Свет
"Митал стил" со притисок бара доброволци за отказ

“Митал стил” врши силен притисок и им се заканува на вработените, чии имиња се на списоците за технолошки вишок, дека ако доброволно не си заминат, нема да добијат ни еднократен паричен надоместок.
ВРАБОТЕНИ ВО ЖЕЛЕЗАРНИЦАта ТВРДАТ
“Митал стил” врши силен притисок и им се заканува на вработените, чии имиња се на списоците за технолошки вишок, дека ако доброволно не си заминат, нема да добијат ни еднократен паричен надоместок. Ова го тврдат вработени во компанијата, кои сакаа да останат анонимни.
Тие велат дека покрај 300 доброволци, кои компанијата веќе ги отпуштила и на кои им тече отказниот рок од три месеци, сега се вршел притисок врз 50 работници од “Ладна валавница” за да си заминат од работа.
Списоците со вишокот вработени останале на огласните табли во двата погони од скопската железарница, а биле симнати само во зградата на дирекцијата. Дознаваме дека менаџментот “Ладна валавница” и на “Полуконти”, чиј доминантен сопственик е Индиецот Лакшми Митал, го пролонгирал спроведувањето на програмата за економски, технолошки и структурни реформи, која предвидува и 500 вработени доброволно да ја напуштат компанијата до денеска. Раководството прифаќа да исплати еднократен надоместок во висина од 2.100 до 4.000 евра во зависност од стажот на секој вработен кој сака да си замине.
Претставници на Синдикатот на железарница и претседателот на Синдикатот на металците, енергетичарите и рударите, Пеце Ристевски вчера попладне требаше да се сретнат со извршниот директор на компанијата, Раџив Батнагар, кој е и потписник на програмата.
(А.Ф.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.