојат законски критериуми за прогласување на технолошки вишок, бидејќи повеќето од нив се самохрани мајки.
“Јас сум самохрана мајка, а мојот единствен грев да се најдам на листата е што мој братучед во времето на претходната Влада беше директор во претпријатието. А од друга страна во Железници работат и брачни парови, а ниеден од нив двајцата не е отпуштен”, вели една од прогласените за технолошки вишок и посочува дека сопругата на претседателот на легалниот синдикат на Железници, Цветан Мирчевски, кој не го подржува штрајкот е вработена во претпријатието и не е прогласена за технолошки вишок.
Некој кажа дека во Депо, зад зградата на “Македонија табак”, композиција вагони се лизнала од шините.
“Ова се случува зашто нестручни раководни лица го регулираат сообраќајот”, вели Никола Богоевски од независниот синдикат на собраќајниот персонал, кој попладнето заедно со неговиот синдикален колега Марјан Ристевски се одзваа на полициската покана за информативен разговор бидејќи менаџментот на “Македонски железници” против организаторите на штрајкот поднел пријави. Според Богоевски, тие не се организатори на штрајкот, туку штрајкот е резултат на спонтано собирање на вработените, кои се солидаризираат со 755 вработени прогласени за технолошки вишок. “Ние како претседатели на синдикатот треба да го почитуваме ставот на нашето членство”, вели Богоевски.
Од “Македонски железници” велат дека железничкиот сообраќај е безбеден. “Сите тие се инструктури кои ги обучувале вработените, така што безбедноста не е загрозена”, велат во Железници, каде немаат информација колкав е бројот на возови кои поради блокадата се заглавени на граничните премини.
Сојузот на синдикати вчера од Владата побара мораториум на прогласувањето на технолошки вишок во Железници, додека не се најде заедничко прифатливо решение. “Сојузот смета дека не може масовно да се прогласува технолошки вишок без да се постигне договор со Синдикатот”, се вели во нивното писмо до Владата.
(Т.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Иран: Непријателите треба да знаат, нашата нуклеарна програма има длабоки корени, не може да биде уништена со воени напади
Шефот на Организацијата за атомска енергија на Иран, Мохамад Еслами, на годишната генерална конференција на Меѓународната агенција за атомска енергија (МААЕ) во Виена изјави дека нуклеарната програма на Иран нема да биде уништена со воена акција. Во исто време, тој ги обвини Израел и Соединетите Американски Држави за нелегални напади врз неговите објекти, пишува Иран Интернешнл.
„Непријателите на Иран треба да знаат дека нашата нуклеарна програма има длабоки корени и не може да биде уништена со воена акција“, рече Еслами во обраќањето пред 69-та Генерална конференција. Тој додаде дека Иран нема да попушти пред политичкиот или воениот притисок и нема да се откаже од своите права.
Шефот на Организацијата за атомска енергија на Иран рече дека соработката на Техеран со МААЕ е „широка и конзистентна“, но ја обвини агенцијата дека не ги осуди она што тој го нарече акти на агресија против нуклеарните објекти на Иран.
„И покрај нашите официјални барања, агенцијата не ги осуди нападите на САД и Израел врз нуклеарните објекти на Исламската Република“, рече тој. „Ова молчење и неактивност ќе останат дамка во историјата на агенцијата“.
Еслами, исто така, ги критикуваше европските напори за активирање на механизам за „враќање“ за повторно воведување на санкциите на Обединетите нации врз Иран, нарекувајќи ги нелегални.
Тој рече дека нуклеарниот договор од 2015 година, официјално познат како Заеднички сеопфатен план за акција (JCPOA), покажал дека дипломатијата може да успее, но тврдеше дека бил поткопан од западните земји. „Денес, на годишнината од JCPOA, гледаме нелегални обиди за активирање на механизмот за враќање“, рече тој. „Овие напори се исмејување на Резолуцијата 2231“.
Еслами, исто така, рече дека израелските напади врз нуклеарните објекти на Иран беа насочени не само кон инфраструктурата, туку и кон самата дипломатија.
„Целта на ционистичкиот режим не е само да ги уништи нашите нуклеарни центри, туку и да го блокира патот кон дипломатијата и мирот“, рече тој. Еслами објави дека Иран ќе поднесе резолуција на конференцијата со која ќе се забранат нападите врз нуклеарните постројки и ќе одржи состаноци со земјите што соработуваат со Техеран.
Фото: принтскрин
Свет
Рубио во Израел: Сите заложници мора веднаш да се вратат дома
Државниот секретар на САД, Марко Рубио, изјави дека сите заложници мора веднаш да се вратат дома и дека Хамас мора да биде „уништена“ како вооружена група.
Зборувајќи на прес-конференција во Ерусалим, Рубио рече дека американскиот претседател Доналд Трамп е сè уште посветен на овие цели, објавува „Тајмс оф Израел“. Рубио, исто така, истакна дека Иран им се заканува не само на Израел и САД, туку и на сојузниците од Персискиот Залив и Европа. Тој рече дека нуклеарниот Иран е „неприфатлив ризик“ за светот.
Рубио го критикуваше Хамас за неговиот „неспоредлив варваризам“ и додаде дека народот на Газа не може да има мир или подобра иднина сè додека Хамас не биде разоружан и сите заложници не бидат вратени дома. „Фокусирани сме на тоа што ќе се случи следно“, рече американскиот државен секретар Марко Рубио, осврнувајќи се на израелскиот напад во Доха минатата недела.
Државниот секретар на САД пристигна во Израел за да му го пренесе на израелскиот премиер Бенјамин Нетанјаху незадоволството на САД од неодамнешниот израелски напад врз Доха, Катар, под изговор дека го напаѓа седиштето на Хамас. Пред состанокот, тој најави дека ќе разговара со Нетанјаху за воените планови на Израел за окупирање на градот Газа, како и за намерата на Израел да анектира делови од окупираниот Западен Брег.
Фото: принтскрин
Свет
Трамп: Важниот состанок со Кина помина исклучително добро, договорот е блиску
Претседателот на САД, Доналд Трамп, објави на својата мрежа Truth Social по трговскиот состанок меѓу САД и Кина во Европа, нагласувајќи дека преговорите поминале исклучително добро и дека е постигнат прелиминарен договор.
„Големиот трговски состанок во Европа меѓу Соединетите Американски Држави и Кина помина многу добро. Договорот ќе биде финализиран наскоро. Постигнавме и договор за компанија што младите луѓе во нашата земја сакаат да ја зачуваат. Тие ќе бидат многу среќни. Ќе разговарам со претседателот Шји во петок. Односот меѓу нашите две земји останува силен“, напиша Трамп на Truth Social.
Аналитичарите веруваат дека Трамп веројатно мислел на „Tик-ток“.
Американскиот министер за финансии, Скот Бесент, потврди дека за време на преговорите во Мадрид е постигнат рамковен договор во врска со оваа апликација, што би можело да овозможи нејзино пренесување во американска сопственост. Деталите ќе бидат разјаснети на претстојниот состанок меѓу Трамп и кинескиот претседател Џјинпинг во петок, пренесуваат медиумите.
Фото: принтскрин
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
(Видео) Командантот на пожарникарите раскажа како се гаснел пожарот во Трубарево – на помош добиле хемиска пена, па стигнал и песокот
Скопските пожарникари во изминатите два дена интервенирале со целокупниот капацитет при големиот пожар во магацините за пластичен и електронски отпад...
„Ова ќе продолжи“ – Според Мицкоски зад пожарите стојат центри на моќ од земјата и од надвор
Премиерот Христијан Мицкоски денеска изјави дека пожарите кои во изминатиот период избувнуваат низ државата, меѓу кои и вчерашниот во магацинот...
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
