Земјотрес со јачина од 4,7 степени според Рихтеровата скала е регистриран во 11:35 часот во областа Санторини.

Епицентарот на земјотресот повторно бил во близина на селото Оја, на 25 километри североисточно.

CCTV footage of 5.1 Earthquake in Santorini, Greece
February 04, 2025 #sismo #temblor #Santorini pic.twitter.com/SstljG0iLK

— Disasters Daily (@DisastersAndI) February 5, 2025

Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 14 километри под површината на земјата.

Ова подрачје од утрово е погодено од најмалку 30 земјотреси посилни од 3 степени според Рихтеровата скала, додека од утринава ова е трет земјотрес со јачина над 4 степени според Рихтеровата скала.

Првиот земјотрес со јачина од четири степени е регистриран утрово во 4 часот и 16 минути, со епицентар на 18 километри од Аркесини на Аморгос, на длабочина од 10,8 километри, јави „Прототема“.

Вториот земјотрес со јачина од 4,3 степени се случил пет минути подоцна, со епицентар на 17 километри од Аркесини, на длабочина од 11,8 километри.

Поради постојаната сеизмичка активност, засилени се силите на противпожарните единици на Јужен Егеј, а мобилниот оперативен центар „ОЛИМПОС“ пристигна во Санторини со дополнителни екипи, вклучувајќи кучиња за спасување и дронови.

Вкупно 51 пожарникар и девет возила се распоредени на островот, додека слични сили беа испратени на други острови како Аморгос, Јос и Наксос, каде што хеликоптерот на противпожарната служба е во подготвеност.

Грчкиот весник пишува дека улиците на Санторини се празни и дека наликуваат на времето на пандемијата на коронавирусот.

Илјадници жители и туристи продолжуваат да го напуштаат островот, а бројни улици на Санторини се затворени со полициски ленти, за да не се загрози безбедноста на граѓаните.

Санторини е исто така во состојба на готовност бидејќи локалните власти се загрижени поради кражби, по заминувањето на приближно 11.000 жители кои ги напуштија своите домови.

Полициските сили беа ставени во состојба на готовност, со интензивни патроли и блокади на патиштата, во обид да спречат евентуални упади.

Многу училишта на островите Киклади, вклучувајќи ги Миконос, Наксос, Парос, Патмос и Лерос, ја прекинаа наставата поради можна закана од дополнителни земјотреси.

Апликацијата на Министерството за дигитална администрација MiSaFeTiPlan, која покажува каде во државата има отворени простори каде жителите од тие области можат да најдат безбедно засолниште во случај на природни катастрофи, од денеска е достапна за корисниците на Интернет.

Професорот по сеизмологија и поранешен претседател на Грчкото здружение на експерти за земјотреси Димитрис Папаниколау утринава изјави дека очекува силен земјотрес со јачина од шест степени според Рихтеровата скала.

„Требаше да внимаваме да не градиме на падините. Доколку се случи земјотрес со јачина од шест степени според Рихтеровата скала, најверојатно ќе се откинат големи парчиња и ќе имаме слични последици за зградите“, рече тој.

Сослушувањето за убиство во судница во Албакерки се претвори во хаотична сцена кога двајца роднини на жртвата физички го нападнаа обвинетиот.

Инцидентот се случил кога двајца мажи, Карлос Лусеро и Пит Исаси, ја прескокнале бариерата и го нападнале мажот обвинет за убиство. Ситуацијата ескалирала кога во конфликтот се вклучиле уште еден затвореник и таткото на обвинетиот.

Се обидел да интервенира и затворски чувар, но и тој бил нападнат за време на пресметката, јавува Би-Би-Си.

🚨 Family Attacks Murder Suspect in New Mexico Courtroom

During a court hearing in New Mexico, chaos ensued when Carlos Lucero, the 40-year-old uncle of the victim, charged at Alexander Segura Ortiz, the 21-year-old accused of the murder, shouting, “He killed my niece like a… pic.twitter.com/afIBfXq2h1

— Tony Lane 🇺🇸 (@TonyLaneNV) February 4, 2025

Полицијата веднаш реагирала, ги уапсила Лусеро и Исаси и ги пријавила за напад на службено лице.

Една осомничена жена вмешана во инцидентот се уште е во бегство, а властите издадоа налог за апсење.

Шефицата на германската дипломатија Аналена Бербок денеска по повод предлогот на американскиот претседател Доналд Трамп за преселување на Палестинците од Газа изјави дека оваа енклава заедно со окупираниот Западен Брег и Источен Ерусалим му припаѓа на палестинскиот народ.

Таа посочи дека раселувањето на Палестинците од Појасот Газа би било „неприфатливо“ и против меѓународното право, пренесува Ројтерс.

Бербок рече дека Палестинците мора да бидат вклучени во решението на блискоисточното прашање и дека нивното протерување од енклавата ќе предизвика дополнително страдање и омраза.

Трамп предложи Палестинците да се преселат од Појасот Газа во Египет и Јордан, што тие земји го одбија.

Тој додаде дека САД ќе го преземат Појасот Газа, опишувајќи ја неговата визија за областа како нова „ривиера на Блискиот Исток“.