Свет
Дипломатскиот лов ги отсече Поречани
Чуварите од ловиштето „Јасен“ не дозволувале новиот пат што треба да го поврзе Поречкиот крај со Скопје, да минува покрај овој шумски резерват поради лични интереси на дел од раководството на ова јавно претпријатие, тврдат за „Време“ владини извори.
Мирче Котевски
Чуварите од ловиштето „Јасен“ не дозволувале новиот пат што треба да го поврзе Поречкиот крај со Скопје, да минува покрај овој шумски резерват поради лични интереси на дел од раководството на ова јавно претпријатие, тврдат за „Време“ владини извори. Неофицијално, за да ловат дивеч во „Јасен“ (муфлони, диви свињи, срни) високи дипломати, плаќале од 2.000 до 5.000 евра, а прекрасната борова шума неконтролирано се уништувала во име на бизнисот со дрвја.
Со седумте километри асфалт, колку што се потребни поречани да добијат блиска врска до Скопје, би се зголемила фреквенцијата, а „Јасен“ нема веќе да биде место безбедно ни за дрвокрадците. Од МВР се жалат дека тешко воспоставуваат контрола врз резерватот, поради непристапноста на теренот.
Поречани повторно го обвинија и „Електростопанство на Македонија“ оти неоправдано ја запира изградбата на патот. Со полнењето на вештачкото езеро за хидроелектричната централа „Козјак“, уште пред две години беше потопен единствениот пат што ги поврзуваше 52-те поречки села со скопската населба Драчево, а ЕСМ не ја испочитува законската обврска да изгради алтернативна траса.
Од здружението „Поречки средби“ стравуваат дека уште долго може да го чекаат патот што требаше повторно да ги поврзе со главниот град, откако ЕСМ сега се подели на две независни компании за производство и за дистрибуција на струја.
– Не знаеме која од компаниите ќе ги преземе обврските за да ја финансира изведбата на патот. Со поделбата на надлежностите може ниту една од нив да не си ја презема одговорноста, а повеќе од 10.000 жители од Порече и натаму ќе останат отсечени од Скопје – вели Борко Симоски, претседател на здружението „Поречки средби“.
Како што објаснува Симоски, според членот 45 од Законот за јавни патишта пред да им ја уништи единствената копнена врска што Поречкиот крај го делеше од Скопје само 90 километри, ЕСМ било должно да им направи алтернативен пат.
– Непроценлива штета ни е нанесена откако останавме без патот. Сега ние, жителите на Македонски Брод, Самоков и на околните села, наместо 90, кружиме околу 220 километри за преку Кичево да стигнеме до Скопје. И тоа трае околу три години, а државата преку ЕСМ како нејзино претпријатие како да нема интерес да го реши проблемот – се жалат поречани.
Од ЕСМ реагираат дека пари за таа намена се обезбедени, но топката за доцнењето на изведбата ја префрлаат кај шумскиот резерват „Јасен“ чии вработени пролетва не им дозволија на геодетите да го трасираат патот.
– Се надеваме дека сега, откако наскоро „Јасен“ ќе оди под надлежност на Министерството за животна средина, конечно ќе се обезбеди мирен терен за изградба на патот. Се уште не е решено кое од двете новоформирани друштва ќе ги преземе обврските за финансирањето на проектот, но и тоа ќе биде познато деновиве. ЕСМ не бега од обврските – изјави Бране Стефановски, портпарол на ЕСМ. Од „Јасен“вчера не сакаа официјално да образложат зошто ја блокираат изградбата на патот.
Поречани во моментов подготвуваат тужба против ЕСМ и против „Јасен“ за надомест на штета поради блокирањето на патот. На 24 овој месец, здружението ќе одржи протестен митинг на плоштадот „Македонија“ во Скопје против, како што велат, државата, која досега не покажала сериозен интерес да им го изгради ветениот пат
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Подољак за Путин: „Од една страна вели секако, но од друга страна, јасно е кој сака војната да продолжи“
Вонредната состојба во Украина нема да биде укината во случај на 30-дневно примирје со Русија, ниту за тоа време ќе се одржат избори, изјави денеска советникот на шефот на кабинетот на украинскиот претседател, Михаил Подољак.
„Примирјето од 30 дена не е крај на војната. Ситуацијата ќе биде непредвидлива. Невозможно е да се укинат вонредната состојба и процедурите за заштита на земјата за толку краток временски период. Ќе биде неопходно да се преговара, проверени набљудувачи кои ќе можат да го забележат прекршувањето на примирјето и да обезбедат одвојување на страните. Мораме да ја задржиме способноста за борба“, рече тој.
Подољак истакна и дека изборите во Украина нема да се одржат доколку се прогласи 30-дневен прекин на огнот, бидејќи се уште не е можно да се гарантира безбедноста на избирачките места и изборната кампања.
Тој нагласи дека тоа ќе биде можно доколку започнат преговорите за стабилен прекин на огнот гарантиран од неутрални набљудувачи.
Подољак посочи дека Украина нема да се откаже од одредени барања, како што се безбедносни гаранции, почитување на територијалниот интегритет на Украина и зачувување на нејзината култура, историја и јазик.
Тој го обвини рускиот претседател Владимир Путин дека всушност не планира да прифати привремено примирје според американскиот предлог, иако рускиот лидер рече дека начелно се согласува со предлогот, но дека „има нијанси“.
„Неговиот одговор е двосмислен. Од една страна, тој вели – се разбира, ова е јасно, ова е неопходно, но од друга страна, тој продолжува да вели дека има нијанси. И тие ја бришат самата идеја за прекин на огнот“, рече Подољак.
Тој тврди дека Путин во суштина сака Украина да престане да се брани и да произведува оружје, како и да се откаже од контролата над линијата на фронтот.
„Стана јасно кој сака да ја продолжи војната. Нашето искуство од 2014 година ни кажува дека Москва ги прекршува сите договори. Самитот во Џеда ја стави во позиција каде што ќе треба да ја разјасни ситуацијата. Ќе видиме“, рече тој.
Зборувајќи за украинско-американските преговори во Џеда, Подољак истакна дека САД директно не соопштувале какви отстапки ќе мора да направи Украина.
„Тие сакаат да имаат транспарентни економски односи со Украина, во кои инвестираа значителни воени и финансиски ресурси. А Украина е многу заинтересирана за обновување на ефективни билатерални односи: САД имаат клучен арсенал, како што се противракетна одбрана, специјална муниција и разузнавање“, рече тој.
Тој посочи дека и покрај конфликтот меѓу претседателите на Украина и на САД, Володимир Зеленски и Доналд Трамп, на средбата во Овалната соба, Киев „му верува“ на американскиот лидер, кој, како што тврди Подољак, е сојузник на Украина.
Подољак истакна дека „војната продолжува“, и дека украинските војници продолжуваат да дејствуваат во руската област Курск.
Свет
Деветмесечно бебе починало во автомобил, мајка и заборавила да ја однесе во градинка во Никозија
Деветмесечно бебе било пронајдено починато во автомобил пред градинка во Никозија.
Била повикана брза помош и бебето било пренесено во болница. Лекарите неуспешно се обиделе да го оживеат, пренесуваат медиумите во регионот.
Според написите, мајката го заборавила бебето во автомобилот. Жената го ставила бебето во автомобил и тргнала на работа, заборавајќи да го остави во градинката, која е веднаш до нејзиното работно место. Автомобилот останал на истото место до попладневните часови.
Кога завршила со работа, по работното време, отишла да го земе детето, но кога видела дека не е во дневен центар, сфатила што се случило.
Известена е полиција и се очекува мајката да биде уапсена.
Свет
Расте бројот на заболени од мали сипаници во САД
Епидемијата на мали сипаници (морбили) во Западен Тексас и Ново Мексико, во САД, сега достигна речиси 300 случаи, а од оваа болест починаа две невакцинирани лица.
Случаи на сипаници се пријавени во Алјаска, Калифорнија, Флорида, Џорџија, Канзас, Кентаки, Мериленд, Њу Џерси, Њујорк, Пенсилванија, Род Ајленд, Вермонт и Вашингтон.
Денеска, американскиот Центар за контрола и превенција на болести (ЦДЦ) објави дека бројот на потврдени случаи на сипаници во САД го надминал бројот од 2024 година.
Здравствените власти во Тексас објавија дека до вторник имало 36 нови случаи на сипаници, со што вкупниот број во Тексас се искачи на 259. Уште пет лица се хоспитализирани, односно вкупно 34.
Сипаниците се предизвикани од високо заразен вирус кој исто така се пренесува преку воздухот кога заразено лице дише, кива или кашла. Во САД, случаите и епидемиите на болеста обично започнуваат со некој што се заразил со болеста во странство, а болеста се шири особено во заедниците со ниски стапки на вакцинација.
Малите сипаници најпрво го инфицираат респираторниот тракт, а потоа се шири низ телото, предизвикувајќи висока температура, течење на носот, кашлица, црвенило, насолзени очи и осип. Повеќето деца закрепнуваат од сипаници, но инфекцијата може да доведе до опасни компликации како што се пневмонија, слепило, оток на мозокот и смрт.
Најдобар начин да се избегне добивање на мали сипаници е вакцината против сипаници, заушки и рубеола (ММР). Првата инјекција се препорачува за деца меѓу 12 и 15 месеци, а втората меѓу четири и шест години, пренесуваат светските агенции.
Јахоски оди во притвор, Кривичен ја преиначи првичната одлука
Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење организиран криминал и корупција,...
Работниците копале дупка за шахта и нашле коски во дворот на амбулантата во Илинден
Коски биле најдени за време на ископ на дупка за шахта, во дворот од амбулантата во населбата Илинден. „Амбулантата во...
Подготвителната седница за Законот за јазиците ќе се емитува во живо: „Секој граѓанин ќе гледа и слуша како ја водиме постапката“
Претседателот на Уставниот суд, Дарко Костадиновски, на брифинг со новинарите информираше за одржување на претстојната Подготвителна седница за Законот за...
Мицкоски: Предупредив дека народот може да се самоорганизира и да протестира, желен е за правда, не правам упад во судската власт
Најавите за протести премиерот Христијан Мицкоски вели дека се предупредување за незадоволството кај народот доколку сами не се повлечат од...
Бугарија испрати јасна политичка порака дека не се посветени на изградбата на Коридорот 8, вели Николоски, кој алармирал во банките за пренамената на средствата
Министерот за транспорт и врски Аленсандар Николоски утрово алармирал во двете банки со кои земјава има потпишано договори за кредит...
Ќе биде потпишан договор со многу моќна европска земја и ќе се мери во милијарди, рече Мицкоски
Премиерот Христијан Мицкоски, одговарајќи на новинарско прашање, информира дека очекува многу добри вести за македонските граѓани во текот на април...
Tрамп: Покварениот Џо Бајден нѐ доведе во вистински хаос со Русија
Американскиот претседател Доналд Трамп го повика својот претходник, Џо Бајден, во објава на социјалните мрежи. „Покварениот Џо Бајден нè внесе...
СДСМ: Министерката Јаневска скучила договор со „Пуцко петрол“ од 40 илјади евра
Продолжуваат партиските преписки за тоа кој, каков договор склучил со „Пуцко Петрол“, чијшто сопственик, Асмир Јахоски, е осомничен во случајот...
(Фото) Украинците оставија многу моќно оружје во Курск, Русите објавија фотографии
Кон крајот на минатиот месец, на 25 февруари, елитната руска група за беспилотни летала – Центарот за напредни беспилотни системи...
(Видео) Стојаноски: Благодарение на СДС и ДУИ, „Пуцко петрол“ успевал за една година да го зголеми приходот 40 проценти
„Откако пред некој ден син на пратеник од ДУИ, сопственик на Пуцко петрол како мерка доби домашен притвор за случај...
Левицата предложи 18 месеци платено породилно отсуство: Овој закон ќе ја подобри положбата на мајките и семејството и ќе создаде темели за решавање на најголемите демографски проблеми
„Во време кога Македонија се соочува со сериозна демографска криза, Левица предложи нов закон за 18 месеци платено породилно отсуство,...
ДУИ: Секој обид за оспорување на Законот за употреба на јазиците е обид за оспорување на Охридскиот договор и уставниот поредок на Северна Македонија
„Денес ја одбележуваме четвртата годишнина од потпишувањето на Законот за употреба на јазиците – моментот кога беше заокружен легислативниот дел...
„Судскиот совет не е приватен дуќан на кадрите на Заев и Груби – разрешените членови мора да заминат“, велат од ВМРО-ДПМНЕ
„ВМРО-ДПМНЕ најостро реагира на обидите на разрешените членови на Судскиот совет да ја узурпираат институцијата, спротивно на волјата на Собранието...
„Имаме најскапи патарини во регионот, а ужасни патишта: пратениците да гласаат за нашиот предлог за 50 отсто поевтини патарини“, бара партијата Левица
„На 19 март, во Собранието ќе се гласа за предлог-законот на пратеничката група на Левица, кој предвидува намалување на патарините...
СДСМ: Милиони во омилени фирми на власта, до кога ќе молчи Јавното обвинителство за тендерските шеми на ДПМНЕ?
СДСМ јавно прашува: До кога Јавното обвинителство ќе молчи за тендерските шеми и скандали на ДПМНЕ? „Случаите со милионските зделки...
Венс: Би бил шокиран доколку Трамп сака да го премести нуклеарното оружје подалеку на исток во Европа
Потпретседателот на САД, Џеј Ди Венс рече дека би бил шокиран доколку претседателот Доналд Трамп сака нуклеарното оружје да го...
„Огромен интерес и внимание за македонската делегација на глобалниот самит во Баку“: Сиљановска и Божиновска во центарот на глобалните дискусии
Огромен интерес за македонската делегација на XII Global Baku Forum – присуството на македонската делегација, официјалните и неформалните средби на...
(Видео) Погодена рафинерија во Русија, гори огромен резервоар за гас
Украинците во текот на ноќта со беспилотни летала ја нападнаа руската рафинерија Туапсе во Краснодарската територија. Според руските канали на...
(Видео) Џеј-Ди Венс исвиркан на концертот на Националниот симфониски оркестар во Вашингтон
Американскиот потпретседател Џеј Ди Венс беше пречекан со свирежи и негодувања од публиката по пристигнувањето на концертот на Националниот симфониски...
Кина, Иран и Русија почнаа разговори за иранските нуклеарни прашања
Високи дипломати од Иран, Русија и Кина се собраа денеска во Пекинг на разговори за нуклеарните прашања на Техеран, објави...
